1 Vakorintho 13:12 - KITABU KITAKATIFU

¹² Icha kololaa kalunu keveeye kuli kololera mu chelolero iligondo litalolekaa vulahi, navuzwa inyima wayaga kulakalole moni namoni. Icha inzi manyi kalunu sikeveeye kidukiru mba, navuzwa inyima kilakave kiduukilu kuli limanya lia Nyasaye, liveeye liduukilu ku inzi

1 Vakorintho 13:12 ပူးပေါင်းရင်းမြစ်များ

Litanga 32:30

Yakobo yavoola, “Inzi mali kolola Nyasaye moni na moni, na kalunu ngikiri mwoyo.” Kunangwa yalanga havundu yaaha “Penieli.”

Ayubu 19:26

Na inyima wi ligodo liu muviri gwange limali kwononywa nuvulwaye, Ndakalole Nyasaye moni na moni ningikiri mu muviri yigu.

Ayubu 36:26

Kunyi sikunyala kumanya ligali ovonene vwa Nyasaye; kandi sikunyala kuvaliza mihiga ji livamwoyo lilie mba.

Kutwula 33:11

Yahova yamoloma na Musa moni na moni, kuli mundu amolomaa nu mulina weve ma Musa yirana hokososa. Navuzwa musoleri Joshua, uwaali Mukonyeleri weve, mwana wa Nuni, yaatigara mu Lihema liukuvuganira mu.

Ezekieli 17:2

“Mwana wu Mundu, ovoolere avandu va Isiraeli lugano

Livalidza 12:8

Kunangwa inzi molomaa naye moni na moni, kandi vulahi ligali, na sigaveeye mu zing'ano mba; kali amali kolola liiva liange! Gaveeye ki munyi komonya mutumikiri wange Musa?”

Matayo 18:10

“Mulole ndi muvuli kuchaya mulala ku vakekeeke yava inzi muvooleraa. Zingelosi ziavo mwigulu, ziveezaa imbiri wa Baba wange vuli kazozo. [

Matayo 5:8

“Vaveeye nuvugasu avaveeye ni mioyo milavu, kigira valalola Nyasaye.

Yohana 10:15

Kuli Baba amanya inzi, kandi ndio, inzi manya Baba kandi mbana livamwoyo liange kigira amagondi gange.

Varumi 8:18

Ndolaa ndi uvusaliri vwitu vwi ing'inga ya kalunu yiyi si vunyala koleng'anywa nu vukumi vwa kulilola kali hakuzu mba.

1 Vakorintho 13:11

Lwa ndaali mwana, ndamoloma kuli mwana, ndaaganagana kuli mwana, kandi ndamanyiriza kuli mwana. Navuzwa lwa ndaduuka mundu muhindira, ndaaleka miima josi ju lwana.

1 Vakorintho 8:3

Navuzwa umundu uyanzaa Nyasaye, oyo yamanyikana ligali naye.

2 Vakorintho 3:18

Kunyi vosi avakwavula kufuumwa mu moni mwitu, kumanyia uvukumi vwu Mwami. Uvukumi zana yivwo vuturaa ku Mwami oveeye Roho akugiruganyia kuva mu liiva lia higulu ligali mu vukumi.

2 Vakorintho 5:7

Komenyi kigira lisuuvira mu Mwami Yeso; sikomenyi kigira lilola vuzwa mba.

Vafilipi 3:12

Simbolanga ndi inzi ndaamara kuguuta, anoho mali kokolwa umudukiru ligali mba. Nzidinyirizaa ligali kuzia imbiri kunangwa nduuki ku kivuni kandi nyoore ikihaanwa yicho ichagira Kristo Yeso niyaangunzira.

Yakobo 1:23

Umu ndu oveeye muhuliri wi likuva, navuzwa sialiviika mu ivikolwa, aveeye kuli umundu wehenzeranga mu cherolero ma yeelola mu moni mwimwe kuli afaanaa.

1 Yohana 3:2

Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.

Likunula 22:4

Kulakalole kandi mumoni mwa Nyasaye, ni ilieta lilie lilakang'odwe mu uvweni vwavo.