1 Vakorintho 12:16 - KITABU KITAKATIFU

¹⁶ Kandi niiva ugutu gunyala kovora, “Kigira simbeeye emoni, inzi simbeeye kilala ku vivero vu muviri mba,” yaga siganyala kokora emoni ivuli kuva ndala ku vivero viu muviri mba.

1 Vakorintho 12:16 ပူးပေါင်းရင်းမြစ်များ

Varumi 12:10

Muyaanzane aveene na veene kuli avamwavo mu Vukristayo; na mwegombe kuhaanirana uluyali munyi aveene naveene.

Varumi 12:3

Kigira kihanwa chi zimbavasi zia Nyasaye ku inzi, muvooleraa munyi mwosi: Mutiganagana aveene kuva igulu ligali kuvita kuli gamudukira muve mba. Mu vogono yivwo muve hagati mu zing'anagani zienyu, kandi mwikalagiri aveene kolondekana ne kegero chi lisuuvira lia Nyasaye amali kuhaana ku munyi.

1 Vakorintho 12:15

Niiva ekerenge kinyala kovora, “Kigira simbeeye mukono, inzi simbeeye mulala ku muviri mba,” yaga siganyala kokora kerenge kivuli kuva kilala ku vivero viu muviri mba;

1 Vakorintho 12:17

Niiva muviri gwosi gwakaveeye vuzwa emoni, gwakahulira ndi? Niiva umuviri gwosi gwakaveeye ugutu, gwakafunyirizi ndi?

1 Vakorintho 12:22

Sigaveeye ndio mba. Ivivero viu muviri vilolekaa kuva ndi nividedekere nivio vienyekaa ligali kuvita;

Vafilipi 2:3

Mutakola kindu kali kilala kuturana ni liegomba lie vindu vie kivala anoho iliekonya lia vuzwa mba, navuzwa muve ni liegehiza aveene naveene. Vuli kazozo, muganagane avandi kuva avalahi kuvita munyi.