1 Vakorintho 2:14 - KITABU KITAKATIFU

¹⁴ Ku vosi, utaveeye na Roho sianyala konyoora vihaanwa vituraa ku Roho wa Nyasaye mba. Umundu kuli uyu sianyala kuvimanyiriza mba, viveeye uvusiru kuye, kigira uvulahi vwavio vunyala kuvurwa na Roho.

1 Vakorintho 2:14 ပူးပေါင်းရင်းမြစ်များ

Tsing'ano 14:6

Vandu vekehenyahenye sivanyala kuva avogeri mba, navuzwa vandu vovogeri viga vwangu.

Matayo 16:23

Navuzwa Yeso yikivuka navolera Petero, “Tula ku inzi Setani! Oveeye chu kwikigitariza ku inzi. Zing'anagani zizio si ziveeye zia Nyasaye, nitali ni zia avandu!”

Yohana 10:20

Avanyingi kuvo vavoola, “Aveeye ni lidemoni; kandi nu mulalu! Kigira ki mu muhulirizaa?”

Yohana 12:37

Kali niiva yakola vilolekizu vinyingi yivi viosi imbiri wavo, si vamusuuvira mba,

Yohana 14:17

Oyo ni Roho ovolaa agiligali ga Nyasaye. Avumukivala sivanyala kumuvugilira kigira sivanyala kumulora anoho kumumanya mba. Navuzwa munyi mumumanya kigira amenyaa ni munyi kandi alakave mu munyi.

Yohana 14:26

Navuzwa, uyu Mukonyi, Roho Mutakatifu, wa Baba alituma mu lieta liange, alakamwigizi vindu viosi kandi kumwizuliza goosi aga ndamuvolera.

Yohana 15:26

“Lwa Mukonyi aliiza uwandituma ku munyi kutura ku Baba, naye ni Roho wagiligali uturaa ku Baba, alakave mulolekizi wange.

Yohana 5:44

Munyala ndi kusuuvira inzi lwa munyi muyanzaa konyoora vukumi kutura ku munyi aveene, na simwenya konyoora vukumi kutura ku uyu oveeye Nyasaye yeng'ine mba?

Yohana 8:43

Kigira ki simuhuliraa agambooraa? Kigira ki munyi si munyala kuhulira likuva liange?

Vikolwa 16:14

Mulala ku yavo avakuhulira yaali Lidia, kutura mu lidaala lia Ziatira, yaali mukoli wi viasara vie zinguvu zie rangi ya muzambarao. Yaali mukali uwaasigamiraa Nyasaye. Mwami yakunura mwoyo gwigwe kuhulira icha Paolo yavoola.

Vikolwa 17:18

Avalala ku vigizi vageri va Epikura na vigizi va Sitoiki, vahangalizana naye. Avalala vavoola, “Mudemanyi uyu yenya kovora ki?” Kigira Paolo yaali niyilwaza amakuva ga Yeso na gi lisimuguka, avandi vavoola, “Aveeye kuli wilwazaa makuva ga avanyasaye avageni.”

Vikolwa 17:32

Navuzwa lwa vahulira Paolo navoora makuva gi lisimuguka lia avakuzu, avalala kuvo eseko yaali ivamale; navuzwa avandi vavoola, “Kulayaanza kukuhulira kandi ku likuva yili!”

Vikolwa 18:15

Navuzwa kigira mahangali ga amakuva na amita ga Malago ginyu, munyi aveene mukalage. Inzi sinyenyanga kuva mukalagi wa makuva yaga mba!”

Vikolwa 25:19

Nitali vaali vuzwa na mahangali lugano lugano ku lisuuvira liavo, nu ku mundu mulala ulangwa Yeso wakuza, navuzwa wa Paolo avoora aveeye mwoyo.

1 Vakorintho 1:18

Likuva lie likuza lia Kristo ku musalaba liveeye uvusiru ku yavo avadivaa, navuzwa ku kunyi avahonywa, liveeye zinguru zia Nyasaye.

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

1 Vakorintho 1:23

Navuzwa kulwa kunyi, kwilwazaa Kristo wavambwa. Ku Avayuda, likuva yili liveeye chukwikigitaliza, na ku vizihiiri liveeye uvusiru,

1 Vakorintho 1:25

Ekelolekaa kuva uvusiru vwa Nyasaye, keveeye chovogeri ligali kuvita ovogeri vwa vandu, kandi ekelolekaa kuva vodedekere vwa Nyasaye, keveeye ni zinguru ligali kuvita zinguru zia vandu.

1 Vakorintho 15:44

Guyavirwa ni goveeye muviri gwi liiva lia kazozo; gusimugukizwa muviri gwa Roho. Niiva umuviri goveeye ho gwi liiva lia Kazozo, koveeyeho kandi nu muviri gwa Roho.

1 Vakorintho 15:46

Mundu wa Roho siaveeye niye wimbiri, navuzwa mundu wu muviri maku wa Roho.

1 Vakorintho 2:12

Kunyi sikwanyoola roho wi lirova yili, navuzwa kwanyoora Roho watumwa kutura ku Nyasaye, kuduuki kumanyiriza vihaanwa viosi via Nyasaye amali kuhaana ku kunyi.

1 Vakorintho 3:1

Avaamitu vange, inzi sindaali nyara komoloma ni munyi kuli molomaa ku vandu vaveeye na Roho mba; navuzwa ndaamoloma ni munyi kuli avandu vu mu lirova yili kuli vana vadoto mu lisuuvira liu Vukristayo.

Yakobo 3:15

Ovogeri kuli yivu si vuturaa mwigulu mba. Voveeye vwu mu lirova, uvutaveeye vwa Roho, kandi vwamademoni.

1 Yohana 2:20

Navuzwa munyi mumali konyoora Roho Mutakatifu watura ku Kristo, na mwosi mumanya agiligali.

1 Yohana 2:27

Navuzwa ku munyi, Kristo yahaana Roho Mutakatifu weve ku munyi. Ku olohono lwa Roho weve azizagiliraa komenya mu munyi, umundu wundi sigamuduukira mundu wundi amwigizi mba. Navuzwa kuli Roho weve amwigizaa vindu viosi, kandi amigizu geege gaveeye agiligali, kandi sigaveeye gu vugadi mba. Ku mulonde aga Roho yamwigiza kandi mumenye muye mu vuhambani na Kristo.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

Yudasi 1:19

Yava nivo avandu, valeta iliavukana, avamifwa niliiva liavo liu muviri, avataveeye na Roho.