1 Vakorintho 15:34 - KITABU KITAKATIFU

³⁴ Mwirane mu zing'anagani zienyu zinuungi kandi muleke kokora vwoni kazozo. Valala ku munyi simumanyi Nyasaye ligali mba. Mboraa yaga, ku muviika mu zisoni!

1 Vakorintho 15:34 ပူးပေါင်းရင်းမြစ်များ

Zaburi 119:11

Ndaviika lilaga liilio mu mwoyo gwange, kunangwa mburi kokora vwoni ku ivi.

Zaburi 4:4

Mutaleki uvutima vwinyu vumwimiliri kokora uvwoni mba; muganagane vudinyu ligali ku makuva yaga, lwa mugonaa machiriri mu vitanda vienyu.

Jeremia 9:3

Vaveeye avetegeku vuli ing'inga kovora ovovehi. Kuvula kuvaho nu vusuuvirifu vwamihi ikivala kuvita uvusuuvirifu. Yahova avoora, “Avandu vange vakora uvudamanu ku vundi, kandi sivambugilira kuli Nyasaye wavo mba.”

Joeli 1:5

Vuki kandi musiome, munyi vahambiku; muliri, munyi avanwezaa iwaini; makuyu gokolombera iwaini imbia gononyeywi.

Jona 1:6

Kunangwa, munene wi iliato yamunyola yo namuvolera, “Okolaa ki, Ogonaa? Vuka, waniri nyasaye woovo mbula yakokonya. Hawundi alakovererera ma akohonyie, kuvuli kudiva.”

Matayo 22:29

Yeso yavativulira, “Agiligali munyi muveeye avadamanu, kigira si mumanyi Mang'oda Matakatifu, anoho zinguru zia Nyasaye mba.

Yohana 5:14

Kunangwa, inyima wa yaga, Yeso yanyoora umundu zana oyo mu Litembeli, namuvolera, “Henza, kalunu ohoni! Utakola uvwoni kandi mba, gase ikindu kidamanu ligali kuvita kilakugwira.”

Yohana 8:11

Mukali oyo yamutivulira, “Mwami, sihaveeyeho nu mundu kali mulala!” Yeso yamuvolera kandi, “Inzi kandi singukalagira mba. Zia, na kutura kalunu uta kola vwoni kandi mba.”]

Vikolwa 26:8

Kigira ki munyi muloraa ni vudinyu kandi siganyalika ligali kusuuvira ndi Nyasaye asimugukizaa avakuzu?

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

Varumi 13:11

Kuduuka mukore ndio, kigira mu manya ndi ing'inga imali kuduuka ya munyi muvuuka mu zindoolo zienyu. Ovohonyi vwitu voveeye ahimbi ligali ku kunyi kuvita lwa kwatanga kusuuvira.

1 Vakorintho 4:14

Si ng'odi vindu yivi kigira kumuleganyia, navuzwa kumwiganihiza kuli avana vayaanze vange.

1 Vakorintho 6:5

Zisoni zive ku munyi! Ganyala kuva ndi siaveeye nu mundu kali mulala ku munyi wo vogeri, unyala kukalaga lisolana hagati ha vamwavo vasangi veve?

1 Vakorintho 8:7

Navuzwa, sivaveeye vosi avamanya giligali yaga. Vaveeye ho avandu valala vaanala misambwa, kigira kuduuka kalunu lwa valizaa viukulia kuli yivi valora vikikiri vuzwa viukulia visalisirangwa misaambwa. Na kigira zing'anagani zie mioyo jaavo ziveeye zindedekere, kandi valora ndi zimali kwononywa ni viukulia.

Vafeso 5:14

Kindu choosi ikivuuliywi havulavu kigwizaa uvulavu. Yiki nicho kigira nigavooleka, “Vuka, O, ivi ugonaa, simuguka kutura mu likuza, kandi Kristo alang'ereng'ana ku ivi.”

1 Vatesalonike 4:5

sigaveeye mu liegomba lidamanu liu muviri kuli avandu vi zihiiri, avatamanyi Nyasaye.