1 Vakorintho 14:4 - KITABU KITAKATIFU

⁴ Uyu omoloma mu lulimi logeni yiiyumbakaa mwene. Navuzwa uyu wilwazaa likuva lia Nyasaye yumbaka likanisa lia vandu vasuuvira.

1 Vakorintho 14:4 ပူးပေါင်းရင်းမြစ်များ

Marko 16:17

Avasuuviraa valahevwa izingulu kokora ivilolekizu. Mu lieta liange valakunga amademoni; valamoloma mu zinimi zimbia.

Varumi 14:19

Kunangwa avaamitu vange, leki kolonde vindu viletaa mirembe kazozo, kandi ivikokonyaa kukudinyiriza aveene na vene mu lisuuvira.

1 Vakorintho 12:10

Roho ahaanaa ku mundu mulala zingulu zio kokora vilolekizu viokogenyia; ku wundi kihaanwa chu vwilwazi; ku wundi ahaanaa vunyali vwu kwavukanyia hagati ha Roho ni miroho. Ku mulala kihaanwa cho komoloma mu zinimi lugano lugano; na ku wundi kihaanwa chu kugirung'anyia zinimi.

1 Vakorintho 12:28

Nyasaye yatovola mundu sa mulala mu likanisa mu vwiyangu vwivwe. Mu vwiyangu vwukutanga, yatovola avatumwa, mu vwiyangu vwakaviri na vaporofeti vakavaga na avigizi; maku nalondiza ku vayinziri vi kihanwa chu kokora vilolekizu; kandi yalondiza ku yavo vahevwa izingulu zio kohonyia, anoho kokoonya vandi na viimiliri, kandi yavo vamoloma mu zinimi zing'eni.

1 Vakorintho 13:1

Kali nimba nimoloma mu zinimi zia vandu kandi zie zingelosi, navuzwa nindaveeye nu vuyanzi, mbeeye vuzwa kuli umugasa gulangiliraa anoho vikuli visaara vuzwa.

1 Vakorintho 13:2

Niiva ndakaveeye ni kihanwa chu kwilwaza; kandi kihanwa chu kumanyiriza agaviswa goosi kandi limanya liosi; kandi niiva ndakaveeye nilisuvira liosi linyala kusunda vigulu; navuzwa nindaveeye nu vuyanzi, simbeeye kindu mba.

1 Vakorintho 14:12

Gaveeye ndio kandi ku munyi, kigira muveeye nu vuha konyoora vindu vikoonyaa kwumbaka likanisa.

1 Vakorintho 14:22

Kunangwa kihaanwa cho komoloma mu zinimi zing'eni keveeye chukumanyira ku vandu avatasuuvira sikeveeye ku vandu vasuuvira mba. Ikihaanwa chokoporofeta ikuva lia Nyasaye keveeye kimanyiru ku vandu vasuuviraa, na sikeveeye ku vandu vatasuuvira mba.

1 Vakorintho 14:26

Kunangwa avaamitu vange, yaga nigo gamboolaa. Lwa muvugana harara kusaala, mulala yimbi ulwimbu, wundi ave ni kindu cha yigiza, wundi ave ni likuva kutura ku Nyasaye, wundi atumikiri kihaanwa cho komoloma mu zinimi zing'eni, na wundi agirung'anyie gavoolwa mu zinimi. Ivindu yivi viosi kuduuka vikoonye mu liumbaka likanisa.

1 Vakorintho 14:3

Navuzwa uyu oporofetaa avooreraa vandu vindu viu kuvumbaka, kuvazuva kandi kuvaleminya mioyo.

1 Vakorintho 14:5

Kunangwa ndakegombi munyi mwosi mumolome mu zinimi zing'eni, navuzwa ndakayanzi muve ni kihanwa cho koporofeta amakuva ga Nyasaye kigira umundu oporofetaa amakuva ga Nyasaye aveeye nu vukala vonene ligali kuvita oyo omoloma mu zinimi; kuduuka mundu aveeho unyala kwivaalira likanisa agaavoola, kunangwa ilivugana liosi liduuki kwumbakwa.