1 Vakorintho 2:11 - KITABU KITAKATIFU

¹¹ Nivwaha unyala kumanya zing'anagani ziu musi ziu mundu nataveeye roho wu mundu oveeye muye? Munzira ndala nzere, siaveeyeho nu mundu umanya zing'anagani zia Nyasaye nataveeye Roho wa Nyasaye mba.

1 Vakorintho 2:11 ပူးပေါင်းရင်းမြစ်များ

Ayubu 15:8

Ivi wahuliriza lilohiza lia Nyasaye yaali nalio? Kandi ni ivi weng'ine oveeye novogeri vwo mundu?

Tsing'ano 14:10

Vuli mundu yamanya uvuzunu voveeye mu mwoyo gwigwe, siaveeyeho nu mundu unyala kumukonya mba.

Tsing'ano 20:27

Roho gwumundu goveeye itaya ya Yahova, gwenyelerizaa zing'anagani ziumusi ziumundu.

Tsing'ano 20:5

Zing'anagani ziu mundu ziveeye kuli amazi gu luliva, navuzwa mundu wovogeri vwu musi anyala kugadaha.

Jeremia 17:9

“Nivwaha unyala kumanyiriza zing'anagani ziveeye mu mwoyo gwu mundu? Goveeye mwoyo gwu vugadi ligali kuvita vindu vindi viosi. Goveeye mulwaye ligali kali si gunyala kohona mba.

1 Vakorintho 12:8

Roho ahaanaa ku mundu mulala livoora lio vogeri, na wundi ahevwa limanya kutura ku Roho mulala mwere.

1 Vakorintho 2:10

Nyasaye umali kuvulira kunyi agaviswa geege kuvitira mu Roho weve. Roho yenyeleriza vindu viosi kali viaviswa ligali mu luliva lwa Nyasaye.