1 Vakorintho 15:32 - KITABU KITAKATIFU

³² Niiva moloma kuli liiva liu mundu, ndaamara kulwaana “Izinyama zinduru ziu mumulitu,” mu Efeso kigira lienya lia vandu vuzwa, ndanyoora vukala ki? Navuzwa niiva vakuzu sivasimugukizwa, kuli lugano lovoolaa, “Leki kunyi kulie kandi kunwi kigira mugamba na kukuzi.”

1 Vakorintho 15:32 ပူးပေါင်းရင်းမြစ်များ

Ayubu 35:3

Anoho koteeva Nyasaye, “Uvwoni vwange vukohendizira ki mwoyo? Nyooye vukala ki ku livula kokora uvwoni?”

Zaburi 73:13

Yaga goosi gaveeye gavuzwa, inzi kwinihiza mu mwoyo gwange, kandi sihaveeyeho nuvwoni mu inzi mba.

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Kohelethu 2:24

Kindu kilahi ligali chu mundu anyala kokora mu kivala nukulia kandi kunwa, nukusangalira viosi viamali konyoora mu liyinzira vudinyu. Navuzwa ndaalora ndi vindu yivi viosi vituraa ku Nyasaye.

Isaya 22:13

Muvugono yivu mwaseka ni musaangara. Mwitaa amagondi kandi zing'ombe ni mulia, kandi ni munwa iwaini. Mwavoora, “Kulie kandi kunwi! Kigira mugamba kulakuza.”

Isaya 56:12

Vavolerana, ‘Hambi kuzie kwenya iwaini; hambi kunwi kuhambiki amalwa! Mugamba gulava mulahi kali kuvita kalunu!’ ”

Luka 12:19

Maku ndakevolere inzi mwene, Kalunu mbeeye ni vindu vinyingi vilahi, vianyenyaa ni vitereywi ku mihiga minyingi. Ndavugura liiva linage kuva lilahi, lio kolemeliza. Ndasosa, ndalia, ndanwa kandi sangale!’

Luka 9:25

Ni vulahi ki mundu anyoore kivala yiki choosi, navuzwa yidivizi?

Vikolwa 18:19

Vaduuka Efeso, aha Paolo yaleka Berisila na Akwila. Yingira mu lisinagogi, natanga komoloma na Vayuda.

Vikolwa 18:21

Navuzwa lwa yaali navasiivulaa, yavoola, “Niiva Nyasaye nayanza ndaaza nzizi ku munyi kandi vwangu.” Yanina muliato natura Efeso.

Vikolwa 19:1

Ing'inga ya Apolo yaali mu Korinzo, Paolo yaali navitiraa mu kivala yicho ma naduuka Efeso. Yanyoora yo vandu avasuuviraa valala

Varumi 3:5

Navuzwa, niiva vudamanu vwitu vumanyia ndi Nyasaye akolaa vulungi, kovora ki? Kovoole Nyasaye aveeye nu vudamanu lwakohezaa amageri? Mboraa yaga kuli umundu.

Varumi 6:19

Hano moloma kuli mundu wa kase kigira vodedekere vwi liiva lienyu aveene. Ku ing'inga ndala mwihaana aveene ligali kutumikira uvudamanu kandi kifwavwi kigira uvudamanu. Navuzwa kalunu kuduuka mwihaane aveene ligali muve avatugwa vu vulungi kigira kivuni kitakatifu.

1 Vakorintho 16:8

Ndatanga komenya hano mu Efeso kuduuka lwi lidiku lia Pendekote liduka.

Vagalatia 3:15

Avaamitu vange, ndamufananyira ku limenya lia kazozo: lwa avandu vaviri vavugirizana ku likuva, sihaveeye ho nu mundu unyala kuvunanyia, anoho komeeda kindu kugo mba.

2 Petro 2:12

Navuzwa avandu yava vayinzira novogeri kuli zinyama ziu muvulimu, ziivurwa ma zigumirwa nukwitwa. Vingilira namanyego kindu choosi chavatamanyi. Valadivizwa kuli zinyama ziu muvulimu,

Yudasi 1:10

Navuzwa avandu yava vanyaga kindu choosi cha vatamanyi; ivindu via vamanyaa aveene vugira kwigizwa, kuli zinyama ziu muvulimu, nivio vivadivizaa ligali.