1 Vakorintho 11:6 - KITABU KITAKATIFU

⁶ Niiva umukali avula kwevoha ikitambaya ku mutwi gwigwe, ni vulahi avege liisu. Navuzwa kigira ziveeye zisoni ku mukali kovegwa, liisu lilie anoho kovegwa, voveeye vulahi yevohe kitambaya ku mutwi gwigwe.

1 Vakorintho 11:6 ပူးပေါင်းရင်းမြစ်များ

Livalidza 5:18

Maku alaviika mukali uyu imbiri wa Yahova, ma atimbuluri liisu liile, ma aviiki mu makono geege kihanwa chu vuswage keve kuli chi lizuliza, ekeveeye kihanwa chi likendeka. Musaalisi uyu alagumira mu makono geege ibakuli ya mazi gaveeye amalulu agaleetaa kilaamo.

Vikolwa 18:18

Inyima wa yaga, Paolo yaazizagilira komenya na vandu avasuuviraa mu Korinzo madiku manyingi. Inyima yavasivula, naniina mu liato kuzia Siria harara na Berisila na Akwila. Naveeye mu Kengurea, yavega liisu lilie kigira yaali na aviiki lilagana liokwisuuha ku Nyasaye.

1 Vakorintho 11:5

Umundu mukali usaala anoho wilwazaa likuva lia Nyasaye kandi naporofeta nateevohi ikitambaya ku mutwi gwigwe, aleganyia umusaza weve, oveeye mutwi gwigwe. Iliavukana siliveeye hagati hehe nu mukali ovegeywi liisu lilie mba.

1 Vakorintho 11:7

Sigaduukana musaza akuniki mutwi gwigwe lwa asaalaa mba, kigira aveeye ligondo kandi vukumi vwa Nyasaye. Navuzwa umukali aveeye vuzwa vukumi vwu musaza weve.

Kwidzulitsa 22:5

“Avakali vativiika zinguvu zia vasaza mba, kandi avasaza vativiika zinguvu zia vakali kali hakuzu mba, kigira Yahova Nyasaye winyu yasura avandu vakora vindu kuli yivi.