1 Vakorintho 11:2 - KITABU KITAKATIFU

² Kalunu nzizominyaa munyi kigira munzizulizaa kazozo mu vindu viosi, kandi mulonda ligali amigizu ga ndaamuha.

1 Vakorintho 11:2 ပူးပေါင်းရင်းမြစ်များ

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

1 Vakorintho 11:17

Mu miigizu galonda ku yaga, inzi sinzizominyaa munyi mba, kigira lwa mwaganaa harara mu mavugana ginyu kusigamira Nyasaye, mumeedaa kokora vudamanu ligali kuvita kokora vugasu.

1 Vakorintho 11:22

Kigira ki? Simuveeye ni zinyumba zienyu zia muduukana kulia mu nu kunwa? Anoho muloraa ni vulahi ku munyi kolegeriza likanisa lia Nyasaye kandi koleganyia avataveeye navio? Kunangwa mwenya inzi muvoolere ndi? Nzizominyi munyi? Awa! Sindavugilira yaga mba.

1 Vakorintho 15:2

Ivangeri yeyo, niyio makuva gamwilwazira. Mwahonywa kuvitira mu vangeli niiva mwakagigumira vudinyu. Nigataveeye ndio lisuuvira lienyu liveeye vuzwa.

1 Vakorintho 4:17

Yiki nicho kijiri nduma Timateo ku munyi. Aveeye umwana wange muyanze kandi musuuvirifu mu Mwami. Alamwizuliza zinzira ziange zie liiva liange mu Kristo zia inzi nzigiza havundu hoosi mu makanisa goosi.

1 Vakorintho 7:17

Gaduukanaa vuli mundu amenye kolondekana ni kihanwa chu Mwami Yeso Kristo yamuha kandi kuli yaali lwa Nyasaye yamulanga. Yili nilio lilago liange lia nzigiza mu makanisa goosi.

1 Vatesalonike 1:6

Mwiga ku kunyi kandi kutura ku Mwami, kali niiva mwasalirizwa ligali kuvita, mwanyoola likuva nu vusangali kutura ku Roho Mutakatifu.

1 Vatesalonike 3:6

Kalunu Timateo amali kuuza, kutura ku munyi na akovooleeye amakuva malahi gilisuuvira, novuyaanzi vwinyu. Amali kokovoolera kuli mwizulira kunyi kazozo, nu kwekomba kolola kunyi, kuli kunyi kandi kwegomba kolola munyi.

2 Vatesalonike 2:15

Kunangwa avaamitu viitu, singiri vudinyu nu vuluviliri. Mulonde amigizu ga kwamwigiza, nigava ku lilwaza lietu, ku makuva giitu anoho ku ibarwa yitu.

2 Vatesalonike 3:6

Avaamitu viitu, kumulaga mu lieta liu Mwami wiitu Yeso Kristo, mwiyahuli ku avamwavo vosi avamenyi mu liiva liu vugata kandi avatalondaa amigizu ga kwavaha.