1 Vakorintho 14:2 - KITABU KITAKATIFU

² Mundu omoloma mu zinimi zing'eni siamolomaa ku vandu vandi mba, navuzwa ku Nyasaye. Sihaveeye ho nu mundu umanyirizaa cha voora mba. Amolomaa giligali gaviswa ga Nyasaye mu zinguru zia Roho.

1 Vakorintho 14:2 ပူးပေါင်းရင်းမြစ်များ

Litanga 11:7

Gendi kuzie kogoyanyia lulimi lwavo kunangwa vavuli kuhulirizana aveene na vene.”

Litanga 42:23

Josefu yaamanyiriza gavavoola, navuzwa si vamanya mba, kigira vaali nivamolomangi naye kuvitira mu mugirung'anya.

2 Avami 18:26

Maku Eliakimu, Shebina na Joa vaavoolera munene wa Senakeribu, “Moloma na kunyi mu lulimi lwa Vamaleki mwaza, kigira kunyi kulumanyi; utamoloma mu Luheburaina mba; avandu vosi avaveeye ku lidigi vahuliriza.”

Zaburi 78:2

Nziza kutumikira zing'ano zio vogeri ukwivaala agaviswa kutura ing'inga ya kale;

Matayo 13:11

Yeso yavativulira, “Munyi muheveywi kumanya agaviswa gu Vwami vwu mwigulu, navuzwa yavo sivaheveeywi ndio mba.

Marko 16:17

Avasuuviraa valahevwa izingulu kokora ivilolekizu. Mu lieta liange valakunga amademoni; valamoloma mu zinimi zimbia.

Marko 4:11

Naye yavativulira, “Munyi muheveywi kumanya agimbisu yu vwami vwa Nyasaye, navuzwa avandi vosi avaveeye ichova valavolerwa ikindu choosi mu zing'ano,

Vikolwa 10:46

kigira vahulira ni vavoola mu zinimi lugano lugano, ni vizominya Nyasaye. Maku Petero yavoola,

Vikolwa 19:6

Maku Paolo yavika makono geege kuvo, Roho Mutakatifu yika kuvo, nivatanga livoora mu zinimi ziavukani na amakuva ga Nyasaye.

Vikolwa 22:9

Avache vange vandaali navo valora uvulavu yivwo navuzwa sivahulira mwoyo gwa uyu wamoloma ninzi mba.

Varumi 16:25

Leki kuhaane vukumi ku Nyasaye! Anyala kudinyiriza munyi mu lisuuvira lienyu, kolondekana makuva malahi ga nzilwazaa kigira na makuva ga Yeso Kristo kandi kolondekana ni livuulwa lia giligali, gimbisu agaali nigaviikwa makiriri mu zing'inga zie mihiga minyingi jaavita.

1 Vakorintho 12:10

Roho ahaanaa ku mundu mulala zingulu zio kokora vilolekizu viokogenyia; ku wundi kihaanwa chu vwilwazi; ku wundi ahaanaa vunyali vwu kwavukanyia hagati ha Roho ni miroho. Ku mulala kihaanwa cho komoloma mu zinimi lugano lugano; na ku wundi kihaanwa chu kugirung'anyia zinimi.

1 Vakorintho 12:28

Nyasaye yatovola mundu sa mulala mu likanisa mu vwiyangu vwivwe. Mu vwiyangu vwukutanga, yatovola avatumwa, mu vwiyangu vwakaviri na vaporofeti vakavaga na avigizi; maku nalondiza ku vayinziri vi kihanwa chu kokora vilolekizu; kandi yalondiza ku yavo vahevwa izingulu zio kohonyia, anoho kokoonya vandi na viimiliri, kandi yavo vamoloma mu zinimi zing'eni.

1 Vakorintho 13:1

Kali nimba nimoloma mu zinimi zia vandu kandi zie zingelosi, navuzwa nindaveeye nu vuyanzi, mbeeye vuzwa kuli umugasa gulangiliraa anoho vikuli visaara vuzwa.

1 Vakorintho 13:2

Niiva ndakaveeye ni kihanwa chu kwilwaza; kandi kihanwa chu kumanyiriza agaviswa goosi kandi limanya liosi; kandi niiva ndakaveeye nilisuvira liosi linyala kusunda vigulu; navuzwa nindaveeye nu vuyanzi, simbeeye kindu mba.

1 Vakorintho 14:16

Lwa uhaanaa lisandiza ku Nyasaye mu Roho yenyine vuzwa, umundu utamanyi makuva ga roho, naye aveeye mu livugana yilio, yakavoola ndi “Amini” ku lisaala liilio lie lizominya? Sianyala kumanya cha ovola mba.

1 Vakorintho 14:26

Kunangwa avaamitu vange, yaga nigo gamboolaa. Lwa muvugana harara kusaala, mulala yimbi ulwimbu, wundi ave ni kindu cha yigiza, wundi ave ni likuva kutura ku Nyasaye, wundi atumikiri kihaanwa cho komoloma mu zinimi zing'eni, na wundi agirung'anyie gavoolwa mu zinimi. Ivindu yivi viosi kuduuka vikoonye mu liumbaka likanisa.

1 Vakorintho 15:51

Huliri muvooleraa makuva giligali gaviswa yaga: kunyi sikulakuza kwosi mba. Lwi kisiriva chukumaliriza kilikubwa, vosi kulagirung'anywa, vuzwa kuli mundu avunavunyia emoni.

1 Vakorintho 2:10

Nyasaye umali kuvulira kunyi agaviswa geege kuvitira mu Roho weve. Roho yenyeleriza vindu viosi kali viaviswa ligali mu luliva lwa Nyasaye.

1 Vakorintho 2:7

Vogeri vwa nzilwazaa voveeye vwa agaviswa ga Nyasaye, ovogeri vwaviswa ku vandu navuzwa vwa Nyasaye yatovola kigira uvukumi vwitu kali lirova ni likikiri kolombwa.

Vafeso 6:19

Musaliri kandi kunangwa Nyasaye aduuki kuhaana ku inzi chanyala kovora lwa moloma nuvuluviliri, nokuvuula agaviswa gi Ivangeri.

Kwidzulitsa 28:49

Yahova alaleeta zihiiri ku munyi kutura ihale, ku keheri chi lirova, ihiiri ya munyi mutamanya lulimi lwayo. Valaza hasi vwangu ku munyi kuli liburuka lie kihungu;

Vakolosai 2:2

Inzi ngolaa yaga ni kivuni ndi, vaduuki koleminywa mioyo, vahambanywe harara mu vuyanzi, kunangwa vaduuki ku vutugi vwosi vwi lisuuvirizwa voletaa limanyiriza. Mu yaga; vaduuki kumanya agaviswa ga Nyasaye, agaveeye Kristo mwene.

Likunula 10:7

Navuzwa lwe engelosi ya saba akubaa kisiriva chiche, lwene yilwo Nyasaye alakaduukizi lilohiza lilie liu muvwivisu kuli yalandizira vatumikiri veve avaporofeti.”