1 Vakorintho 13:1 - KITABU KITAKATIFU

¹ Kali nimba nimoloma mu zinimi zia vandu kandi zie zingelosi, navuzwa nindaveeye nu vuyanzi, mbeeye vuzwa kuli umugasa gulangiliraa anoho vikuli visaara vuzwa.

1 Vakorintho 13:1 ပူးပေါင်းရင်းမြစ်များ

Zaburi 150:5

Mumwizominye ni vindu vie migasa ivilangiliraa ligali. Mumwizominye ni vindu vie migasa vilangiliraa ligali.

Matayo 25:45

Umwami alakavavoolerc, ‘Muvooleraa, choosi cha mwavura kokolera mulala ku vakekeeke yava, mwavura kokolera inzi.’

Marko 16:17

Avasuuviraa valahevwa izingulu kokora ivilolekizu. Mu lieta liange valakunga amademoni; valamoloma mu zinimi zimbia.

Varumi 14:15

Niiva usaliriza amwavo woovo kigira chukulia cha uliizaa, siokola ndio kolondekana nu vuyanzi mba. Utaleka chukulia chicho kidivizi umundu wundi wa Kristo yakuzira mba.

1 Vakorintho 12:10

Roho ahaanaa ku mundu mulala zingulu zio kokora vilolekizu viokogenyia; ku wundi kihaanwa chu vwilwazi; ku wundi ahaanaa vunyali vwu kwavukanyia hagati ha Roho ni miroho. Ku mulala kihaanwa cho komoloma mu zinimi lugano lugano; na ku wundi kihaanwa chu kugirung'anyia zinimi.

1 Vakorintho 12:16

Kandi niiva ugutu gunyala kovora, “Kigira simbeeye emoni, inzi simbeeye kilala ku vivero vu muviri mba,” yaga siganyala kokora emoni ivuli kuva ndala ku vivero viu muviri mba.

1 Vakorintho 12:8

Roho ahaanaa ku mundu mulala livoora lio vogeri, na wundi ahevwa limanya kutura ku Roho mulala mwere.

1 Vakorintho 13:8

Uvuyanzi sivoveeye ne keheri mba. Navuzwa voporofeti nivoveeyeho vulakahere, vihaanwa viokomoloma mu zinimi zing'eni, niviveeyeho, vilakahere; limanya niliveeyeho lilakahere.

1 Vakorintho 14:2

Mundu omoloma mu zinimi zing'eni siamolomaa ku vandu vandi mba, navuzwa ku Nyasaye. Sihaveeye ho nu mundu umanyirizaa cha voora mba. Amolomaa giligali gaviswa ga Nyasaye mu zinguru zia Roho.

1 Vakorintho 14:4

Uyu omoloma mu lulimi logeni yiiyumbakaa mwene. Navuzwa uyu wilwazaa likuva lia Nyasaye yumbaka likanisa lia vandu vasuuvira.

1 Vakorintho 14:5

Kunangwa ndakegombi munyi mwosi mumolome mu zinimi zing'eni, navuzwa ndakayanzi muve ni kihanwa cho koporofeta amakuva ga Nyasaye kigira umundu oporofetaa amakuva ga Nyasaye aveeye nu vukala vonene ligali kuvita oyo omoloma mu zinimi; kuduuka mundu aveeho unyala kwivaalira likanisa agaavoola, kunangwa ilivugana liosi liduuki kwumbakwa.

1 Vakorintho 8:1

Kalunu, nyenya kong'oda kolondekana ni viukulia visalisirangwa vifananyi, gaveeye agiligali ndi, “Kunyi kwosi koveeye nilimanya,” kuli vavoola. Navuzwa limanya kuli yilio lilombaa mundu kuva ni liegingira, nitali uvuyanzi vokolaa kunyi kuviruka mu Roho.

2 Vakorintho 12:4

Uwene yeyo kandi, yahulira vindu viagaviswa ligali vitanyalika kovoolwa, kandi vindu viu mundu anyala kuvula kovora.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

1 Petro 4:8

Kuvita vindu viosi muyaanzane ligali aveene naveene, kigira uvuyanzi vukunikaa uvwoni uvunyingi.

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.

Likunula 14:2

Ndaahulira kandi mwoyo nigutura mwigulu kuli mwoyo gwi kihilira cha amazi manene kandi kuli gwi lihirigana lie inguba enene. Mwoyo gwa ndaahulira gwaali kuli mwoyo gwa avimbi vakuba uvukana vwavo.