1 Vakorintho 11:19 - KITABU KITAKATIFU

¹⁹ Mu giligali, gaduukanaa liavukana live hagati hinyu kunangwa yavo avaveeye vasuuvirifu ku Nyasaye vaduuki kumanyikana havulavu.

1 Vakorintho 11:19 ပူးပေါင်းရင်းမြစ်များ

Matayo 18:7

O, kilaamo keveeye mukivala kigira ivindu vilombaa avandu kokora uvwoni. Amagerizu galaaza, navuzwa kilaamo keveeye ku lirova kigira viveeye mu ivindu vikola avandu kugwa muvwoni. Amagerizu kuli yaga gaaza kazozo, navuzwa kilaamo keveeye ku mundu uyu wa magerizu yaga gaaza kuvitira muye!

Luka 17:1

Yeso yavolera aviigi veve, “Ivindu viu kwikigitariza kandi kolomba avandu kugwa mu vwoni si vinyala kuvula kuuza, navuzwa uvudamanu voveeye ku mundu uviletaa.

Luka 2:35

kuvuula zing'anagani ziavo ziaviswa, kandi vovereri vonene, kuli kivavi chugi, vulatumita mwoyo gugwo ivi mwene.”

Vikolwa 15:5

Navuzwa avalala ku vandu avasuuviraa avaatura ku muganda gwa Vafarisayo, vasingira nivavoora, “Gaduukiraa avandu vi Zihiiri vakevwe; kandi gadukanaa vigizwi kugumira Lilaga lia Musa.”

Vikolwa 20:30

Kali mu munyi valatura mu avandu, avavoora amakuva go vovehi, vaduuki kogotiza avandu nu kuvang'usa vavalonde.

Vikolwa 24:14

Nitali inzi mbugilira yaga imbiri woovo: Inzi sigamira Nyasaye wa avaguuga viitu. Ku lilonda muganda gwa miigizu gumwami Yeso ugwa yavo vavoola sigoveeye gwiligali mba. Navuzwa inzi suuvira vindu viosi viang'odwa mu vitabu vie Lilaga lia Musa kandi vitabu via vaporofeti.

Vikolwa 24:5

“Kunyi kumali konyoora mundu uyu kuva wikivihiri kuvita kegero, umugemehizi mu Vuyuda, mu lirova liosi, kandi mwimiliri munene wu muganda gwa Avanazareti.

Vikolwa 26:5

Vamanyi ku madiku manyingi; kandi nivakayaanzi, vanyara kololekiza, ndi kutura mu litanga ndamenya kuli mulala ku avumuganda mudinyu ligali gwi idini yitu, ndaamenya kuli Vafarisayo.

Vikolwa 28:22

Navuzwa kwegomba kuhulira kutura ku ivi mwene agaveeye mu zing'anagani zizio. Kunyi kumanyi ndi muganda gwa oveeye mu yigu, avandu vaguhangalizaa havundu hoosi.”

Vikolwa 5:17

Maku, Musaalisi Munene na avache veve, avasangi vumuganda gwa Vasadukayo vahene yaho, vakendekera avatumwa ligali.

1 Vakorintho 11:20

Lwa muvuganaa harara kuli muganda, siliveeye ni lilia liu Mwami lia mu liza mba!

2 Vakorintho 12:20

Mbeeye nu vuti ndi gase lwa ndakaaze yeyo, ndakanyoole nimuveeye lugano kutura kuli nyenya munyi muve. Na munyi hawundi mulanyola inzi nindaveeye kuli munyi muganaganaa. Mbeeye nu vuti ndi hawundi ndakanyoole ovolembani, embodoka, uvutima, iliavukana, uvwimani, limonyana, lielora kandi ikivihiri niviveeye hagati hinyu.

Vagalatia 5:20

ukusigamira vifananyi, ovologi, uvusigu, ovolembani, embodoka, uvutima, uvwimani, amahangari, ukwavukana, ukwikala vidieli,

Kwidzulitsa 13:3

mutahuliriza amakuva gu muporofeti oyo, anoho mulooti oyo mba. Yahova Nyasaye winyu atumikiraa mundu oyo kugeriza munyi, kumanya niiva muyanzaa Yahova nu mwoyo gwinyu gwosi kandi na roho jinyu josi.

Tito 3:10

Vandu valeta liavukana, uviganihizi lwu kutanga nulwakaviri, ma olekane navo ligali.

1 Yohana 2:19

Vaatura kukunyi, navuzwa sivali mu lisanga lietu mba. Valava nivaali mu lisanga lietu ngano vamenya ni kunyi. Navuzwa vaatura ku kunyi ku vaduuki kumanyikana havulavu kuva, vosi sivaveeye kukunyi mba.