1 Vakorintho 3:8 - KITABU KITAKATIFU

⁸ Uyu utaagaa kandi uyu usamaa mazi, vombi vaveeye kindu kilala. Nyasaye alahaana amadanyi geege kolondekana ni miyinzi jije mwene.

1 Vakorintho 3:8 ပူးပေါင်းရင်းမြစ်များ

Zaburi 62:12

kandi ndi uvuyanzi uvutali nekeheri voveeye uvwivwe. Ivi umwene, O, Yahova, utunganga sa mulala amadanyi kolondekana ku vikolwa vivie.

Tsing'ano 27:18

Osembelere mukuyu na ulanyora makuyu gu kulia. Oyo ulindaa vanene veve alahevwa luyali ligali.

Danyeli 12:3

Avageri valakang'ereng'ane kuli vulavu vwu muvwerefu. Yavo avaliva nivigiza avandu vanyingi kokora agaveeye malungi, valakang'ereng'ane kuli zing'ereng'ani mihiga ni mihiga.”

Matayo 16:27

Umwana wa Adamu aveeye ahimbi kuza mu vukumi vwa Baba weve harara ni zingelosi veve; kandi ahene yaho alatungaa vuli mundu kolondekana ku vikolwa vivie.

Luka 19:19

Mwami weve yamutivulira, ‘Ivi ulava nuvunyari ku madaala manene gatano.’

Varumi 2:6

Mu lidiku yilio, Nyasaye alakatungi vuli mundu woosi kolondekana ku miyinzi jije.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

1 Vakorintho 3:14

Niiva muyinzi gwu mundu yumbaka ku musingi yigu gulakahononoke mu muliru, umwumbaki alakanyoole madanyi geege.

1 Vakorintho 3:7

Kunangwa, oyo utagaa anoho usamaa mazi vombi sivaveeye kindu. Navuzwa Nyasaye uvirukiza niyie munene.

1 Vakorintho 3:9

Kunyi koveeye avamwavo, avayinziri va Nyasaye; na munyi muveeye mulimi gwa Nyasaye, kandi muveeye kuli inyumba ya Nyasaye.

1 Vakorintho 4:15

Kali niiva muveeye na vigizi zielefu likomi mu Kristo, simuveeye na vababa vanyingi mba, kigira ndaagwa baba winyu mu Kristo Yeso ku limwilwaazira Ivangeri.

1 Vakorintho 9:7

Siaveeyeho musikari utumikaa vuzwa vugira mituungu mba. Mulimi gamudukira kulia amakuyu gi mizabibu ja vasimika. Mwayi gamudukira kunwa ku maveere gi mitugu jije.

Vagalatia 6:4

Navuzwa vuli mundu gamudukira agerizi miyinzi jije mwene, ahene yaho alava ni liekonya mwene, vugira kwifananyia ku wundi.

Vagalatia 6:5

Mundu sa mulala alagiinga musigo gwigwe mwene.

Vahebraina 6:10

Nyasaye siaveeye vugira vulungi mba! Sialivilira miyinzi jinyu ja mwakora, anoho vuyanzi vwinyu vwa mwalolekiza kuye novokoonyi vwa mwaha vandu va Nyasaye kandi mu kihaanaa ku Avakristayo vache vinyu, ma mukizizagiliraa kokoonya Avakristayo vache vinyu.

1 Petro 5:4

Mwayi mwene aliloleka, mulakanyoole itaji yu vukumi ilivula kogotiza vwaku vwayo.

2 Yohana 1:8

Kunangwa mwilindi munyi aveene muvuli kogotiza vindu yivio via kumali kuyinzilira, navuzwa muduuki konyoora amadanyi ginyu muvuduukiru.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.

Likunula 22:12

Yeso avoora, “Hulira Inzi nziza vwangu! Mbeeye na amadanyi gange, kutunga umundu sa mulala kolondekana ni miyinzi jije.