1 Vakorintho 2:6 - KITABU KITAKATIFU

⁶ Kali ndio, nzilwazaa likuva lio vogeri ku yavo avaveeye vadukiru mu Roho. Navuzwa vogeri yivu sivoveeye vwi lirova yili liegiza, anoho vwa vami avamiiha lirova yili, avaveeye kunzira yu kudiva mba.

1 Vakorintho 2:6 ပူးပေါင်းရင်းမြစ်များ

Ayubu 1:1

Yaali ho mundu mu kivala cha Uzi, uwalangwa Ayubu. Mundu uyu yaali vugira imbara kandi mulungi, mulala uwatia Nyasaye, nukweleha ku uvudamanu.

Ayubu 12:19

Nyasaye agehizaa vasaalisi na vasaza vizingulu.

Ayubu 12:21

Nyasaye aviikaa zisoni ku yavo avaveeye avanene, kandi aherizaa zinguru zia avamihi.

Zaburi 146:4

Lwa vakuza viranaa vuzwa ku luguchi; ku lidiku yilio lilohiza lie zing'anagani ziavo liheraa.

Zaburi 33:10

Yahova yononyiaa zing'anagani zia avizihiiri valohiza kokora. Avakolaa vavuli kuduukiza lilohiza liavo.

Zaburi 37:37

Henza ku mundu mulahi kandi mundu mulungi; mundu wi mirembe aveeye ni visukululwi.

Isaya 40:23

Nyasaye yikizaa vana va vami kuva vuzwa, kandi akolaa avamihi vizingulu ku lirova kuva vuzwa.

Matayo 13:22

Nuvuguza yivu uvwagwa mu mafwa voveeye kuli avandu vahuliraa likuva, navuzwa amadidikano gi ikivala yiki, harara nilienya uvutugi, vikunikaa likuva zana, ma vavura kwama amakuyu.

Matayo 19:21

Yeso yamuvolera, “Niwenya kuva umudukiru, zia ugulizi ivindu vivio viosi ohe avadaka, na ivi ulava nu utungi mwigulu, ma uzi ononde.”

Matayo 5:48

Kunangwa gamudukira muve vadukanu, kuli Baba winyu wu mwigulu aveeye mudukanu.

Luka 16:8

“Kunangwa, mwami yizominya mulindi utaali umusuuvirifu oyo; kigira yatumikira vugadi. Avandu vikivala yiki vaveeye novogeri vwu uvugadi ku makuva gaavo kuvita avandu vuvulavu.”

1 Vakorintho 1:28

Nyasaye yatovola vindu vialegerizwa kandi viachaywa mu lirova aduuki kwononyia vindu via vandu vaganagana kuva vidukiru.

1 Vakorintho 12:8

Roho ahaanaa ku mundu mulala livoora lio vogeri, na wundi ahevwa limanya kutura ku Roho mulala mwere.

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

1 Vakorintho 2:1

Avaamitu vange, lwa ndaaza ku munyi, kumwilwazira agaviswa giligali ga Nyasaye, sindatumikira makuva malahi anoho govogeri vutambi vwa vandu mba.

1 Vakorintho 2:13

Kunangwa kunyi sikomolomaa mu makuva no vogeri vwa vandu, navuzwa mumakuva gigizwa na Roho Mutakatifu, kuli kwivaala agiligali gu vutakatifu ku yavo avaveeye na Roho.

1 Vakorintho 2:8

Siaveeye ho nu mulala ku vamihi vi lirova yili wamanya ovogeri yivu mba. Niiva vaali nivavunamyi, sivali vakavambi Mwami wu vukumi mba.

1 Vakorintho 3:1

Avaamitu vange, inzi sindaali nyara komoloma ni munyi kuli molomaa ku vandu vaveeye na Roho mba; navuzwa ndaamoloma ni munyi kuli avandu vu mu lirova yili kuli vana vadoto mu lisuuvira liu Vukristayo.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

2 Vakorintho 4:3

Niiva Ivangeri ya kwilwazaa sielorekaa mba, eveeye vuzwa inzivisu ku yavo avagotanga.

2 Vakorintho 4:4

Sivasuuvira kigira ziganagani ziavo ziamenya mu kisundi chu munyasaye wi lirova yili. Avakolaa ndio kunangwa vavuli kolola uvulavu vwi Ivangeri yu vukumi vwa Kristo oveeye liiva lie ligali lia Nyasaye.

Vafeso 2:2

Ing'inga yeyo mwamenya kolondekana ni liiva lidamanu lie lirova, Kandi mwaloonda nukuhulira liiva lio mwami wa mademoni gi zinguru mu vwerefu, mademoni gamiihaa avandu avatahuliraa Nyasaye.

Vakolosai 1:28

Kunangwa kwilwazaa Kristo ku vandu vosi kutumikira vogeri vwosi kuviganihiza kandi kuvigiza, kuduuki koleta vuli mundu imbiri wa Nyasaye, kuli mundu muduukiru mu Kristo.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

Vahebraina 5:14

Navuzwa chukulia kidinyu, ku lovega lundi, keveeye cha vandu vakulundu, kuvitira mu limanya liavo lia viinaliza, avanyala kwavukanyia hagati hu vulahi nuvudamanu.

Vahebraina 6:1

Kunangwa, gendi kwisundi imbiri kuduuka ku migizu gu vuduukiru nakoleke inyima amigizu gukutanga gu Vukristayo. Kutatema kandi musingi gwi lieganira kutura ku miyinzi midamanu, nu gwi lisuuvira mu Nyasaye mba;

Yakobo 3:15

Ovogeri kuli yivu si vuturaa mwigulu mba. Voveeye vwu mu lirova, uvutaveeye vwa Roho, kandi vwamademoni.

Yakobo 3:2

Kunyi kwosi kokora vudamanu kazozo amanyingi. Navuzwa niiva umundu woosi siakolaa vudamanu agaveeye kovora, aveeye umundu umudukiru, kandi anyala kulinda liiva lilie liosi.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.