1 Vakorintho 2:13 - KITABU KITAKATIFU

¹³ Kunangwa kunyi sikomolomaa mu makuva no vogeri vwa vandu, navuzwa mumakuva gigizwa na Roho Mutakatifu, kuli kwivaala agiligali gu vutakatifu ku yavo avaveeye na Roho.

1 Vakorintho 2:13 ပူးပေါင်းရင်းမြစ်များ

Luka 12:12

Ing'inga yeyo, Roho Mutakatifu alakamwigizi gaduukanaa muvoore.”

Vikolwa 2:4

Vosi vizura Roho Mutakatifu, kandi ni vatanga komoloma mu zinimi zindi, kuli Roho yavaha livoora.

1 Vakorintho 1:17

Kristo siyaanduma kubatiza, mba. Yaanduma kwilwaza makuva malahi ga Nyasaye, kandi kugavoola vugira kutumikira makuva govogeri vwa vandu, gase likuza lia Kristo ku musalaba lilagotiza zinguru zialio.

1 Vakorintho 14:2

Mundu omoloma mu zinimi zing'eni siamolomaa ku vandu vandi mba, navuzwa ku Nyasaye. Sihaveeye ho nu mundu umanyirizaa cha voora mba. Amolomaa giligali gaviswa ga Nyasaye mu zinguru zia Roho.

1 Vakorintho 2:1

Avaamitu vange, lwa ndaaza ku munyi, kumwilwazira agaviswa giligali ga Nyasaye, sindatumikira makuva malahi anoho govogeri vutambi vwa vandu mba.

1 Vakorintho 2:14

Ku vosi, utaveeye na Roho sianyala konyoora vihaanwa vituraa ku Roho wa Nyasaye mba. Umundu kuli uyu sianyala kuvimanyiriza mba, viveeye uvusiru kuye, kigira uvulahi vwavio vunyala kuvurwa na Roho.

1 Vakorintho 2:4

liegiza liange nililwaza liange siliali na makuva govogeri vutambi vwa vandu, navuzwa namakuva gi zinguru zia Roho wa Nyasaye.

1 Vakorintho 9:11

Kunyi kwatanga vumwu vwa Roho hagati sikeveeye kindu kenene niiva kwakanyooye vindu vie kivala kutura ku munyi mba.

Vafeso 5:19

Muvolerane aveene naveene makuva gi zizaburi, muzinyimbu kandi mu zinyimbu zindakatifu. Mwimbi zinyimbu kandi zizaburi ku Mwami ni lizominya mu mioyo jinyu ku Mwami.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

1 Petro 1:12

Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.

2 Petro 1:16

Sikwereda ku livoora lie zing'ano zio vogeri zitaveeye nu vulungi, ing'inga ya kwamumanyia izingulu zie liza liu Mwami wiitu Yeso Kristo mba, navuzwa kwalola moni na moni ovonene vwivwe.