1 Vakorintho 11:7 - KITABU KITAKATIFU

⁷ Sigaduukana musaza akuniki mutwi gwigwe lwa asaalaa mba, kigira aveeye ligondo kandi vukumi vwa Nyasaye. Navuzwa umukali aveeye vuzwa vukumi vwu musaza weve.

1 Vakorintho 11:7 ပူးပေါင်းရင်းမြစ်များ

Litanga 3:16

Yahova Nyasaye yavolera mukali, “Inzi ndaameeda uvudinyu kuive muing'inga ya oveeye ninda kandi ndaameeda vuzunu kuyaga goosi mu livula avana. Ulava ni liegomba musaza woovo, kandi alakwamiiha.”

Litanga 5:1

Yaga namita agivisukululwi via Adamu. Lwa Nyasaye yalomba umundu, ya mulomba mulifwana lilie.

Litanga 9:6

Umundu yalombwa kuli lifwana lia Nyasaye, kunangwa mundu woosi wita wundu aliitwa ndio nuwache.

Zaburi 8:6

Ivi wamukola ukwamiiha ku vindu viosi via walomba, kandi wavika vilombe viosi isi wi zinguru zizie,

Tsing'ano 12:4

Mukali mulahi aveeye itaji kandi uvusangari kumusaza weve; navuzwa mukali oletanga zisoni kumusaza weve aveeye kuli vigumba vivie viaguunda.

1 Vakorintho 11:3

Navuzwa nyenya mumanye ndi Kristo aveeye mwimiliri wa vuli musaza, nu musaza aveeye mwimiliri wu mukali weve, kandi, Nyasaye naye aveeye umunene wa Kristo.

1 Vakorintho 11:6

Niiva umukali avula kwevoha ikitambaya ku mutwi gwigwe, ni vulahi avege liisu. Navuzwa kigira ziveeye zisoni ku mukali kovegwa, liisu lilie anoho kovegwa, voveeye vulahi yevohe kitambaya ku mutwi gwigwe.

2 Vakorintho 8:23

Tito aveeye mulina kandi ayinziraa harara ninzi kokoonya munyi; kandi kigira avaamitu vandi vaazaa harara naye yavo, vaveeye avatumwa kutura mu makanisa, kandi valeta uvukumi ku Kristo.

Yakobo 3:9

Kulutumikiraa kusandiza Mwami wiitu kandi Baba, kandi kulutumikiraa kulaama vandu vandi valombwa mu lifwana lia Nyasaye.