1 Vakorintho 14:17 - KITABU KITAKATIFU

¹⁷ Kali niiva unyala kusandiza Nyasaye vulahi ligali, navuzwa wundi uyu siyumbakiywi kali hakuzu mba.

1 Vakorintho 14:17 ပူးပေါင်းရင်းမြစ်များ

Varumi 14:19

Kunangwa avaamitu vange, leki kolonde vindu viletaa mirembe kazozo, kandi ivikokonyaa kukudinyiriza aveene na vene mu lisuuvira.

1 Vakorintho 14:18

Sandizaa Nyasaye kigira molomaa mu zinimi zing'eni ligali kuvita umundu wundi woosi.

1 Vakorintho 14:4

Uyu omoloma mu lulimi logeni yiiyumbakaa mwene. Navuzwa uyu wilwazaa likuva lia Nyasaye yumbaka likanisa lia vandu vasuuvira.

1 Vakorintho 14:5

Kunangwa ndakegombi munyi mwosi mumolome mu zinimi zing'eni, navuzwa ndakayanzi muve ni kihanwa cho koporofeta amakuva ga Nyasaye kigira umundu oporofetaa amakuva ga Nyasaye aveeye nu vukala vonene ligali kuvita oyo omoloma mu zinimi; kuduuka mundu aveeho unyala kwivaalira likanisa agaavoola, kunangwa ilivugana liosi liduuki kwumbakwa.

1 Vakorintho 14:6

Kulwayago, avaamitu vange, niiva ndaaza ku munyi nimolomaa mu zinimi zing'eni, ndava na vokonyi ki niiva sindamuleetera likuva kutura ku Nyasaye lie limanya anoho ovoporofeti, anoho amigizu?