1 Vakorintho 13:5 - KITABU KITAKATIFU

⁵ Uvuyanzi sivoveeye ni miima midamanu, anoho nu vwimani anoho uvutima vwa vwangu mba; sivusangaliraa vudamanu mba.

1 Vakorintho 13:5 ပူးပေါင်းရင်းမြစ်များ

2 Samweli 10:3

aviimiliri va vandu va Amoni vavoolera mwami, “Uganaganaa ndi gaveeye luyali lwa baba woovo ndi Daudi utumi avasaza yava kokoleminya mwoyo? Awa, avatumi hano ukutunyiriza lidaala linene vulahi kunangwa aduuki kukuguuta!”

Ayubu 21:27

“Heenzi! Inzi manyi vulahi zing'anagani zienyu ziosi, kandi lilohiza lienyu liokongolera uvudamanu.

Tsing'ano 14:17

Mundu wuvutima vwa vwangu akolaa vindu viuvusiru, navuzwa mundu wovogeri yikuziraa.

Isaya 3:5

Vuli mundu alakolera wache goosi aganyala. Avayaayi si valahaana luyali ku avakulundu vaavo mba, kandi avandu vataveeye nuvunyari si valahaana luyali ku avanene vaavo mba.

Jeremia 11:19

Ndaali kuli kememe kehoma ikihilwa kwitwa. Navuzwa si ndaamanya ndi avasigu vange valohiza vindu vidamanu ku inzi mba. Vavoola ndi, “Koteme musaala yigu nigukikiri na amatu amavisi; kumwiti kunangwa mundu navuli kumwizuliza kali hakuzu.”

Livalidza 12:3

Musa yaali mundu muhooma ligali kuvita vandu vandi vosi mu lirova.

Livalidza 16:15

Musa yaali nu vutima na yavolera Yahova, “Utavugilira vihaanwa via vandu yava valeta mba. Inzi ngikiri kwonelaku mundu woosi kuvo mba; kali ngikiri kuvugura ku kali ndala ku zibunda ziavo mba.”

Livalidza 32:6

Musa yavativulira navoora, “Munyi mwenya kumenya hano lwa vache vinyu vandu va Isiraeli vazia kulwaana?

Matayo 5:22

Navuzwa inzi muvooleraa: Mundu woosi uva nu vutima na amwavo weve alakalagirwa. Uyu onyegaa amwavo weve alahilwa mu kiyaalo. Mundu woosi ovolera amwavo weve: ‘Ivi oveeye musiru,’ aveeye mu vudinyu vwu kuzia mu muliru gwe gehena.

Matayo 9:4

Navuzwa Yeso yamanya zing'anagani ziavo, navoora, “Kigira ki muganaganaa uvudamanu kuli ndio mumioyo jinyu?

Marko 3:5

Yeso yavahenza zimbega ziosi navihilirwa, kandi navavererera kigira uvudinyu vwi mioyo jaavo. Yavolera umundu oyo, “Nyira mukono gugwo!” Naye yanyira umukono gwigwe, nagwo gwahona ligali.

Luka 7:39

Lwu Mufarisayo wamugenihiza yalora yaga, yaganagana mwene, navoora, “Niiva mundu uyu yakaveeye muporofeti, ngano yakamanyi mukali uyu nivwaha, umudiraa; yakamanyi ni liiva liu vwoni lia lugano ki liu mukali uyu amenyi mu!”

1 Vakorintho 10:24

Mundu ateyenyera uvugasu vwivwe mwene, navuzwa uvugasu vwu wundi.

1 Vakorintho 10:33

Mukore kuli inzi ngolaa. Ngerizaa kuyaanziza avandu vosi mu vindu viosi vaangora vugira kweyenyera lizominywa, navuzwa lizominya lia vosi, kunangwa vosi vanyoore ovohonyi kuli inzi.

1 Vakorintho 11:18

Mali kovolerwa ndi, ikindu chu kutanga lwa muvuganaa harara kuli avasangi, amahangari gaveeye hagati hinyu, inzi suuviraa malala kugo gaveeye agiligali.

1 Vakorintho 12:25

Kulwayago iliavukana mu muviri litavaho mba, navuzwa ivivero viagwo viosi viduuki kohendera vivero vindi viene.

1 Vakorintho 7:36

Niiva umundu aganagana siakoleraa vulahi mukaana mugima weve wa yateeva ku livula kumuleeta vwangu, na niiva mukana amenyaa mihiga minyingi ma naye alolaa ndi kuduuka aleetwe, gamudukira akole kuli yenya, valeetane vuzwa, siava naakori vwoni mba.

2 Vakorintho 5:19

Agaveeye kovora ndi, Nyasaye yahambanyia vandu vumukivala kuye mu Kristo. Siavalizaa uvwoni vwavo kuvo kandi mba. Oyo yakuha Ivangeri yukuhambanyia avandu kuye.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vafilipi 2:21

Avandu vandi vahenderaa vuzwa lienya liavo aveene, na sivahenderaa ivindu via Yeso Kristo mba.

Vafilipi 4:8

Mu limaliriza avaamitu vange mukore zing'anagani zienyu ziizuli ni vindu viveeye vilahi kandi ividukanaa vinyoole lizominywa; vindu viveeye vie ligali, viu vulungi, ivisereze, viu kuyaanziza kandi viu luyali.

2 Vatesalonike 3:7

Munyi aveene mumanyi vulahi ndi gamudukira mukore kuli aga kwakora. Kunyi sikwaali avagata lwa kwaali harara ni munyi mba.

Yakobo 1:19

Avaamitu vange avayaanze, mwizurizi likuva yili! Umundu sa mulala ave umwangu kuhuliriza, navuzwa ave wagalaha ku limoloma, kandi uwa galaha ku liiva nu vutima.