1 Vakorintho 12:18 - KITABU KITAKATIFU

¹⁸ Navuzwa kuli gaveeye, Nyasaye yalohiza vivero mu muviri sa kilala kuli mwene atovoraa.

1 Vakorintho 12:18 ပူးပေါင်းရင်းမြစ်များ

Zaburi 110:3

Ku lidiku lia uzia kulwaana vasigu vovo, avandu vovo valiihaana aveene. Avayaayi vovo valaza ku ivi ku vigulu vitakatifu kuli lime lia mugambazuri.

Zaburi 135:6

Yahova akolaa cha yaanza mwigulu kandi ku lirova; mu zinyanza kandi hasi mu luliva.

Isaya 46:10

Kutura mulitanga, ndalolekizaa agaza gekoleke; kale ligali ndaavura agaali ganyala kwekoleka. Ndavoora ndi, lilohiza liange sililagwa mba, kandi ndakora vuli kindu choosi cha ndasaavira kokora.

Jona 1:14

Kunangwa vanira ku Yahova nivavoora, “O, Yahova, kukusaala, utahaana mageri gi likuza Kigira ligotiza livamwoyo liu mundu mulala uyu mba. Ivi, O, Yahova, niivi okoli yaga goosi, yili liveeye likora liilio.”

Luka 10:21

Ing'inga zana yeyo, Yeso yizula uvusangari mu Roho Mutakatifu, niyizominya Nyasaye, navoora, “Baba, Mwami wi ligulu nilirova. Ngusandizaa ligali kigira ivi umali kuvisa ivindu yivi kuvageri kandi ku avilimanya, navuzwa uvuuliyi vihanzahanza. Yee, Baba, nindio wayanza yaga gakolwi kuli vulaliri vuvwo.

Luka 12:32

“Mutatia, munyi ichayo change kekekeeke! Baba winyu uyanziziywi kumuha Uvwami yivwo.

Varumi 12:3

Kigira kihanwa chi zimbavasi zia Nyasaye ku inzi, muvooleraa munyi mwosi: Mutiganagana aveene kuva igulu ligali kuvita kuli gamudukira muve mba. Mu vogono yivwo muve hagati mu zing'anagani zienyu, kandi mwikalagiri aveene kolondekana ne kegero chi lisuuvira lia Nyasaye amali kuhaana ku munyi.

Varumi 12:6

Kunangwa gakuduukiraa kutumikiri vihaanwa lugano kolondekana ni zimbavasi zia Nyasaye yakuha. Leki kuvitumikiri. Niiva kihanwa chiitu keveeye chovoporofeti, kuduuka kukitumikiri kolondekana ku kegero chi lisuuvira lia koveeye nalio.

1 Vakorintho 12:11

Yiji josi jiveeye imiyinzi ja Roho mulala mwere; kandi ahaanaa ku mundu sa mulala kihaanwa kuli mwene atovoraa.

1 Vakorintho 12:17

Niiva muviri gwosi gwakaveeye vuzwa emoni, gwakahulira ndi? Niiva umuviri gwosi gwakaveeye ugutu, gwakafunyirizi ndi?

1 Vakorintho 12:19

Niiva vivero viosi via kaveeye kevero kilala, umuviri gwaali gove hayi?

1 Vakorintho 12:24

lwi vivero vindi viu muviri viveeye vilahi siviveeye ni lienya kulindwa mba navuzwa, Nyasaye mwene yalohiza vivero viu muviri kandi yahaana luyali lonene ligali ku vivero viageherwa luyali yilwo.

1 Vakorintho 12:28

Nyasaye yatovola mundu sa mulala mu likanisa mu vwiyangu vwivwe. Mu vwiyangu vwukutanga, yatovola avatumwa, mu vwiyangu vwakaviri na vaporofeti vakavaga na avigizi; maku nalondiza ku vayinziri vi kihanwa chu kokora vilolekizu; kandi yalondiza ku yavo vahevwa izingulu zio kohonyia, anoho kokoonya vandi na viimiliri, kandi yavo vamoloma mu zinimi zing'eni.

1 Vakorintho 15:38

Navuzwa Nyasaye aluheezaa umuviri kuli yenya umwene. Ahezaa vuli lumwu umuviri gwalwo lwene.

1 Vakorintho 3:5

Kunangwa Apolo nivwaha? Kandi Paolo nivwaha? Kunyi koveeye vuzwa avatumikiri va Nyasaye, ava mwanyoolera mu lisuuvira, kuli Mwami yahaana ku vuli mulala ku kunyi kokora muyinzi.

Vafeso 1:5

Nyasaye yaali niyamala kukalaga ndi kuvitira mu Yeso Kristo kunyi kuduuki kuvugilirwa kuva avana veve. Yili liali kandi lienya lilie.

Vafeso 1:9

Nyasaye yakuvuulira agaviswa guvulaliri vwivwe, kolondekana ni lilohiza lilie lilahi lia ya saaviraa kokora kuvitira mu Kristo.

Likunula 4:11

“Mwami oveeye Nyasaye wiitu! Ivi uduukani konyoora uvukumi, luyali, ni izingulu. Kigira ivi walomba ivindu viosi kandi kigira uvulariri vuvwo, vialombwa, kandi viahevwa ilimenya nu uvulamu.”