1 Vakorintho 14:37 - KITABU KITAKATIFU

³⁷ Niiva umundu woosi aliganagana kuva muporofeti anoho ave ni kihanwa cha Roho, gaduukanaa amanye ndi ga mung'oderaa gaveeye amalago gu Mwami.

1 Vakorintho 14:37 ပူးပေါင်းရင်းမြစ်များ

Livalidza 24:16

uyu uhulira ga Nyasaye avoora; na onyoora vogeri vuturaa ku uyu oveeye igulu ligali. Ndolaa malola, ni zimoni ziumika, amalola kutura ku Yahova Wuvunyali.

Luka 10:16

“Oyo uhulira munyi, ahuliraa inzi; kandi oyo usulaa munyi asuraa inzi, kandi oyo usulaa inzi asuraa uwanduma.”

Varumi 12:3

Kigira kihanwa chi zimbavasi zia Nyasaye ku inzi, muvooleraa munyi mwosi: Mutiganagana aveene kuva igulu ligali kuvita kuli gamudukira muve mba. Mu vogono yivwo muve hagati mu zing'anagani zienyu, kandi mwikalagiri aveene kolondekana ne kegero chi lisuuvira lia Nyasaye amali kuhaana ku munyi.

1 Vakorintho 14:29

Yavo avaveeye ni kihanwa cho voporofeti, muleke vamolome vaviri anoho vavaga. Vamolome na vandi vahulirizi makuva gavavoola.

1 Vakorintho 14:36

Gamanyia ndi likuva lia Nyasaye si lianyoreka kutura ku munyi mba, kandi simuveeye ni munyi mwenyine avaliaza ku mba.

1 Vakorintho 14:38

Niiva umundu woosi siavugiliraa kumanyiriza vindu yivi, mutamuhulirizi mba.

1 Vakorintho 2:15

Mundu oveeye na Roho aveeye ni likalaga lirungi ku vindu viosi, navuzwa oyo mwene sianyala kukalagirwa nu mundu wundi utaveeye na Roho mba.

1 Vakorintho 3:1

Avaamitu vange, inzi sindaali nyara komoloma ni munyi kuli molomaa ku vandu vaveeye na Roho mba; navuzwa ndaamoloma ni munyi kuli avandu vu mu lirova yili kuli vana vadoto mu lisuuvira liu Vukristayo.

1 Vakorintho 7:25

Kolondekana na mateeva ginyu ku vandu vakikiri koleetana, kandi vakunzakali, simbeeye ni lilago kutura ku Mwami Yeso Kristo mba. Navuzwa mbana lilola lie zing'anagani ziange kuli mulala oheveywi zimbavasi ziu Mwami, kandi udukana asuuvirwi.

1 Vakorintho 7:40

mu likalaga liange inzi ndolaa ndi: alava nu vugasu ligali niiva alamenya kuli aveeye ndio. Yizi niziganagani ziange, na ng'anagana inzi kandi nzimilirwa na Roho wa Nyasaye.

1 Vakorintho 8:2

Mundu naava naganagana yamanya kindu, agiligali gaveeye ndi, akikiri kumanya kindu kuli gamudukira amanye.

2 Vakorintho 10:12

Agiligali, kunyi sikunyala kuluvilira kwivika aveene anoho kweleng'anyia ku yavo vekola aveene kuva vaveeye avi igulu mba. Vaveeye vasiru ligali! Velombera vigero viavo veene kwegerera aveene naveene, kandi viikalagira veene ku liegera liavo veene!

2 Vakorintho 10:7

Munyi muheezaa vuzwa ku ligondo lie ichova wi vindu. Mundu ku vosi niyiganagana umwene kuva aveeye muduukiru umutumikiri wa Kristo, gamudukira yiganagane umwene kigira kuli oyo aveeye wa Kristo, kunyi kandi koveeye ndio.

2 Vakorintho 11:4

Munyi muvugiliraa nu vusangali umundu woosi uzaa ku munyi kandi yilwaza Yeso oveeye lugano, utali wa kunyi kwilwaza; kandi muvugiliraa roho ni Ivangeri eveeye lugano ligali kutura ku Roho ni Ivangeri ya mwanyoola kutura ku kunyi.

Vagalatia 6:8

Niiva mundu alataaga mu mulimi ku liegomba lio muviri gwigwe mwene, alagesa ligesa lie likuza. Navuzwa niiva atagaa mu mulimi gwa Roho, kutura ku Roho, alagesa livamwoyo litahera mba.

2 Petro 3:2

Nyenya munyi mwizurizi amakuva gavoolwa na vaporofeti vatakatifu lwimbiri ni lilaga liu Mwami oveeye Muhonyi, lia mwahevwa kuvitira mu vatumwa vinyu.

1 Yohana 4:6

Navuzwa kunyi koveeye ava Nyasaye, kandi umundu woosi umanyi Nyasaye ahuliraa kunyi, navuzwa oyo utaveeye wa Nyasaye sia kuhulira mba. Ku yaga kumanya Roho wa giligali na roho wu vugadi.

Yudasi 1:17

Navuzwa munyi avalina vange avayaanze, mwizurizi amakuva ga vatumwa vu Mwami wiitu Yeso Kristo vamuvolera kale.