1 Vakorintho 3:11 - KITABU KITAKATIFU

¹¹ Siaveeye ho nu mundu unyala kolomba musingi gundi kuvita yigu, ugwamala kolombwa na Nyasaye, nagwo ni Yeso Kristo.

1 Vakorintho 3:11 ပူးပေါင်းရင်းမြစ်များ

Isaya 28:16

Yiki nicho cha yahova Wuvunyali avoora: “Mbikaa musingi mudinyu kandi gwizingulu mu Ziyoni. Mbikaa ligina liu mukoona lidinyu ligali ukwa makuva yaga gang'odwa, ‘Lisuuvira liveeye liezingulu liveeye liokwikuzira kandi.’

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

1 Vakorintho 3:10

Nindumikiraa kihanwa cha Nyasaye yamba, ndaakola muyinzi gwu mwumbaki munene wo vogeri, kandi nimbika umusingi, na mundu wundi naye yumbaka kugwo. Navuzwa gaduukiraa mundu sa mulala aheenze vulahi kuli yumbaka kugwo.

1 Vakorintho 3:12

Avalala valumbaka ku musingi yigu ni izahabu, anoho ifeza, anoho amagina guvuguli; avandi valatumikira misaala, anoho vunyasi, anoho uluvuva.

Vafeso 2:20

Munyi kandi mwumbakiywi ku musingi ugwalombwa na avatumwa kandi avaporofeti, Kristo mwene naveeye ligina liu mukoona.

1 Petro 2:4

Hambi ku Mwami, oveeye ligina limenya ilia vandu vambakana ligali, navuzwa mu zimoni zia Nyasaye yatovola kuva lio vokonyi kandi liu vuguli.