1 Vakorintho 15:51 - KITABU KITAKATIFU

⁵¹ Huliri muvooleraa makuva giligali gaviswa yaga: kunyi sikulakuza kwosi mba. Lwi kisiriva chukumaliriza kilikubwa, vosi kulagirung'anywa, vuzwa kuli mundu avunavunyia emoni.

1 Vakorintho 15:51 ပူးပေါင်းရင်းမြစ်များ

1 Vakorintho 13:2

Niiva ndakaveeye ni kihanwa chu kwilwaza; kandi kihanwa chu kumanyiriza agaviswa goosi kandi limanya liosi; kandi niiva ndakaveeye nilisuvira liosi linyala kusunda vigulu; navuzwa nindaveeye nu vuyanzi, simbeeye kindu mba.

1 Vakorintho 15:18

Yaga ganyala kuva ni kivuni ndi, vandu vasuuviraa mu Kristo yakuzaa, yavo vamala kudiva.

1 Vakorintho 15:20

Navuzwa agiligali gaveeye ndi Kristo umali kusimugukizwa kutura mu likuza, kandi aveeye kimanyiru ndi, yavo avagonaa mu likuza, kandi navo valakasimukizwi.

1 Vakorintho 15:6

Maku yaloleka kandi ku valondi veve avaari kuvita mia tano ku ing'inga ndala, avanyingi kuvo avakikiri mwoyo, kali niiva valala kuvo vamala kukuza.

1 Vakorintho 2:7

Vogeri vwa nzilwazaa voveeye vwa agaviswa ga Nyasaye, ovogeri vwaviswa ku vandu navuzwa vwa Nyasaye yatovola kigira uvukumi vwitu kali lirova ni likikiri kolombwa.

1 Vakorintho 4:1

Kunangwa gadukanaa avandu vakuvuguli kuli koveeye avatumikiri va Kristo, avahevwe vunyali vwu kwilwaza agaviswa giligali ga Nyasaye.

2 Vakorintho 5:2

Kalunu mu liiva yili, kunyi kokenya kandi kwegomba ligali kuduuki kuvikwa munyumba yitu kutura mwigulu.

2 Vakorintho 5:4

Lwa kukikiri mu muviri gwu mu lirova yigu, kokenya ligali kigira kuganaganaa kudambizwaa; sigaveeye kwenyaa kutulizaho umuviri gwi likuza yigu mba, navuzwa koveeye ni liegomba kuvikwa umuviri gutakuzaa, kunangwa muviri gukuzaa yigu guduuki kugirung'anywa ni livamwoyo.

Vafeso 1:9

Nyasaye yakuvuulira agaviswa guvulaliri vwivwe, kolondekana ni lilohiza lilie lilahi lia ya saaviraa kokora kuvitira mu Kristo.

Vafeso 3:3

Nyasaye yambulira lilohiza lilie liu mu vwivisu kandi nalikora limanyikane ku inzi. Mali kong'oda mu vwimbi amakuva yaga,

Vafeso 5:32

Agiligali gaviswa yaga gaveeye manene, navuzwa gaveeye kelolero cha Kristo ni likanisa.

Vafilipi 3:21

Alakagirung'anyie imiviri jietu midedekere yiji nukujikola kuva kuli umuviri gwigwe umwene gwu vukumi; Alakatumikiri zinguru yizio koleta ivindu viosi isi wu vwamihi vwivwe.