1 Vakorintho 14:16 - KITABU KITAKATIFU

¹⁶ Lwa uhaanaa lisandiza ku Nyasaye mu Roho yenyine vuzwa, umundu utamanyi makuva ga roho, naye aveeye mu livugana yilio, yakavoola ndi “Amini” ku lisaala liilio lie lizominya? Sianyala kumanya cha ovola mba.

1 Vakorintho 14:16 ပူးပေါင်းရင်းမြစ်များ

1 Avami 1:36

Binaya yativura, “Galakolwa ndio, kandi Yahova Nyasaye woovo adinyirizi amakuva yaga.

1 Kyetsinyinga 16:36

Mwizominye Yahova, Nyasaye wa Isiraeli! Mwizominye Yahova lero kandi mihiga ni mihiga! Maku avandu vosi vizominya Yahova, vavoola, “Amini” nivizominya Yahova.

Nehemia 5:13

Maku ndatuliza ni ndasung'usa inguvu yumusibi yandali ninziviki niimboora, “Nyasaye alasung'usa kuli ndio mundu sa mulala uvula kuduukiza lisuuviriza yili, atuli munyumba yeeye, na mumiyinzi jije. Mundu uyu asung'uswi ndio kandi akolwe hazwa.” Avandu vosi vavoola “Amini!” Kandi vizominya Yahova. Na aviimiliri vaalinda Lilagana liavo.

Nehemia 8:6

Ezira yavoola, “Yahova Nyasaye umunene!” Avandu vosi vaginga makono gaavo igulu nivavoora, “Amini! Amini!” Maku vinaminya mitwi jaavo hasi kandi nivasigamira Yahova, mmoni mwavo nimudiiyi hasi.

Zaburi 106:48

Mwizominye Yahova, Nyasaye wa avandu va Isiraeli, mumwizominye kalunu kandi mihiga ni mihiga! Ma avandu vosi vavoole “Amini!” Yahova yizominywe!

Zaburi 41:13

Yahova yizominywi, Nyasaye wa Isiraeli, yizominywi kalunu kuduuka mihiga ni mihiga Amini! Amini!

Zaburi 72:19

Lieta lilie liuvukumi lizominywi uvukumi vwivwe vwizuli lirova liosi. Amini! Amini!

Zaburi 89:52

Yahova Nyasaye yizominywi mihiga ni mihiga! Amini! Amini!

Jeremia 11:5

Hene yaho, ndaduukiza lilagana lia ndaalomba na avaguuga vaavo ndi: ndakavahe uvutugi kandi kivala kigunamu cha vamenyi mu kalunu.” Inzi Jeremia ndaavoora, “Yee Yahova.”

Jeremia 28:6

“Amini Yahova akole ndio. Yahova akole amakuva gu voporofeti vuvwo kuva giligali, kandi yiranyie hano mavikiru gu mu Litembeli ga yaahira Babiloni, harara na avandu vosi avaaziayo mu lihaminywa.

Livalidza 5:22

Mazi yaga gayaanze gazie munda mumwo ma gakole inda yooyo ivimbi kandi vukali vuvwo vuniale.” Maku mukali uyu alavoora, “Inzi mali kuvugilira, Yahova ayaanze akole ndio.”

Matayo 15:36

Ma yavugula imilaango ji migadi saba, nasandiza Nyasaye, nameganyia. Yaaha aviigi navo vagavulira avandu.

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Marko 16:20

Aviigi vazia kwilwaza muvivala viosi. Mwami yayinzira harara navo, nadinyiriza amakuva gaavo ni vilolekizu vialondekana navo.]

Yohana 21:25

Koveeye ni vindu vinyingi via Yeso yakola. Niiva via kang'odeywi viosi, kilala sa kilala, ng'anagana kali kivala chene chaali cha kagehi ahukuviika vitabu viali viakang'odeywi.

Yohana 7:15

Kunangwa, avanene va Avayuda vagenya ligali, nivavoora, “Mundu uyu anyoora hayi vogeri, naye siyasooma mba?”

Vikolwa 4:13

Lwa avakulundu vi kiyaalo valora vuluviliri vwa Petero na Yohana, vagenya ligali, kigira vamanya ndi vaveeye avandu va kazozo avatali ni lisoma liosi. Kandi vamanyiriza ndi avandu yava vaali harara na Yeso.

1 Vakorintho 11:24

kandi lwa yamala kuhaana lisandiza ku Nyasaye, yameganyia navoora, “Yigu nu muviri gwange ogomeganyirwa munyi. Mukore ndi vuli Iwosi kunzizuliza.”

1 Vakorintho 14:14

Niimba nisaara mu lulimi logeni umwoyo gwange nigwo ugusaalaa navuzwa zing'anagani ziange siziveeye harara ni lisaala mba.

1 Vakorintho 14:2

Mundu omoloma mu zinimi zing'eni siamolomaa ku vandu vandi mba, navuzwa ku Nyasaye. Sihaveeye ho nu mundu umanyirizaa cha voora mba. Amolomaa giligali gaviswa ga Nyasaye mu zinguru zia Roho.

1 Vakorintho 16:24

Uvuyanzi vwange vove ni munyi mwosi mu Kristo Yeso. Amini.

2 Vakorintho 1:20

niyie oveeye “Yee” ku lisuuvirizwa liosi lia Nyasaye. Yiki nicho kigira kuvitira mu Kristo Yeso, livoora “Amini” lietu liveeye ku lwu vukumi vwa Nyasaye.

Likunula 22:20

Uyu ololekizaa ivindu yivi avoora, “Ligali inzi nziza vwangu!” Gave ndio. Hamba, Mwami Yeso!

Likunula 5:14

Ivilombe vine iviveeye mwoyo yivio viavoola, “Amini!” Kandi avakulundu vaagwa hasi mamumama nivasigamira Nyasaye.

Likunula 7:12

ni vavoola, “Amini! Lizominywa, uvukumi, ovogeri, lisandiza, uluyali, zinguru, nu uvunyali, viveeye ku Nyasaye wiitu mihiga ni mihiga. Amini!”