1 Vakorintho 16:13 - KITABU KITAKATIFU

¹³ Mulindi, musingiri vudinyu mu lisuuvira lienyu, muve valuviriri, kandi muve ni zinguru.

1 Vakorintho 16:13 ပူးပေါင်းရင်းမြစ်များ

2 Samweli 10:12

Ove wizingulu kandi muluviliri! Genda kulwaaniri avandu viitu vudinyu kandi madaala ga Nyasaye wiitu. Uvulariri vwa Yahova vokoleke!”

1 Avami 2:2

“Ing'inga yange yu kukuza yisundi himbi. Kunangwa ove wizingulu, welolekizi kuva mundu musaza,

1 Kyetsinyinga 19:13

Muve ni zinguru kandi avaluviriri! Gendi kulwaaniri avandu viitu vudinyu kandi madaala manene ga Nyasaye witu. Na uvulariri vwa Yahova vokolwi.”

1 Kyetsinyinga 28:10

Kunangwa kuduuki kumanyiriza ndi Yahova umali kotovola ivi ukwumbaka Litembeli lilie litakatifu. Kalunu uve mugulu ma wumbake Litembeli nu mwoyo gwugwo gwosi.”

Zaburi 27:14

Usuuviri mu Yahova, ove ni lisuuvira na utakuza mwoyo mba usuuviri mu Yahova.

Zaburi 31:24

Munyi mwosi avalindiliraa nilisuvira mu Yahova, muve avaluviriri kandi avagulu.

Isaya 35:4

Muvoolere vuli mundu woosi utaveeye ni lilema mwoyo ndi, “Muve nizinguru kandi mutava avati mba! Nyasaye alaza kumusoola, kandi alahaana amageri ku vasigu vinyu.”

Danyeli 10:19

Yavoola, “Nyasaye yakuyaanza, ku lwayago utaleka kindu choosi kikuhendizi mwoyo anoho kikutiihizi mba.” Lwa yaali ni yakavoola yaga, ndanyoora nzingulu kandi ni mboraa, “Mwami wange, moloma na inzi kigira ombeeye zinguru.”

Danyeli 11:32

Mwami alakatumikiri vugadi kunyoola lidinyiriza kutura ku yavo avaleka idini yaavo, navuzwa yavo avaloonda Nyasaye, valakavalwaane.

Haggai 2:4

Navuzwa kalunu kali mundu mulala ku munyi atakuza mwoyo mba. Mukore miyinzi kigira mbeeye harara na munyi.

Zekaria 8:13

Avandu vi Ivuyuda kandi avandu va Isiraeli! Mumadiku gaavita vageni vaalaamana ni vavoola, ‘Kivi kilala chere chaduuka ku vivala vie Ivuyuda na Isiraeli kimuduukili.’ Navuzwa ndakamuhonye, maku vageni yavo valakavoolerane, ‘Mwaza nyora vugasu vwi Ivuyuda na Isiraeli vanyoola!’ Kunangwa muve avaluviriri kandi mutatia mba.”

Zekaria 8:9

“Muve nuvuluviliri! Kalunu muhulira makuva malala mere gavaporofeti vamoloma ing'inga yu muse gwi litembeli liange gwaali gwumbakwa vuhia.

Matayo 25:13

Kunangwa Yeso yamaliriza navoora, “Mugerihi, mulindi, kigira si mumanyi lidiku anoho ing'inga mba.”

Matayo 26:41

Muhenze kandi musaale gase Setani alamugeriza. Umwoyo gwenyaa, navuzwa umuviri goveeye umudedekere.”

Luka 21:36

Mulindi, musaale kazozo muluhi muduuki konyoora zinguru kuvitira mu vindu yivio viosi ni mirembe, ivizizaa kwekoleka kandi muve avanyala kusingira imbiri wu Mwana wa Adamu.”

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

2 Vakorintho 1:24

Sikogerizaa kutumikira zingulu kumuvolera cha muduukana musuuviri mba, munyi musingiraa vudinyu mu lisuuvira lienyu. Muvogono yivwo kuyinziraa harara ni munyi muduuki kuva nu vusangali.

Vagalatia 5:1

Koveeye no vovoholore mu Kristo na Kristo niyie wakovoholora. Kunangwa, singiri vudinyu kuli avandu vavoholore kandi mutavugilira kuva avatugwa kandi mba.

Vafeso 3:16

Inzi saalanga ku Nyasaye kutura ku vuhinda vwu vukumi vwivwe ahaane zinguru kumunyi kuvitira mu Roho weve, muduuki kuva nizinguru mu liiva lienyu liu mugati.

Vafeso 6:10

Agekeheri, avaamitu vange muve nizinguru mu Mwami kandi mu vonene vwi zinguru zizie.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vafilipi 4:1

Kunangwa, vamiitu vange, munyi muveeye avayaanze vange mbeeye na mahooru kolola munyi ligali! Munyi mungolaa kuva nu vuyanzi kandi nzekonyaa kigira munyi. Gamudukira musingiri vudinyu mu Mwami.

Vafilipi 4:13

Nyara kokora ivindu viosi kuvitira mu Kristo, uhaana ku inzi, izingulu kusingira.

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

Vakolosai 4:2

Mumenye ligali mu lisaala kazozo, muhongere mu lilinda nu mu lisandiza Nyasaye.

1 Vatesalonike 3:8

Kalunu koveeye mwoyo ligali kigira musingiyi vudinyu mu Mwami.

1 Vatesalonike 5:6

kunangwa kutagona kuli avandi vakora, navuzwa kulindi kazozo kandi kove novogeri.

2 Vatesalonike 2:15

Kunangwa avaamitu viitu, singiri vudinyu nu vuluviliri. Mulonde amigizu ga kwamwigiza, nigava ku lilwaza lietu, ku makuva giitu anoho ku ibarwa yitu.

Joshua 1:18

Mundu woosi mundu uhing'ana nuvunyari vuvwo kandi uvula kuhulira lilala ku malago aga uhaana, aliitwa. Ove mugulu kandi muluviliri!”

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

Likunula 16:15

Mwami avoora, “Henza! Nziza kuli umwiivi!” Aveeye nuvugasu umundu ulindilira, nu kwivika zinguvu zizie ku avuli kogendagenda chahonyo, ma alole zisoni imbiri wa avandu.

1 Samweli 4:9

Muve avaluviriri, avandu va Filisitia! Mulwaane kuli avasaza; gase, kulagwa vatugwa ku Vaheburaina, kuli yavo vaali avatugwa viitu. Kunangwa mulwaane kuli avasaza.”