1 Vakorintho 16:15 - KITABU KITAKATIFU

¹⁵ Kalunu, avaamitu vange, mumanyi vulahi ndi vandu vinyumba ya Sitefano vaali avandu vukutanga ligali konyoora lisuuvira lie Kikristayo mu Akaya, na vayituliza kutumikira vandu va Nyasaye.

1 Vakorintho 16:15 ပူးပေါင်းရင်းမြစ်များ

Vikolwa 18:12

Navuzwa ing'inga ya Galio yaali mwamihi wa Akaya, Avayuda vingilira Paolo nu mwoyo mulala nivamuhila mu kiyaalo chi likalaga.

Varumi 12:13

Mukoonye Vakrisitayo vache mu vudaka vwavo. Muve avingirizi vavageni kandi avihuli vizinyumba zienyu.

Varumi 15:25

Navuzwa ku lwa kalunu, nziza Jerusalemi kutumikira avatakatifu vaveeye yo.

Varumi 15:31

Musaale ndi inzi nduuki kukingwa kutura ku yava avatasuuvira, avaveeye mu Vuyuda, kandi uvutumiki vwange mu Jerusalemi vuduuki kuvugilirwa na vatakatifu vaveeye yo.

Varumi 16:2

Mumuvugiliri mu lieta liu Mwami, kuli gaduukiraa Avakristayo vache, kandi muhaane kuye ovokonyi vwosi vwa yakava niyenya kutura ku munyi; kigira mwene yaveyange mulina wovokonyi ligali ku vandu vanyingi, kandi ku inzi mwene.

Varumi 16:5

Mirembe jange kandi jiduuki ku likanisa livuganiraa munyumba yaavo. Mirembe jange jiduuki kandi ku Epainito mulina wange muyanze, waali wu kutanga mu kivala cha Asia kusuuvira mu Kristo.

1 Vakorintho 1:16

O, yee, ndaabatiza kandi Sitefano harara na vinyumba yeeye; navuzwa sinyala kwizuliza niiva ndaabatiza ku umundu wundi woosi mba.

1 Vakorintho 16:1

Kalunu, kolondekana na mateeva ginyu ga mwang'odera kigira mabese gi sadaka ivungizangwa kokonya avatakatifu vaveeye mu Vuyuda. Munyi kuduuka mukore kuli ndavolera amakanisa ga Vagalatia kokola.

1 Vakorintho 16:17

Inzi mbeeye nu vuyanzi vonene ligali ku liduka lia Sitefano, Foritunato na Akaiko kigira vatwekizi yicho chenyekangi lwa munyi mwaali nimutaveeye ho.

2 Vakorintho 8:4

Vaakogoonya nu mwoyo gwosi ligali nivenya vahevwe vwiyangu vwu kusanga mu vutumiki vwi likonya vandu va Nyasaye vaveeye mu Vuyuda.

2 Vakorintho 9:1

Si gadukanaa inzi ng'odere munyi kigira vokonyi vutumangwa ku vatakatifu vaveeye mu Vuyuda mba.

Filemona 1:7

Amiitu wange umuyanze ndaali nu vusangali uvunyingi kandi kelema mwoyo kigira uvuyanzi vuvwo! Ivi umali kusangaliza mioyo ja vandu va Nyasaye.

Vahebraina 6:10

Nyasaye siaveeye vugira vulungi mba! Sialivilira miyinzi jinyu ja mwakora, anoho vuyanzi vwinyu vwa mwalolekiza kuye novokoonyi vwa mwaha vandu va Nyasaye kandi mu kihaanaa ku Avakristayo vache vinyu, ma mukizizagiliraa kokoonya Avakristayo vache vinyu.

1 Petro 4:10

Vuli mundu, kuli umulindi mulahi wi vihaanwa via Nyasaye lugano lugano, kuduuka atumikiri ikihaanwa chiche ekenene yiki kulwo kugasiza avandi, ni kihanwa kilahi yiki chamali konyoora kutura ku Nyasaye.

Likunula 14:4

Yava nivo avasaza avilindaa na vavula kokora ovoheyi na vakali; aveene vayilinda kandi vaveeye avagima. Yava nivo avalondanga Mwana wi Ligondi hoosi na hoosi aha azizaa. Yava vahonywa kutura mu avandu vandi vaveeye va Nyasaye amakuyu gukutanga kuhaanwa ku Nyasaye kandi ku Mwana wi Ligondi.