1 Vakorintho 12:10 - KITABU KITAKATIFU

¹⁰ Roho ahaanaa ku mundu mulala zingulu zio kokora vilolekizu viokogenyia; ku wundi kihaanwa chu vwilwazi; ku wundi ahaanaa vunyali vwu kwavukanyia hagati ha Roho ni miroho. Ku mulala kihaanwa cho komoloma mu zinimi lugano lugano; na ku wundi kihaanwa chu kugirung'anyia zinimi.

1 Vakorintho 12:10 ပူးပေါင်းရင်းမြစ်များ

Joeli 2:28

“Lwinyima ndaleta Roho wange ku avandu vosi: avana vinyu vayaayi na vakana valaporofeta avakulundu vinyu valalota amalooto, kandi vasoleri vinyu valalola malola.

Marko 16:17

Avasuuviraa valahevwa izingulu kokora ivilolekizu. Mu lieta liange valakunga amademoni; valamoloma mu zinimi zimbia.

Marko 16:20

Aviigi vazia kwilwaza muvivala viosi. Mwami yayinzira harara navo, nadinyiriza amakuva gaavo ni vilolekizu vialondekana navo.]

Luka 24:49

Henza, inzi mwene ndamutumira Roho Mutakatifu wa Baba yandaga, navuzwa kuduuka munyi mulindi mu lidaala kuduuka lwi zinguru yizi kutura mwigulu, ziika ku munyi.”

Yohana 14:12

Muvooleraa agiligali, uyu usuviraa mu inzi alakola miyinzi ja inzi ngolaa. Yee, alakola kali minene ligali kuvita kigira inzi nziza wa Baba.

Yohana 16:13

Navuzwa, lwa Roho aliiza, ulivolaa agiligali kigira Nyasaye, alakamwimiliri mu agiligali goosi; sialakamoloma ku vunyali vwivwe mwene, navuzwa alakamuvoolere goosi aga yahulira, kandi alakalandizi havulavu ivindu viliekoleka.

Vikolwa 1:8

Navuzwa lwa Roho Mutakatifu aliiza ku munyi, mulizurwa ni zinguru kandi mulava avalolekizi vange mu Jerusalemi, Ivuyuda, Samaria, kandi kuduuka ku keheri chi lirova.”

Vikolwa 11:27

Ing'inga yene yeyo avaporofeti vaza Andiokia kutura Jerusalemi.

Vikolwa 11:28

Kunangwa mulala kuvo walangwa Agabo yasingira; na ku zinguru zia Roho, yalolekiza ndi inzara enene ilaaza mu lirova liosi. Inzara yeyo yaza maku ing'inga ya Kilaudia yaali niyamiha.

Vikolwa 19:6

Maku Paolo yavika makono geege kuvo, Roho Mutakatifu yika kuvo, nivatanga livoora mu zinimi ziavukani na amakuva ga Nyasaye.

Vikolwa 5:3

Petero yamuteeva, “Anania, kigira ki oleki Setani akwamihi mu mwoyo gugwo uduuki kovoolera Roho Mutakatifu ovovehi, mu livaasa kedonye cha mabese gonyooye ku mulimi?

Varumi 12:6

Kunangwa gakuduukiraa kutumikiri vihaanwa lugano kolondekana ni zimbavasi zia Nyasaye yakuha. Leki kuvitumikiri. Niiva kihanwa chiitu keveeye chovoporofeti, kuduuka kukitumikiri kolondekana ku kegero chi lisuuvira lia koveeye nalio.

Varumi 15:19

kuzinguru zie vilolekizu ni viokogenyia, harara ni zinguru zia Roho Mutakatifu. Kunangwa, mu ligenda hoosi, kutura Jerusalemi kuduuka Iliriku, mali kwilwaza makuva malahi goosi ga Kristo.

1 Vakorintho 11:4

Kunangwa umundu musaza woosi usaala, anoho wilwazaa likuva lia Nyasaye imbiri wa vandu nakuniki umutwi gwigwe, oyo aleganyia Kristo oveeye mutwi gwigwe.

1 Vakorintho 13:8

Uvuyanzi sivoveeye ne keheri mba. Navuzwa voporofeti nivoveeyeho vulakahere, vihaanwa viokomoloma mu zinimi zing'eni, niviveeyeho, vilakahere; limanya niliveeyeho lilakahere.

1 Vakorintho 14:13

Kunangwa oyo omoloma mu lulimi logeni, kuduuka asaale anyoore zingulu ziu kwivaala agaavoola.

1 Vakorintho 14:39

Kunangwa, avaamitu vange, mwenye ligali konyoora ikihaanwa cho koporofeta ilikuva lia Nyasaye, navuzwa mutigalira limoloma mu zinimi zing'eni mba.

Vagalatia 3:5

Nyasaye ohezaa munyi Roho, kandi okolaa vilolekizu hagati hinyu, akolaa vindu yivi viosi kigira mulonda agi Lilaga lienyaa, anoho kigira muhulira Ivangeri nu kugasuuvira?

1 Vatesalonike 5:20

Mutachaya amakuva go voporofeti mba,

Vahebraina 2:4

Ku ing'inga ndala nzere, Nyasaye naye kandi yameda lilolekiza lilie mu liavo ku likora vilolekizu kandi viokogenyia vie zing'ano ziosi ni vikolwa viezingulu, kandi ku ligavulira vandu vihaanwa via Roho Mutakatifu kolondekana nu vulaliri vwivwe.

1 Yohana 4:1

Avalina avayaanze vange, mutasuuvira avandu vosi avevoora avaveeye na Roho, navuzwa muhenzerizi kandi mulole niiva mundu oyo yimilirwa na Roho wa Nyasaye. Yiki ni kigira avaporofeti vovovehi vanyingi vamali kuzia mu kivala choosi.

Likunula 2:2

“Inzi manyi vikolwa vivio viosi, nuvugulu vwa oveeye navwo ku miyinzi, ni liekuzira liilio. Kandi manyi ndi siunyala kwikuzira ku avandu vadamanu mba. Umali kogeliza kandi yavo avilangaa vaveeye avatumwa, navuzwa sivaveeye ndio mba. Kandi umali konyoora ndi vaveeye vagadi.