1 Vakorintho 16:1 - KITABU KITAKATIFU

¹ Kalunu, kolondekana na mateeva ginyu ga mwang'odera kigira mabese gi sadaka ivungizangwa kokonya avatakatifu vaveeye mu Vuyuda. Munyi kuduuka mukore kuli ndavolera amakanisa ga Vagalatia kokola.

1 Vakorintho 16:1 ပူးပေါင်းရင်းမြစ်များ

Vikolwa 11:28

Kunangwa mulala kuvo walangwa Agabo yasingira; na ku zinguru zia Roho, yalolekiza ndi inzara enene ilaaza mu lirova liosi. Inzara yeyo yaza maku ing'inga ya Kilaudia yaali niyamiha.

Vikolwa 11:30

Kunangwa, vakora ndio nivahira via vavungiza ku avakulundu vi livugana mu makono ga Baranaba na Saolo.

Vikolwa 16:6

Vavitira muvivala via Furija na Galatia, kigira Roho Mutakatifu siyavavugilira vilwaze likuva yilio mu kivala cha Asia mba.

Vikolwa 18:23

Yamenya yo ing'inga engekeeke, ma na azizagiliraa no logendo lwilwe, na avitira mu kivala cha Galatia na Furija naadinyiriza vandu avasuuviraa vosi.

Vikolwa 24:17

“Inyima wokomenya ihale kutura Jerusalemi ku ing'inga indambi, ndirana yo nimbilana ovokonyi vwa mabese ku avandu vi ihiiri yange kandi kuhaana visiuviliru ku Nyasaye.

Vikolwa 9:13

Navuzwa Anania yativura, “Mwami, ndaahulira amakuva gu mundu oyo ku avandu vanyingi. Ndaahulira vindu vidamanu via yakola ku avandu vovo mu Jerusalemi.

Vikolwa 9:41

Petero yamugumira mukono namukoonya kusingira; yalanga avandu vatakatifu navakunzakali, namuhaana kuvo naveeye mwoyo.

Varumi 12:13

Mukoonye Vakrisitayo vache mu vudaka vwavo. Muve avingirizi vavageni kandi avihuli vizinyumba zienyu.

1 Vakorintho 11:34

Na niiva umundu woosi aveeye ninzara, gamudukira alie yengo weve gase livugana lienyu liladuuka ku likalagirwa na Nyasaye. Navuzwa kolondekana na makuva gandi gatigaye, ndakamwigizi lwa ndakaaze yaho.

1 Vakorintho 16:15

Kalunu, avaamitu vange, mumanyi vulahi ndi vandu vinyumba ya Sitefano vaali avandu vukutanga ligali konyoora lisuuvira lie Kikristayo mu Akaya, na vayituliza kutumikira vandu va Nyasaye.

1 Vakorintho 4:17

Yiki nicho kijiri nduma Timateo ku munyi. Aveeye umwana wange muyanze kandi musuuvirifu mu Mwami. Alamwizuliza zinzira ziange zie liiva liange mu Kristo zia inzi nzigiza havundu hoosi mu makanisa goosi.

Vagalatia 1:2

Avaamitu vosi avaveeye hano vahambanaa ninzi mu lituma mirembe ku munyi amakanisa ga Galatia.

Vagalatia 2:10

Icha vateva vuzwa chaali ndi, kwizulizi avasuuviri vadaka mu Jerusalemi, yiki nicho kindu cha mbeeye ni lienya kukekola.

Filemona 1:5

kigira mbulira amakuva goosi guvuyaanzi vuvwo ku vandu va Nyasaye vosi kandi lisuuvira lia oveeye nalio mu Mwami Yeso.

Filemona 1:7

Amiitu wange umuyanze ndaali nu vusangali uvunyingi kandi kelema mwoyo kigira uvuyanzi vuvwo! Ivi umali kusangaliza mioyo ja vandu va Nyasaye.

Vahebraina 6:10

Nyasaye siaveeye vugira vulungi mba! Sialivilira miyinzi jinyu ja mwakora, anoho vuyanzi vwinyu vwa mwalolekiza kuye novokoonyi vwa mwaha vandu va Nyasaye kandi mu kihaanaa ku Avakristayo vache vinyu, ma mukizizagiliraa kokoonya Avakristayo vache vinyu.

1 Yohana 3:17

Niiva mulala ku aveeye nu vutugi vwu mu kivala, na alole amwavo weve naveeye ni lienya maavuli kumukonya, vuyanzi vwa Nyasaye vulava ndi muye?