1 Vakorintho 15:54 - KITABU KITAKATIFU

⁵⁴ Kunangwa lwayaga gakolekaa, nu muviri gukuzaa ni gwakagirunganywa kuva muviri gutakuzaa, Amang'oda Matakatifu galava ni gakatwekizwa: “Likuza limali kudivizwa; iliguuta lidukiziywi!”

1 Vakorintho 15:54 ပူးပေါင်းရင်းမြစ်များ

Isaya 25:8

Mwami munene Yahova aladiviza likuza mihiga ni mihiga. Alakeeye maliga kutura mu zimoni zia vuli mundu, kandi alakatulizi ho zisoni izia vandu veve vamali kusalirira mu lirova liosi. Yahova mwene umali kovora.

Luka 20:36

Kigira sivanyala kukuza kandi mba. Valava kuli zingelosi kandi vaveeye avana va Nyasaye, kigira vamali kusimuguka kutura mu vakuzu.

Varumi 1:23

mu vogono vwu kusigamira Nyasaye uhindiraa mihiga ni mihiga, vasigamira nukukuminya vifananyi vialombwa vive mu liiva liu mundu ukuza anoho vifananyi via manyonyi, zinyama anoho zinzoka.

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

Varumi 6:12

Ku lwa yago, mutaleki vwoni vwamihi mu miviri jinyu jikuzaa, kumulomba muduuki kuvugilira likayirwa liajo.

Varumi 8:11

Niiva Roho wa Nyasaye, wasimugukiza Yeso Kristo kutura mu vakuzu, amenyaa mu munyi, hene yaho, uyu wasimugukiza Yeso Kristo kutura mu vakuzu alahaana livamwoyo mu miviri jinyu kuvitira mu Roho weve, omenya mu munyi.

2 Vakorintho 4:11

Mu livamwoyo lietu liosi kovezaa kazozo mu vuhiimwa vwu kwitwa kigira Yeso, kunangwa livamwoyo lilie liduuki kololeka havulavu mu miviri jiitu ji likuza.

2 Vakorintho 5:4

Lwa kukikiri mu muviri gwu mu lirova yigu, kokenya ligali kigira kuganaganaa kudambizwaa; sigaveeye kwenyaa kutulizaho umuviri gwi likuza yigu mba, navuzwa koveeye ni liegomba kuvikwa umuviri gutakuzaa, kunangwa muviri gukuzaa yigu guduuki kugirung'anywa ni livamwoyo.

2 Vatesalonike 1:10

Lwa aliiza ku Lidiku yilio konyoora uvukumi kutura ku vatakatifu veve, harara nu luyali kutura ku yavo vosi avasuuviraa, munyi kandi mulakave harara naye kigira mwamala kusuuvira amakuva ga kwamuvolera.

Likunula 20:14

Maku likuza ni kivala cha vakuzu viasiuvwa mu inyanza yu muliru. Inyanza yu muliru yiyi nilio likuza lia kaviri.

Likunula 21:4

Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”