1 Vakorintho 14:6 - KITABU KITAKATIFU

⁶ Kulwayago, avaamitu vange, niiva ndaaza ku munyi nimolomaa mu zinimi zing'eni, ndava na vokonyi ki niiva sindamuleetera likuva kutura ku Nyasaye lie limanya anoho ovoporofeti, anoho amigizu?

1 Vakorintho 14:6 ပူးပေါင်းရင်းမြစ်များ

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jeremia 23:32

Muhuliri aga inzi Yahova, mboraa! Ndunyiraa avaporofeti vavoola amalooto gizuraa ovovehi. Vavoola amalooto yaga nukuchaminya avandu vange novovehi vwavo kandi ni liegingira liavo. Inzi sindaavatuma anoho kuvalaga vazie mba, kandi sivaveeye avovokonyi ku avandu mba. Inzi Yahova mali kovora.”

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Matayo 16:17

Yeso yativura, “Oveeye nuvugasu ivi Simoni umwana wa Yohana kigira siaveeye umundu ukuvuuliyi agiligali yaga, nitali ni Baba wange oveeye mwigulu.

Matayo 16:26

Mundu alanyoola vukala ki niiva alavugula uvutugi vwosi vwi lirova, navuzwa agotizi livamwoyo lilie? Anoho, umundu alahaana ki keve mu uvwiyangu vwi livamwoyo lilie?

Vikolwa 2:42

Yava vosi vamenya harara nivigaa ku avatumwa, komenya harara mu vuhambani mu vusangi, komeganyia mugadi kandi mu lisaala.

Varumi 15:14

Avaamitu vange, mbeeye ni lisuuvira ndi munyi kandi mwizuyi uvulahi vwosi kandi, muveeye ni limanya liosi; kandi munyala kwigizana aveene naveene.

Varumi 16:17

Avaamitu vange, mugoonyaa ligali mwilindi ku yavo vosi avaleetaa vwavukani nukwikigitaliza avandu vandi mu lisuuvira, kandi vahing'ana namigizu ga mwanyoola. Mwerehe ku vandu yavo!

Varumi 6:17

Navuzwa lisandiza liveeye ku Nyasaye! Kigira ku ing'inga ndala mwaali avatugwa vu vwoni, navuzwa kalunu mumali kutia ni mioyo jinyu josi agiligali ganyoolekaa mu amigizu maduukiru ga mwanyoola.

1 Vakorintho 10:33

Mukore kuli inzi ngolaa. Ngerizaa kuyaanziza avandu vosi mu vindu viosi vaangora vugira kweyenyera lizominywa, navuzwa lizominya lia vosi, kunangwa vosi vanyoore ovohonyi kuli inzi.

1 Vakorintho 14:1

Muve nu vuyanzi; muve kandi nu konyoora kihaanwa cho voporofeti.

1 Vakorintho 14:7

Ivindu viu kwimbira mu nivitaveeye ni livamwoyo kuli lirere, anoho vukana, nivitahaana mioyo vulahi, umundu anyala kumanya ndi lwimbu lukubwa?

2 Vakorintho 11:6

Kali nindaveeye umumolomi umulahi navuzwa mu limanya simbeeye ndio mba; kunyi kumali kumwivaalira likuva yili zing'inga ziosi kandi mu liiva liosi.

2 Vakorintho 12:1

Kuduuka nzekonye, kali niiva iliekonya zana siliveeye nichalikoonyaa mba. Navuzwa kalunu ndamoloma ku malola ni livuulirwa lia ndaahevwa nu Mwami.

2 Vakorintho 12:7

Navuzwa konomba mburi kwigingira nu vwelori kigira vindu viokogenyia via Nyasaye yamanyia, ndaahevwa vulwaye vululu ligali ku muviri, ovoveeye kuli umutumwa wa Setani, aduuki kuundambiza kunangwa uvwelori vwange vogehe.

Vafeso 1:17

Saalaa kandi ndi, Nyasaye wu Mwami wiitu Yeso Kristo, Baba wuvukumi, ahaane ku munyi Roho weve ulikola munyi kuva avageri kandi ulivuula Nyasaye ku munyi kunangwa muduuki kumumanya vulahi ligali.

Vafeso 3:4

kandi niiva mulasooma icha mali kong'oda, munyala kwiga nukumanya limanyiriza liange lia agaviswa ga Kristo.

Vafilipi 3:15

Kunyi kwosi avakoveeye avadukiru mu Roho mu liiva liu Vukristayo, gakuduukiraa kusingiri vudinyu mu liganagana lilala liere kuli ndio. Navuzwa niiva avalala ku munyi valaganagana lugano, Nyasaye alamuvuulira ikindu zana yicho.

Tito 3:8

Livoora yili liveeye lie ligali. Inzi nyenya udinyirizi ligali ivindu yivi, kunangwa yavo avamali kusuuvira mu Nyasaye vaduuki kuva nilienya kutumikira ing'inga yavo kokora vikolwa vilahi ku vandu vosi.

Vahebraina 13:9

Mutahunzulanywi yiyi nayiyi kutura kunzira yuvulungi na migizu mageni gi zing'ano ziosi mba. Ni vulahi konyoora zinguru ziu mu mwoyo kutura ku zimbavasi zia Nyasaye, na sigaveeye ku lilonda amalago ni viukulia mba, yavo avalonda malago yago, sigavakonya mba.

2 Petro 1:5

Kigira ikivuni chene yiki mukore zinguru komeeda uvulahi vwosi ku lisuuvira lienyu; mumeede ilimanya ku vulahi vwinyu,

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.

2 Yohana 1:9

Umundu uvula komenya mu miigizu ga Kristo, navuzwa naavitilira mu liiva yilio, siaveeye na Nyasaye mba. Mundu uvugilira miigizu yaga aveeye na Baba kandi nu Mwana.

1 Samweli 12:21

Mutalondi avanyasaye vuvugadi mba; sivanyala kumukonya anoho kumuhonyia mba; kigira sivaveeye aviligali mba.