1 Vakorintho 4:10 - KITABU KITAKATIFU

¹⁰ Kunyi koveeye avasiru kigira Kristo, navuzwa munyi muveeye avageri mu lihambana na Kristo! Kunyi koveeye kolegerizwa navuzwa vadedekere, munyi muveeye ni zinguru! Munyi muheevangwa luyali!

1 Vakorintho 4:10 ပူးပေါင်းရင်းမြစ်များ

2 Avami 9:11

Jehu yirana ku vanene vache veve, avamuteeva, “Vindu viosi vikaveeye vilahi noho? Mulalu ula yenyangi ki ku ivi?” Yavativulira, “Munyi mumanyi icha yenyangi.”

Tsing'ano 11:12

Voveeye uvusiru komoloma nu vuchayi ku vandi. Niiva oveeye novogeri, gakuduukiraa ukiring'ane!

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Hosea 9:7

Ing'inga yu kuhaana mageri imali kuduuka. Yiyi ni ing'inga lwa avandu navanyoole agadukanaa navo. Lwa yago gakolekaa, avandu va Isiraeli valamanya! Mulavoola ndi, “Muporofeti uyu aveeye umusiru; kandi aveeye na roho gwu vulalu.” Avandu munyi muvadunyira kigira uvwoni vwinyu voveeye ovonene ligali.

Matayo 24:9

“Maku ing'inga yeyo mulakagumirwi, mudambizwi kandi mwitwi. Zihiiri ziosi zilakamusuli kigira ilieta liange.

Matayo 5:11

“Munyi muveeye nuvugasu lwa avandu valimunyega, nu kumukubiza ikivi nu kumuvolera zing'ano ziosi zio vovehi vudamanu kigira muveeye avalondi vange.

Luka 10:16

“Oyo uhulira munyi, ahuliraa inzi; kandi oyo usulaa munyi asuraa inzi, kandi oyo usulaa inzi asuraa uwanduma.”

Luka 18:9

Yeso yavoola lugano yilu kandi ku avandu valala avelolaa aveene kuva nuvulungi na nivalegeliza avandi vosi

Luka 6:22

“Muveeye nu vugasu munyi lwa vandu vamuduu nyira niiva musuraa nukumunyega, nukumwononyira lieta Mwana wa Adamu.

Vikolwa 17:18

Avalala ku vigizi vageri va Epikura na vigizi va Sitoiki, vahangalizana naye. Avalala vavoola, “Mudemanyi uyu yenya kovora ki?” Kigira Paolo yaali niyilwaza amakuva ga Yeso na gi lisimuguka, avandi vavoola, “Aveeye kuli wilwazaa makuva ga avanyasaye avageni.”

Vikolwa 17:32

Navuzwa lwa vahulira Paolo navoora makuva gi lisimuguka lia avakuzu, avalala kuvo eseko yaali ivamale; navuzwa avandi vavoola, “Kulayaanza kukuhulira kandi ku likuva yili!”

Vikolwa 26:24

Lwa Paolo yaali mu liekinga lilie kuli ndio, Fesito yamuhanzukira nu mwoyo munene, “Paolo! Ulaluki! Lisoma liilio linyingi likulalukizi!”

Vikolwa 9:16

Inzi mwene ndamumanyia goosi agamuduukira kusalira kigira lieta liange.”

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

1 Vakorintho 1:23

Navuzwa kulwa kunyi, kwilwazaa Kristo wavambwa. Ku Avayuda, likuva yili liveeye chukwikigitaliza, na ku vizihiiri liveeye uvusiru,

1 Vakorintho 1:25

Ekelolekaa kuva uvusiru vwa Nyasaye, keveeye chovogeri ligali kuvita ovogeri vwa vandu, kandi ekelolekaa kuva vodedekere vwa Nyasaye, keveeye ni zinguru ligali kuvita zinguru zia vandu.

1 Vakorintho 10:12

Woosi wiganagana asingiyi vudinyu vwakaveeye vulahi yeehenze, gase alagwa!

1 Vakorintho 2:14

Ku vosi, utaveeye na Roho sianyala konyoora vihaanwa vituraa ku Roho wa Nyasaye mba. Umundu kuli uyu sianyala kuvimanyiriza mba, viveeye uvusiru kuye, kigira uvulahi vwavio vunyala kuvurwa na Roho.

1 Vakorintho 2:3

Kunangwa lwa ndaaza ku munyi ndaali mudedekere, kandi nendegera muviri gwosi nu vuti vonene;

1 Vakorintho 3:18

Mundu atiigaada mwene mba! Mulala ku munyi niyiganagana umwene kuva mugeri mu lirova yili, vwakava vulahi oyo yeekole kuva musiru, kunangwa aduuki kuva mugeri.

1 Vakorintho 3:2

Inzi ndaamunwehiza maveere. Sindamulihiza chukulia kidinyu mba kigira mwali ni mukikiri kuduuka kukilia. Yee, kali kalunu, mukikiri kuduukira kulia chukulia kidinyu,

1 Vakorintho 4:8

Kandi ndio, mwamala konyoora vindu viosi via mwenya? Mwamala kugwa avatugi? Mumali kuva vami? Kali niiva sikoveeye vulahi, ndakayanzi niiva mwakaveeye avami, kunangwa kove vami halala ni munyi.

2 Vakorintho 10:10

Kigira vavoola, “Zibarwa zia Paolo ziveeye ni zinguru, navuzwa mwene lwaveeza harara ni kunyi aveeye mudedekere mu muviri, kandi limoloma lilie siliveeye kindu mba.”

2 Vakorintho 11:19

Munyi mwikuziraa nu vusangali ku vasiru, kigira veene muveeye vageri ligali!

2 Vakorintho 11:29

Lwu mundu woosi aveeye mudedekere mu lisuuvira, inzi kandi mbeeye mudedekere; lwu mundu woosi akolaa vwoni, inzi kandi mbezaa ni lihenda mwoyo.

2 Vakorintho 13:9

Kuyaanza lwa koveeye avadedekere, navuzwa munyi muveeye ni zinguru. Kulwayago kusaala muduuki komeeda kuva avadukiru.

2 Vakorintho 4:12

Kunangwa kovora ndi likuza likora miyinzi mu kunyi, navuzwa livamwoyo likora imiyinzi mu munyi.

2 Vakorintho 6:8

Kohevwa uluyali na vandi. Konyegwa kandi kuginwa na valala; na kwizominywa na vandi. Kuvugulwa kuli vavehi, navuzwa kovora giligali;

1 Vatesalonike 4:8

Kunangwa, uyu usuulanga amigizu yaga siasuraa mundu, navuzwa asuraa Nyasaye, uhaanaa kumunyi Roho weve Mutakatifu.

1 Petro 4:14

Musangare lwa munyegwa kigira muveeye avalondi va Kristo; yili limanyia Roho wu vukumi kandi Roho wa Nyasaye asoseraa mu munyi.