1 Vakorintho 3:10 - KITABU KITAKATIFU

¹⁰ Nindumikiraa kihanwa cha Nyasaye yamba, ndaakola muyinzi gwu mwumbaki munene wo vogeri, kandi nimbika umusingi, na mundu wundi naye yumbaka kugwo. Navuzwa gaduukiraa mundu sa mulala aheenze vulahi kuli yumbaka kugwo.

1 Vakorintho 3:10 ပူးပေါင်းရင်းမြစ်များ

2 Kyetsinyinga 2:12

Yahova Nyasaye wa Isiraeli, mulombi wi ligulu ni lirova yizominywi! Umali kuhaana ku mwami Daudi muyaayi mugeri, uwiizuyi limanyiriza nuvusiza, olohizaa kalunu ukwumbakira Yahova Litembeli kandi ukwiyumbakira inyumba yu vwami.

Kutwula 36:4

Maku avasiza avakolaa miyinzi ju kwumbaka, vazia

Tsing'ano 12:8

Niiva oveeye mundu wovogeri, ulizominywa, navuzwa noveeye musiru vandu valakuchaya.

Tsing'ano 9:1

Mundu wo vogeri yumbaka inyumba yeeye, ma aviikaku zitiru saba.

Kohelethu 12:9

Navuzwa kigira mwilwazi yaali mugeri, yaazizagilira kwigiza vandu gayamanya. Yenyeleriza zing'ano, kandi yageriza kohenzeriza giligali gezingano mu vusuuvirifu vwivwe.

Danyeli 12:3

Avageri valakang'ereng'ane kuli vulavu vwu muvwerefu. Yavo avaliva nivigiza avandu vanyingi kokora agaveeye malungi, valakang'ereng'ane kuli zing'ereng'ani mihiga ni mihiga.”

Zekaria 4:9

“Zerubabeli umali ku viika muse gwi Litembeli, kandi alamaliriza kuliumbaka. Lwayaga gekoleka, avandu vange valamanya ndi ninzi umali kukutuma kuvo.

Matayo 24:45

Yeso yavoola, “Nivwaha oveeye mutumikiri musuuvirifu kandi mugeri? Ni uyu wu mwami weve aviikaa ave munene ku avinyumba yeeye, kuvaha chukulia chavo ing'inga idukanaa?

Matayo 7:24

“Kulwayago, mundu woosi uhuliraa amakuva gange, naagakora, aveeye kuli mundu mugeri, uwumbaka inyumba yeeye ku lwanda.

Luka 11:35

Kigira yaga, ohenze vulahi gase uvulavu voveeye mu ivi vulagwa kisundi.

Luka 21:8

Yeso yaavativula, “Mugerihi mutagadwa mba. Kigira avanyingi valaza mu lieta liange, nivavoora, ‘Inzi niyie,’ kandi, ‘Ing'inga eveeye ahimbi,’ Mutavalonda mba.

Vikolwa 18:27

Lwa Apolo yenya kuzia Akaya, vamiitu avasuuviraa mu Efeso vamuzuva nivang'odera vandu avasuuviraa mu Akaya vamwingirizi. Lwa yaduuka yo, yakoonya ligali avaamitu vaali nivasuuvira kuvitira mu vunyali vwi zimbavasi zia Nyasaye.

Varumi 1:5

Kuvitira muye, Nyasaye yahaana ku kunyi zimbavasi kuva avatumwa kigira Kristo, kuduuki kwimilira nukulanga avandu vi zihiiri ziosi vaduuki kusuuvira nukutia.

Varumi 12:3

Kigira kihanwa chi zimbavasi zia Nyasaye ku inzi, muvooleraa munyi mwosi: Mutiganagana aveene kuva igulu ligali kuvita kuli gamudukira muve mba. Mu vogono yivwo muve hagati mu zing'anagani zienyu, kandi mwikalagiri aveene kolondekana ne kegero chi lisuuvira lia Nyasaye amali kuhaana ku munyi.

Varumi 15:15

Navuzwa mu ibarwa yiyi, mbeeye nuvuluviliri ligali ku makuva malala agaamali kumwizuliza. Ngoli ndio kigira zimbavasi zia Nyasaye yamba,

Varumi 15:20

Likayirwa liange kazozo liveeye kwilwaza makuva malahi hoosi hi lieta lia Kristo likikiri kutalwa, gase ndumbaka ku musingi gwu mundu wundi.

1 Vakorintho 3:11

Siaveeye ho nu mundu unyala kolomba musingi gundi kuvita yigu, ugwamala kolombwa na Nyasaye, nagwo ni Yeso Kristo.

1 Vakorintho 9:2

Kali niiva avandi sivambugilira kuli mutumwa, munyi mumbugiliraa kigira munyi muveeye muhuri gwu vutumwa vwange mu Mwami.

2 Vakorintho 10:15

Kunangwa, sikwekonyaa kigira miyinzi ja vandu vandi vamala kokora kuvita kegero cha Nyasaye yakuha mba. Navuzwa lisuuvirizwa lietu liveeye ndi, kuli lisuuvira lienyu linenehaa, lwako lwu vuyinziri vwitu hagati hinyu luduuki konenehizwa ligali kolondekana ne kegero cha Nyasaye yaviikaho.

Vafeso 2:20

Munyi kandi mwumbakiywi ku musingi ugwalombwa na avatumwa kandi avaporofeti, Kristo mwene naveeye ligina liu mukoona.

Vakolosai 1:29

Kolola ndi yaga gekoleki, nyang'anaa nokokola miyinzi vudinyu ligali nindumikiraa zinguru zinene zia Kristo ahaanaa, kandi zikolaa miyinzi mu inzi.

Vakolosai 4:17

Muvoolere Arikipo amakuva yaga, “Olole ndi udukizi muyinzi gwa wahevwa mu vutumiki vwu Mwami.”

1 Vatesalonike 3:2

Kwatuma Timateo, amiitu wiitu kandi muyinziri wache kigira Nyasaye mu Ivangeri ya Kristo, yaaze yaho kumudinyiriza nokumukoonya mu lisuuvira lienyu.

Yakobo 3:1

Avaamitu vange, vanyingi kumunyi mutava avigizi mba. Kuli mumanyi vulahi ndi kunyi avigizi kulakanyoola likalagirwa linene kuvita avandi.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.

2 Petro 3:15

Muloraa ndi liekuzira liu Mwami liveeye vwiyangu vwa hanaa kumunyi muduuki kohona kuli Paolo, amiitu wiitu muyanze yaamungodera, natumikira ovogeri vwa Nyasaye yamuha.

Likunula 21:14

Lidiji lie lidaala linene zana liumbakwa ku misingi zana komi na mbiri ija ng'odwa ku amiita kumi na mbiri agavatumwa.

Likunula 21:19

Imisingi ji lidiji ji lidaala zana jasiafa na amagina izing'ano ziosi izindahi. Ligina liu kutanga liu umusingi liali liu uvulimu Jasiperi, liakaviri liali lia bulu liali isafire, liakavaga liali liu uvulimu agate liakane ni liu uvulimu emeralidi,