1 Vakorintho 3:15 - KITABU KITAKATIFU

¹⁵ Navuzwa niiva miyinzi ju mundu jilakahie, ahene yaho alagotiza madanyi geege; mwene alahonywa kuli ohonokoki kuvitira mu lomemo lwu muliru.

1 Vakorintho 3:15 ပူးပေါင်းရင်းမြစ်များ

Ayubu 23:10

Nyasaye amanyirizaa zinzira ziange, niiva alangeliza, alanyoola inzi kuva mulahi.

Zaburi 66:10

O, Nyasaye, ivi umali kukuvika mu ligerizwa, kuli ifeza isambangwa mu muliru ma iloleka inifu. Nindio kandi ivi okogerizi.

Zaburi 66:12

Ivi waleka avasigu viitu kukuduvagira hasi; kwavitira mu muliru kandi mu amazi amanene, navuzwa kalunu, ivi umali kokoleta havundu hi mirembe.

Amosi 4:11

“Ndaadiviza valala ku munye kuli ndaadiviza Sodoma na Gomora. Yavo ku munyi avaahona kuli kegenga chu muliru kituliziywi mu mahiga. Navuzwa simwirana ku inzi mba.

Zekaria 3:2

Engelosi wa Yahova yavolera Setani, “Yahova akogondokele ive Setani! Yahova wayanza Jerusalemi akogondokele. Mundu uyu aveeye kuli imbimbu yavavugula kutura mu muliru.”

Vikolwa 27:21

Lwa vandu vaali mumeri vamenya ninzara ku ing'inga indambi, Paolo yasingira hagati haavo, navoora, “Avaamitu mulava ni mwambuliriza kuvula kutura Kerete, ngano si konyooye vudinyu ni ligotiza linene yili liosi mba.

Vikolwa 27:44

na avandi valonde ku nivagumiyi ku zimbaho anoho ku vidonye viemeri yaali nivunikani. Nandio kunyi kwosi kwaduka vulahi ku lujinga.

1 Petro 4:18

Mang'oda gavoora, “Niiva voveeye vudinyu ku vandu valahi kohonywa; galiva ki ku yavo avoni, avatamanyi Nyasaye?”

2 Yohana 1:8

Kunangwa mwilindi munyi aveene muvuli kogotiza vindu yivio via kumali kuyinzilira, navuzwa muduuki konyoora amadanyi ginyu muvuduukiru.

Yudasi 1:23

Muhonyie avandi ku livatuliza mu muliru; na ku avandi muvamanyie zimbavasi ziveeye harara nu uvuti. Navuzwa muvihilirwi zinguvu ziavo avamali kwonoganywa ni vikolwa viavo vidamanu.

Likunula 3:18

Kulwa yaga, ngovolera amakuva yaga nukukwiganihiza ndi uguli ku inzi izahabu isiyiiywi nu muliru, uduuki kuva umutugi. Gula kandi zinguvu zindavu ku inzi uduuki kwivika, kunangwa uduuki kufuma izisoni zie chahonyo chicho. Uguli kandi ku inzi ulunyasi lwa maguta lwu kuvaka ku zimoni zizio kunangwa uduuki kolola.