1 Vakorintho 15:56 - KITABU KITAKATIFU

⁵⁶ Ilikuza linyola zingulu zialio kusaliriza kutura ku vwoni, na uvwoni vonyoolaa zingulu ziavwo kutura ku Lilaga.

1 Vakorintho 15:56 ပူးပေါင်းရင်းမြစ်များ

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Yohana 8:21

Yeso yavolera Avafarisayo kandi, “Inzi nziza ihale na munyi mulakanyenye, navuzwa mulakakuziri mu vwoni vwinyu. Wanzinzia simunyala kuuza yo mba.”

Yohana 8:24

Yiki nicho kivuni chagira nimuvoolera ndi, mulakakuziri mu vwoni vwinyu. Mulakakuziri mu vwoni vwinyu niiva si musuuviraa ndi ‘Inzi mbeeye wa inzi mbeeye.’ ”

Varumi 4:15

Lilaga lileetanga vutima vwa Nyasaye, navuzwa Lilaga nilitaveeye ho, ilivula kutia, Lilaga siliveeye ho mba.

Varumi 5:15

Navuzwa viviri yivi siviveeye vilala viere, kigira kihanwa cha Nyasaye yahaana vuzwa sikeveeye kuli vwoni vwa Adamu mba. Gaveeye giligali avandu vanyingi vakuza kigira vwoni vwu mundu mulala oyo. Navuzwa zimbavasi zia Nyasaye ziveeye zinene kuvita, kandi, kihanwa chiche cha vuzwa ku vandu vanyingi kuvitira mu zimbavasi ziu mundu mulala uyu, Yeso Kristo.

Varumi 5:17

Gaveeye giligali ndi kuvitira mu vwoni vwu mundu mulala, likuza liatanga kwamiiha mu kivala. Navuzwa kekolwaki kenene ligali chakolwa nu mundu mulala, naye ni Yeso Kristo! Avandu vosi vanyoola zimbavasi zia Nyasaye zinene ligali kandi vaveeye vavoholole muye. Valamiha mu livamwoyo liavo kuvitira mu Kristo.

Varumi 5:20

Lilaga liaza liduuki komeeda vudamanu; navuzwa hu vwoni vwameedeka, zimbavasi zia Nyasaye ziamedeka ligali kuvita.

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

Vahebraina 9:27

Mundu woosi kuduuka akuzi lulala vuzwa, kandi lwinyima aduuki kukalagirwa na Nyasaye.