1 Vakorintho 2:4 - KITABU KITAKATIFU

⁴ liegiza liange nililwaza liange siliali na makuva govogeri vutambi vwa vandu, navuzwa namakuva gi zinguru zia Roho wa Nyasaye.

1 Vakorintho 2:4 ပူးပေါင်းရင်းမြစ်များ

Tsing'ano 20:19

Makuva ga vuzwa sigaveeye nimbisu mba. Welehe ku vandu vamoloma makuva gu vusiru.

Tsing'ano 7:21

Kunangwa mukali oyo yamugeriza no vuyanzi vwivwe, na muyaayi oyo yavugilira limoloma lilie lihoma lio kogoonya

Jeremia 20:10

Mbulira vuli vandu nivamonya, “Litihiza liveeye havundu hoosi! Kulwayago, kulamuvoola ku vanene!” Kali avalina vange vahimbi ligali valindilira ku ligwa liange. Avalina yava vavoola, “Hawundi anyala kugadwa, maku kunyala kumugumira kandi kuvanze kisaalia.”

Ezekieli 13:6

Amalola gaavo si gaveeye gagiligali mba, kandi ovoporofeti vwavo voveeye vwu vugadi. Vavoola ndi vamoloma makuva gange, navuzwa sindaavatuma mba. Venya makuva gaavo gaduuki kuva gagiligali.

Vikolwa 20:27

Sindaleka kali hakuzu kumulandizira makuva gi lienya liosi lia Nyasaye.

Vikolwa 26:28

Mwami Aguripa yavolera Paolo, “ Mu ing'inga engekeeke yiyi usuviraa unyala kongola Mukristayo?”

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

Varumi 15:19

kuzinguru zie vilolekizu ni viokogenyia, harara ni zinguru zia Roho Mutakatifu. Kunangwa, mu ligenda hoosi, kutura Jerusalemi kuduuka Iliriku, mali kwilwaza makuva malahi goosi ga Kristo.

Varumi 16:18

Kigira avandu vu lugano yilu sivatumikiraa Mwami wiitu Kristo mba, navuzwa vahenderaa zinda ziavo veene. Ku makuva gaavo malahi, na guvugadi, vagotiza avandu vataveeye ni mbala.

1 Vakorintho 1:17

Kristo siyaanduma kubatiza, mba. Yaanduma kwilwaza makuva malahi ga Nyasaye, kandi kugavoola vugira kutumikira makuva govogeri vwa vandu, gase likuza lia Kristo ku musalaba lilagotiza zinguru zialio.

1 Vakorintho 2:1

Avaamitu vange, lwa ndaaza ku munyi, kumwilwazira agaviswa giligali ga Nyasaye, sindatumikira makuva malahi anoho govogeri vutambi vwa vandu mba.

1 Vakorintho 2:13

Kunangwa kunyi sikomolomaa mu makuva no vogeri vwa vandu, navuzwa mumakuva gigizwa na Roho Mutakatifu, kuli kwivaala agiligali gu vutakatifu ku yavo avaveeye na Roho.

1 Vakorintho 4:20

Kigira Uvwami vwa Nyasaye sivoveeye vwa makuva meere vuzwa, navuzwa vwe zinguru.

2 Vakorintho 6:6

Kigira vutakatifu vwitu, ilimanya, liekuzira, kandi zimbavasi, kumali kwimanyia aveene kuva vatumikiri va Nyasaye kuvitira mu Roho Mutakatifu kigira vuyanzi vwitu vwagiligali.

Vagalatia 1:10

Muganaganaa ngerizaa koteeva vandu anoho Nyasaye kovora ndi agambooraa sigaveeye malungi? Anoho ngerizaa kuyaanziza avandu? Niiva ndakagerizi kuyaanziza avandu, si ndakaveeye mutumikiri wa Kristo mba.

Vakolosai 2:4

Mboraa yaga, kunangwa mundu kali mulala avuli kuduuka kumugada na makuva go vovehi mba, kali nigava nigaveeye malahi kuli ki.

1 Vatesalonike 1:5

Ivangeri yitu siyaduuka ku munyi mu makuva ameere mba, navuzwa mu zinguru, kandi mu Roho Mutakatifu; kandi mu lisuuvira liveeye liagiligali. Munyi mumanyi vulahi liiva lie limenya lietu lwa kwaali ni munyi. Gaali kigira valahi vwinyu.

1 Petro 1:12

Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.

2 Petro 1:16

Sikwereda ku livoora lie zing'ano zio vogeri zitaveeye nu vulungi, ing'inga ya kwamumanyia izingulu zie liza liu Mwami wiitu Yeso Kristo mba, navuzwa kwalola moni na moni ovonene vwivwe.

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.

Vakalagi 14:15

Lidiku liakora gane vavoolera mukali wa Samusoni, “Ogonye musaza woovo aduuki kukuvuulira cha uvubara aduuki kukuvuulira cha ulugano lovoolaa; nigataveeye ndio kulakusamba nu muliru, ivi harara ninyumba ya baba woovo. Ivi nu musaza woovo mukogenihizi kunangwa muduuki kukunyaga viakoveeye navio. Sigaveeye ndio?”

Vakalagi 16:5

Wamihi vatano va Vafilisitia vaza ku Delila nivamuvoolera “Lola kuli unyala kumugonya akumanyie ahizingulu zizie zitulaa, ma kandi kuli kunyi kunyala kumuguuta, kuduuki kumugumira nukumukola adake zinguru. Vuli mulala wiitu alakuha izisilingi elefu indala ni imia indala.”