1 Vakorintho 11:3 - KITABU KITAKATIFU

³ Navuzwa nyenya mumanye ndi Kristo aveeye mwimiliri wa vuli musaza, nu musaza aveeye mwimiliri wu mukali weve, kandi, Nyasaye naye aveeye umunene wa Kristo.

1 Vakorintho 11:3 ပူးပေါင်းရင်းမြစ်များ

Litanga 3:16

Yahova Nyasaye yavolera mukali, “Inzi ndaameeda uvudinyu kuive muing'inga ya oveeye ninda kandi ndaameeda vuzunu kuyaga goosi mu livula avana. Ulava ni liegomba musaza woovo, kandi alakwamiiha.”

Isaya 52:13

Yahova avoora, “Mutumikiri wange alaguuta mu miyinzi jije midinyu. Alahevwa luyali lonene; kandi alanenehizwa ligali.

Isaya 55:4

Ndaakola Daudi ave mwimiliri kandi munene wi zihiiri ziosi, kandi nimanyia zinguru ziange kuvitira muye.

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Yohana 14:28

Munyi mwahulira lwa ndaamuvolera, ‘Nziza, navuzwa ndirana ku munyi kandi.’ Mulava nimwanyaanza, ngano mwakasangaye kigira nziza ku Baba; kigira aveeye munene ligali kuvita inzi.

1 Vakorintho 3:23

kandi munyi muveeye ava Kristo, na Kristo aveeye wa Nyasaye.

Vafeso 4:15

Mu vogono yivwo, ku limoloma agiligali mu Roho gwu vuyanzi, gakuduukiraa kuviruki mu liiva liosi lia Kristo, oveeye mutwi gwi likanisa.

Vakolosai 1:18

Aveeye mutwi gwu muviri gwigwe, likanisa; aveeye uvutangiliru vwi livamwoyo liu muviri zana. Aveeye Muyaayi watanga kwivulwa, uwasimugukizwa kutura mu likuza, kunangwa oyo yenyine aduuki kuva wu mu vindu viosi.

Vakolosai 2:10

kandi mumali kohevwa uvudukiru vwosi vwi livamwoyo mu Kristo. Aveeye umutwi gwa roho jamiihaa kandi aveeye nuvunyari vwosi.

Vakolosai 2:19

kandi yaleka kolonda Kristo oveeye mutwi gwu muviri. Mu vwimiliri vwa Kristo, muviri gwosi gu gasiziywi nu kuhambanywa harara mu viungu viagwo kandi guvirukaa kuli Nyasaye yenya guviruki.

Vakolosai 3:18

Munyi avakali, mwegehizi ku vasaza vinyu, kigira yaga nigo gamudukira mukore kuli Vakrisitayo mu Mwami.

1 Petro 3:1

Avakali, mwegehizi ku vasaazavinyu kunangwa, niiva mulala kuvo siyasuura, likuva lia Nyasaye, miima jinyu milahi jilamukola asuuviri,