1 Vakorintho 12:11 - KITABU KITAKATIFU

¹¹ Yiji josi jiveeye imiyinzi ja Roho mulala mwere; kandi ahaanaa ku mundu sa mulala kihaanwa kuli mwene atovoraa.

1 Vakorintho 12:11 ပူးပေါင်းရင်းမြစ်များ

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Matayo 11:26

Yee, Baba, nindio wenyaa gakoleke.

Matayo 20:15

Sivoveeye vulahi inzi ngole kuli nyanza ku vindu viange? Anoho ongendekeraa kigira inzi mbeeye umuhaani mulahi?’ ”

Yohana 3:27

Yohana yavavolera, “Mundu sianyala kuva ni kindu nataheeveywi na Nyasaye mba.

Yohana 3:8

imbuza ihuuzaa hoosi hiyaanzaa; na ivi uhulira vuzwa lifuuma liayo, navuzwa siumanyi wa itulaa nu wizizaa mba. Nindio gaveeye kandi ku mundu woosi uwivulwa kutura ku roho.”

Yohana 5:21

Kuli Baba asimugukizaa avakuzu nu kuvaha livamwoyo, kandi nindio mwana ahaanaa livamwoyo ku yavo avaayaanza.

Varumi 12:6

Kunangwa gakuduukiraa kutumikiri vihaanwa lugano kolondekana ni zimbavasi zia Nyasaye yakuha. Leki kuvitumikiri. Niiva kihanwa chiitu keveeye chovoporofeti, kuduuka kukitumikiri kolondekana ku kegero chi lisuuvira lia koveeye nalio.

Varumi 9:18

Kunangwa gaveeye havulavu ndi Nyasaye aveeye nizimbavasi ku woosi wayanza koveera zimbavasi, kandi wayaanza ave ni kirage amukolaa ave ni kirage.

1 Vakorintho 12:18

Navuzwa kuli gaveeye, Nyasaye yalohiza vivero mu muviri sa kilala kuli mwene atovoraa.

1 Vakorintho 12:4

Haveeye ho ni vihaanwa via Roho zing'ano zinyingi, navuzwa Roho uvihaanaa aveeye mulala.

1 Vakorintho 12:6

Haveeye ho ni zing'ano zinyingi zio kokora miyinzi, navuzwa Nyasaye aveeye mulala uhaanaa vunyali kuavandu vosi kokora miyinzi lugano lugano.

1 Vakorintho 7:17

Gaduukanaa vuli mundu amenye kolondekana ni kihanwa chu Mwami Yeso Kristo yamuha kandi kuli yaali lwa Nyasaye yamulanga. Yili nilio lilago liange lia nzigiza mu makanisa goosi.

1 Vakorintho 7:7

Ndakayaanziliyi ndi munyi vosi muve kuli inzi mbeeye. Navuzwa mundu sa mulala aveeye ni kihanwa chiche kidukiru umwene kutura ku Nyasaye, umundu mulala kihanwa yiki, na wundi kihanwa kila.

2 Vakorintho 10:13

Navuzwa kunyi sikunyala kwekonya kuvita kegero chietu mba, navuzwa liekonya lietu lilava vuzwa kuli lwako lwe kegero cha Nyasaye yakuha; kandi munyi muveeye mu kegero chi miyinzi jietu hagati hinyu.

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.

Vafeso 4:7

Navuzwa sa mulala ku kunyi yanyoora kihanwa kidukiru chi zimbavasi kolondekana ne kegero chi kihanwa kilahi cha Kristo amali kuhaana.

Vahebraina 2:4

Ku ing'inga ndala nzere, Nyasaye naye kandi yameda lilolekiza lilie mu liavo ku likora vilolekizu kandi viokogenyia vie zing'ano ziosi ni vikolwa viezingulu, kandi ku ligavulira vandu vihaanwa via Roho Mutakatifu kolondekana nu vulaliri vwivwe.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.