1 Vakorintho 11:32 - KITABU KITAKATIFU

³² Navuzwa kukalagirwa kandi koheevwa amageri kutura ku Mwami kunangwa kulavuli kukalagirwa harara na vandu vumulirova.

1 Vakorintho 11:32 ပူးပေါင်းရင်းမြစ်များ

2 Samweli 7:14

Ndava baba weve, naye alava muyaayi wange. Lwakola uvudamanu, ndamuha amageri kuli baba wumwana ahaanaa mageri ku muyaayi weve.

Zaburi 118:18

Yahova umali kuhaana amageri malulu ku inzi ligali, navuzwa sialeki nguze mba.

Isaya 1:5

Kigira ki muzizagiliraa kwibaala? Mwenya muhevwe mageri kali kuvita. Avandu va Isiraeli mitwi jinyu josi jizuyi zing'oma, kandi mioyo jinyu niziganagani zienyu zilwaaye.

Jeremia 7:28

Ulavavolera ndi, ihiiri yaavo si eveeye ni liitia ku inzi mba, Yahova Nyasaye wavo mba, anoho si veenyanga kwiga kutura ku lihevwa amageri mba. Uvusuuvirifu si vuveeye muvo mba, sivunyala komolomwa ku kali hakuzu mba.

Zefania 3:2

Siliahuliriza Yahova anoho kuvugilira konyoora mageri mba. Si liasuuvira Yahova anoho koteeva vokonyi kutura kuye mba.

Varumi 3:19

Kalunu kumanyi ndi goosi agi Lilaga livolaa, gaveeye ku yavo avamiihangwa ni Lilaga, kunangwa vavuli kuva ni kivuni chukwisayasayira ku, na vandu vosi vanyoore likalagirwa lia Nyasaye.

Varumi 5:16

Kihanwa cha vuzwa zana yiki sikeveeye kuli amakuyu gu vwoni vwu mundu mulala oyo mba. Kigira, likalaga inyima wilihiola lilala lialeta likalagirwa kivi, navuzwa kihanwa cha vuzwa cha Nyasaye yahaana inyima wa mahiolo manyingi, keleetaa uvulungi.

1 Vakorintho 1:20

Aveeye haliha mundu mugeri? Aveeye haliha mung'odi wi Lilaga? Aveeye haliha wamanya vogeri vungingi? Nyasaye umali kumanyia ndi ovogeri vwi lirova yili voveeye uvusiru?

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

1 Vakorintho 11:30

Yiki nicho ikigiraa avanyingi ku munyi muveeye avadedekere kandi avalwaye. Na valala vamali kukuza.

1 Vakorintho 11:31

Navuzwa niiva kunyala kwiganagana kunyi aveene kutanga, si kunyala konyoora amaduywa gi likalagirwa lia Nyasaye mba.

1 Vakorintho 11:33

Kunangwa, avaamitu vange, lwa muvuganaa harara ku lilia ilisavo liu Mwami, sa mulala alindi wache weve.

Kwidzulitsa 8:5

Mwizurizi ndi Yahova Nyasaye winyu alungikizaa kandi ahaanaa mageri ku munyi kuli ahaanaa ku avana veve mageri.

1 Yohana 5:19

Kumanya koveeye avana va Nyasaye, kali avumukivala vosi vaveeye hasi ho vunyali vwa Setani,

Likunula 3:19

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.