1 Vakorintho 14:27 - KITABU KITAKATIFU

²⁷ Niiva vaveeye ho vandu vi vihaanwa vio komoloma mu zinimi zing'eni, gaduukanaa vamolome vaviri anoho vavaga vuzwa. Vatavita yaho mba; kandi valondekane mulala inyima wu wundi vulahi. Gadukanaa kandi umundu wundi yivaale agavolangwa.

1 Vakorintho 14:27 ပူးပေါင်းရင်းမြစ်များ

1 Vakorintho 12:10

Roho ahaanaa ku mundu mulala zingulu zio kokora vilolekizu viokogenyia; ku wundi kihaanwa chu vwilwazi; ku wundi ahaanaa vunyali vwu kwavukanyia hagati ha Roho ni miroho. Ku mulala kihaanwa cho komoloma mu zinimi lugano lugano; na ku wundi kihaanwa chu kugirung'anyia zinimi.

1 Vakorintho 14:13

Kunangwa oyo omoloma mu lulimi logeni, kuduuka asaale anyoore zingulu ziu kwivaala agaavoola.

1 Vakorintho 14:2

Mundu omoloma mu zinimi zing'eni siamolomaa ku vandu vandi mba, navuzwa ku Nyasaye. Sihaveeye ho nu mundu umanyirizaa cha voora mba. Amolomaa giligali gaviswa ga Nyasaye mu zinguru zia Roho.

1 Vakorintho 14:26

Kunangwa avaamitu vange, yaga nigo gamboolaa. Lwa muvugana harara kusaala, mulala yimbi ulwimbu, wundi ave ni kindu cha yigiza, wundi ave ni likuva kutura ku Nyasaye, wundi atumikiri kihaanwa cho komoloma mu zinimi zing'eni, na wundi agirung'anyie gavoolwa mu zinimi. Ivindu yivi viosi kuduuka vikoonye mu liumbaka likanisa.

1 Vakorintho 14:28

Navuzwa ni hataveeye nu mundu wivaalaa gavoolwa, ni vulahi oyo ovola mu zinimi akiring'ane mu likanisa. Umwene yemolomere mu mwoyo gwigwe kandi ku Nyasaye.

1 Vakorintho 14:5

Kunangwa ndakegombi munyi mwosi mumolome mu zinimi zing'eni, navuzwa ndakayanzi muve ni kihanwa cho koporofeta amakuva ga Nyasaye kigira umundu oporofetaa amakuva ga Nyasaye aveeye nu vukala vonene ligali kuvita oyo omoloma mu zinimi; kuduuka mundu aveeho unyala kwivaalira likanisa agaavoola, kunangwa ilivugana liosi liduuki kwumbakwa.