1 Vakorintho 12:13 - KITABU KITAKATIFU

¹³ Munzira ndala nzere, kunyi kwosi nikuva nikoveeye Avayuda anoho vandu vizihiiri, avatugwa anoho vavoholore, kwabatizwa na Roho mulala ma ni kuva muviri mulala kandi Nyasaye yahaana ku kunyi vosi Roho mulala mu mioyo jitu.

1 Vakorintho 12:13 ပူးပေါင်းရင်းမြစ်များ

Lwimbu lwa Solomoni 5:1

Inzi mali kwingira mu mulimi gwange, muyanze wange, kandi muselerwa wange, mbungizaa mudalasini gwange kandi vifunya mwayu, ndiza vwuki na mana gene; Nwezaa iwaini yange kandi maveere gange. Vayanze vange, mulie kandi munwi kuduuka lwa muhaambika vuyanzi!

Isaya 55:1

Yahova avoora; “Hambi, sa mulala oveeye nuvuluhu, mazi gaveeye hano! Hambi munyi avatali namabesa, muguli vuswage ma mulie! Hambi! Guli iwaini na maveere, simulatunga kindu mba!

Joeli 2:29

Ku ing'inga yeyo ndavika Roho wange kali ku avatugwa, vasaza na vakali harara.

Matayo 3:11

Inzi mubatizaa mu mazi kumanyia ndi mumali kwiganira. Navuzwa uyu uzaa inyima wange aveeye ni zinguru kuvita inzi. Inzi sindukana kali ku mugingira vilato vivie mba. Uyu alamubatiza mu Roho Mutakatifu kandi mu muliru.

Luka 3:16

Kunangwa Yohana yavavolera vosi, “Inzi mubatizaa na amazi, navuzwa mulala yazaa oveeye ni zinguru kuvita inzi, wandaduukanaa kali kovoholora migoye ji vilatu vivie. Mwene oyo alamubatiza na Roho Mutakatifu kandi nu muliru.

Yohana 1:16

Kuturana kuvudukiru vwi zimbavasi zizie, umali kukugasiza kwosi, naakohezaa ligasizwa kazozo.

Yohana 1:33

Inzi sindamumanya oyo niye, navuzwa Nyasaye uwanduma kubatiza avandu na mazi, yaali niyamboleye ndi ‘Mundu wo olola Roho niyazaa kuye kutura mwigulu nu kwikala kuye, uyu niyie ubatizaa na Roho Mutakatifu.’

Yohana 3:5

Yeso yamutivulira, “Ngovolera agiligali, mundu natiivulwa liivulwa lia amazi ni lia Roho, sianyala kwingira mu Vwami vwa Nyasaye mba.

Yohana 4:10

Yeso yamutivulira, “Niiva wakamanyi kihanwa cha Nyasaye ahaanaa na nivwaha okoteeva, ‘Mbe ku amazi nwi,’ ngano wakamuteevi naye alakuha amazi gi livamwoyo.”

Yohana 4:14

Navuzwa ku woosi unwa ku amazi ga mbana, sialava nuvuluhu kandi mba. Ligali amazi ga ndimuha galava muye kidaho cha amazi gi livamwoyo agasinukaa kumuha livamwoyo litahera mba.”

Yohana 6:63

Roho wa Nyasaye niyie uhaanaa livamwoyo, zinguru ziu mundu si zinyala kindu mba. Amakuva ga inzi mali kumuvolera nigo galetaa Roho wa Nyasaye galetaa Roho wa Nyasaye uhaanaa livamwoyo.

Vikolwa 1:5

Yohana yabatizaa na amazi, navuzwa mulabatizwa mu Roho Mutakatifu inyima wamadiku makekeeke.”

Varumi 3:22

Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

Varumi 3:29

Anoho, Nyasaye aveeye Nyasaye wa Vayuda venyine? Siaveeye Nyasaye wa Avizihiiri zindi kandi? Yee, aveeye wa avandu vi zihiiri zindi kandi.

Varumi 4:11

Aburahamu yakevwa inyima, na likevwa yilio liali kelolero chamanyia ndi Nyasaye yamuvugilira kuva mulungi kigira lisuuvira lilie lia yaali nalio nakikiri kokevwa. Kulwayago, Aburahamu yaduuka kuva baba wa vosi avasuuviraa Nyasaye, kandi avavugilirwa naye kuva valungi, kali niiva sivakevwa mba.

1 Vakorintho 10:2

Vosi vabatizwa nivava valondi va Musa mu lilesi yilio, kandi munyanza yiyi.

Vagalatia 3:23

Lisuuvira ni likikiri kuduuka, Lilaga liakovoha kwosi kuli avahambe kuduuka lwi lisuuvira lialolekizwa.

Vagalatia 3:28

Kulwayago, sihaveeyeho kandi ni liavukana hagati ha Avayuda na vandu vizihiiri, mutugwa nu muvoholore anoho musaza nu mukali kandi mba. Vosi muveeye kindu kilala mu lihambanywa na Kristo Yeso.

Vafeso 3:6

Agaviswa gene ni yaga: kuvitira mu Ivangeri ya Nyasaye, vandu vizihiiri vagwiyi avasangi vi miandu harara na Avayuda mu zimbavasi zia Nyasaye; vave muviri mulala na vasaange mu lisuuvirizwa lia Nyasaye yalomba kuvitira mu Kristo Yeso.

Vafeso 4:5

Haveeyeho nu Mwami mulala, nilisuvira lilala, nilibatiza lilala.

Vafeso 5:26

Yakola yaga aduuki kulitakasa ku Nyasaye ni likuva lilie, lwa mali kulinihiza na amazi

Vafeso 6:8

Mwizurizi ndi, Mwami alakahaane madanyi ku mundu woosi ave mutugwa anoho muvoholore.

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

Vakolosai 3:11

Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,