1 Vakorintho 3:18 - KITABU KITAKATIFU

¹⁸ Mundu atiigaada mwene mba! Mulala ku munyi niyiganagana umwene kuva mugeri mu lirova yili, vwakava vulahi oyo yeekole kuva musiru, kunangwa aduuki kuva mugeri.

1 Vakorintho 3:18 ပူးပေါင်းရင်းမြစ်များ

Tsing'ano 26:12

Mundu musiru ligali aveeye mulahi kuvita mundu uganagana aveeye mugeri lwa ataveeye ndio mba.

Tsing'ano 3:5

Usuuviri Yahova nu mwoyo gugwo gwosi. Utasuvira zing'anagani zizio mba.

Tsing'ano 3:7

Utaganagana oveeye mugeri mba, utie Yahova kandi utakola uvudamanu mba.

Tsing'ano 5:7

Avana vange, kalunu mbulirizi, mutivilira gambolaa mba.

Isaya 44:20

Akombaa ligoke litaveeye kindu kuye. Zing'anagani zizie ziuvusiru zimugotizi ligali kali sianyala konyoora vokonyi kali hakuzu mba. Sianyala kuvugilira umwene ndi kifananyi cha agumiyi mu mukono gwigwe sikeveeye nyasaye mba.

Isaya 5:21

O, vayaayi, kivi keveeye ku yavo aviiganaganaa ndi vaveeye avageri, kandi aviganaganaa ndi vaveeye nilimanya!

Jeremia 37:9

Inzi Yahova, mwiganihizaa muvuli kwigaada aveene ni muganaganaa ndi avandu va Babiloni valavula kuuza, valaza.

Jeremia 8:8

Munyi munyalandi kovora muveeye avageri, kandi mwamanya amalago gange? Henza, avang'odi avataveeye avasuuvirifu vamali kugirung'anyia amalago kugwa ovovehi.

Matayo 13:22

Nuvuguza yivu uvwagwa mu mafwa voveeye kuli avandu vahuliraa likuva, navuzwa amadidikano gi ikivala yiki, harara nilienya uvutugi, vikunikaa likuva zana, ma vavura kwama amakuyu.

Matayo 18:4

Ku vosi uwegehizaa kuli umwana mukekeeke uyu, aveeye umunene mu Vwami vwu mwigulu.

Marko 10:15

Muvooleraa agiligali, umundu woosi utavugilira Uvwami vwa Nyasaye kuli umwana mukekeeke, sialingira muvwo mba.”

Luka 18:17

Muvooleraa agiligali, mundu ku vosi utavugilira uvwami vwa Nyasaye kuli avana vakekeeke, sialingira mu Vwami yivwo kali hakuzu mba.”

Luka 21:8

Yeso yaavativula, “Mugerihi mutagadwa mba. Kigira avanyingi valaza mu lieta liange, nivavoora, ‘Inzi niyie,’ kandi, ‘Ing'inga eveeye ahimbi,’ Mutavalonda mba.

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

Varumi 12:16

Mumenye mu vuhambani mulala nuwache. Mutava avigingiri, navuzwa muvugiliri kutumikira kali vihanzahanza. Mutiganagana kuva avageri na vukweyenyera ovonene mba.

1 Vakorintho 15:33

Mutagadwa mba. “Avalina vadamanu vononyiaa miima milahi.”

1 Vakorintho 3:17

Mundu woosi wononyia Litembeli lia Nyasaye, Nyasaye alamudiviza. Litembeli lia Nyasaye liveeye litakatifu, kandi Litembeli yilio ni munyi.

1 Vakorintho 4:10

Kunyi koveeye avasiru kigira Kristo, navuzwa munyi muveeye avageri mu lihambana na Kristo! Kunyi koveeye kolegerizwa navuzwa vadedekere, munyi muveeye ni zinguru! Munyi muheevangwa luyali!

1 Vakorintho 6:9

Si mumanyi ndi vandu vachamu sivalinyoola vwami vwa Nyasaye? Mutagadwa mba! Avandu vamenyaa mu kifavwi cho voheyi, avasigamiraa misaambwa, anoho avaheyi, malaya masaaza anoho avasaza vagonaa avasaza vache,

Vagalatia 6:3

Kigira niiva mundu ku vosi yiganagana aveeye kindu ing'inga ya ataveeye kindu, yigadaa mwene.

Vagalatia 6:7

Mutagadwa mba, Nyasaye sianyala kokolelwa kehenyahenye mba. Ichu mundu atagaa, nicho cha agesaa.

Vafeso 5:6

Mutaleka mundu kali mulala amugaade na makuva gu vusiru mba; gaveeye kigira vindu yivi uvutima vwa Nyasaye vuduuka ku avandu vosi avavuraa kumutia.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Yakobo 1:22

Muve avakoli vi likuva, mutava avahuliri vuzwa ni mwigada aveene mba.

Yakobo 1:26

Niiva umundu yiganagana aveeye wi lisuuvira, naye natalinda makuva geege, yigadaa mwene, lisuuvira liu mundu uyu ni liavuzwa.

1 Yohana 1:8

Ni kovora sikoveeye nu uvwoni, kwigaada kunyi aveene, na giligali sigaveeye mu kunyi mba.