1 Vakorintho 14:20 - KITABU KITAKATIFU

²⁰ Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

1 Vakorintho 14:20 ပူးပေါင်းရင်းမြစ်များ

Nehemia 4:13

Kunangwa ndetegekiza avandu zana ni iviugi, vivavi, matimu, uvuta nimivano jaavo, kandi nimbaviika kolondekana ni viliango viavo inyima wi lidigi, hoosi aha liali nilikikiri kufa.

Zaburi 119:99

Manyiriza kuvita avigizi vange, kigira ng'anagana ligali ku amigizu googo.

Isaya 11:3

Alasangalira mu liitia Yahova, sialakalagira mundu ku lihenza ligondo anoho kolondekana ku aga ahuliiyi mba.

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Matayo 18:3

navoora, “Muvooleraa agiligali ndi, ni mutagirung'ana mugwi kuli avana vakekeeke, munyi simulingira ligali mu vwami vwu mwigulu mba.

Matayo 19:14

Yeso yavoola, “Leki avana vakekeeke vaze ku inzi. Mutavigalira mba, kigira Uvwami vwu mwigulu voveeye vwa avandu kuli yava.”

Matayo 19:4

Yeso yavativulira, “Simwasoma Mang'oda Matakatifu agaavoola ndi, Nyasaye uwalomba avandu mu litanga, yavalomba umusaza nu mukali,

Marko 10:15

Muvooleraa agiligali, umundu woosi utavugilira Uvwami vwa Nyasaye kuli umwana mukekeeke, sialingira muvwo mba.”

Luka 18:17

Muvooleraa agiligali, mundu ku vosi utavugilira uvwami vwa Nyasaye kuli avana vakekeeke, sialingira mu Vwami yivwo kali hakuzu mba.”

Varumi 1:13

Avaamitu vange, nyenya munyi mumanye ndi, ndalohiza haali kanyingi kuuza kumuluta, navuzwa sindaanyaliza mba. Ndakayanzi konyoora avalondi valahi kigira Kristo hagati hinyu kuli ndanyoora mu vandu vi Zihiiri.

Varumi 16:19

Avandu vosi vaahuliyi amakuva gu vusuuvirifu vwinyu ku Ivangeri, kandi ku kivuni yiki, mbeeye nu vuyanzi ligali kigira munyi. Nyenya muve avageri mu limanya agaveeye malahi, muvuli konyooleka ni kindu ku gaveeye madamanu.

1 Vakorintho 13:11

Lwa ndaali mwana, ndamoloma kuli mwana, ndaaganagana kuli mwana, kandi ndamanyiriza kuli mwana. Navuzwa lwa ndaduuka mundu muhindira, ndaaleka miima josi ju lwana.

1 Vakorintho 14:19

Navuzwa mu likanisa liu kusaala nyaanzilira ligali kovora makuva gatano govogeri vwange aganyala kuhulirika gukwigiza vandi, kuvita komoloma amakuva zielefu mu zinimi zing'eni.

1 Vakorintho 2:6

Kali ndio, nzilwazaa likuva lio vogeri ku yavo avaveeye vadukiru mu Roho. Navuzwa vogeri yivu sivoveeye vwi lirova yili liegiza, anoho vwa vami avamiiha lirova yili, avaveeye kunzira yu kudiva mba.

Vafeso 4:13

Kandi ndio, kunyi kwosi kulakaze harara muvuhambani vwi lisuuvira lieta kandi mu limanya lietu liu Mwana wa Nyasaye. Kulakave avandu avahindira avadukanga ku kegero chu vuduukiru vwosi ovonyoleka mu Kristo.

Vafilipi 1:9

Saalaa ndi uvuyanzi vwinyu vomeedeke ligali harara ni limanya liagiligali, kandi likalaga liduukiru,

Vafilipi 3:15

Kunyi kwosi avakoveeye avadukiru mu Roho mu liiva liu Vukristayo, gakuduukiraa kusingiri vudinyu mu liganagana lilala liere kuli ndio. Navuzwa niiva avalala ku munyi valaganagana lugano, Nyasaye alamuvuulira ikindu zana yicho.

1 Petro 2:2

Muve kuli avana vadoto vuli ing'inga vaveeye nuvuluhu kwenya amaveere malahi gu mu Roho, kunangwa lwa muganwezaa, muduuki kuviruka no kohonywa.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.