1 Vakorintho 3:9 - KITABU KITAKATIFU

⁹ Kunyi koveeye avamwavo, avayinziri va Nyasaye; na munyi muveeye mulimi gwa Nyasaye, kandi muveeye kuli inyumba ya Nyasaye.

1 Vakorintho 3:9 ပူးပေါင်းရင်းမြစ်များ

Zaburi 118:22

Ligina liavumbaki vasuura, limali gugwa ligina linene liu mukoona.

Zaburi 72:16

Leka have nuvuswage vunyingi mu kivala; vigulu vizuri ligesa kuli lie kiguru cha Lebanoni. Leka madaala manene gizuri avandu kuli milimi gizuyi uvunyasi!

Tsing'ano 9:1

Mundu wo vogeri yumbaka inyumba yeeye, ma aviikaku zitiru saba.

Isaya 32:20

Vuli mundu alakave navuyanziki lwa mazi nagaveho muvunyingi agukusama ku vitagwa kandi nuvwayiru vunyingi havundu hoosi vwi zibunda kandi mitugu?

Isaya 61:11

Kuli ivitagwa vitomboka ma viviruka, Yahova Nyasaye alaleeta uvulungi kandi lizominywa imbiri Mwami Munene Yahova alahonyia avandu veve, kandi zihiiri ziosi zilamwizominya.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Isaya 61:5

Avageni valamutumikira kandi valaya nu kulinda chayo chiinyu, kandi valalima milimi jinyu, nu kulinda milimi jinyu jie mizabibu.

Jeremia 2:21

Ndaali ni ndamusimika kuli musaala gwa makuyu gwa ndaatovora, kutura ku uvuguza uvulahi ligali. Navuzwa loli kuli mumali kugirung'ana! Muveeye kuli muzabibu gumali kugunda ugutaveeye kindu kali hakuzu.

Matayo 15:13

Navuzwa Yeso yativura navoora, “Kitagwa choosi cha Baba wange wu mwigulu atasimika kiliifwa.”

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Matayo 9:37

Ahene yaho Yeso yavolera aviigi veve, “Ligesa ni linene, navuzwa avagesi vagehi.

Marko 16:20

Aviigi vazia kwilwaza muvivala viosi. Mwami yayinzira harara navo, nadinyiriza amakuva gaavo ni vilolekizu vialondekana navo.]

Vikolwa 4:11

Yeso niyie wa Mang'oda Matakatifu gavoora, ‘Ligina lia munyi avumbaki mwasuura, kalunu liveeye ligina lie kivuni ku goosi.’

1 Vakorintho 3:16

Munyi si mumanyi ndi muveeye Litembeli lia Nyasaye kandi Roho wa Nyasaye amenyaa mu munyi?

1 Vakorintho 3:6

Inzi ndaataga uvuguza, na Apolo naasama amazi; navuzwa Nyasaye naavuvirukiza.

1 Vakorintho 6:19

Sumanyi muviri gugwo goveeye Litembeli lia Roho Mutakatifu omenya mu ivi, kandi wa mwanyoola kutura ku Nyasaye? Muviri gugwo sigoveeye gugwo mwene mba, navuzwa goveeye gwa Nyasaye.

2 Vakorintho 6:1

Kuli kunyi koveeye avayinziri harara na Nyasaye, kumugoonya mutumikiri vulahi zimbavasi zizie zia mumali konyoora.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Vafeso 2:10

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Vakolosai 2:7

musingiri vudinyu, kandi mwumbakwe muye, nu kuvikwa zinguru mu lisuuvira lienyu, kuli mwigizwa. Muve kandi ni lisandiza linyingi.

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

3 Yohana 1:8

Kunangwa kunyi Avakristayo, gakuduukiraa kokonye avandu vaveeye kuli yava, kunangwa kuduuki kusanga harara navo mu miyinzi mu giligali.