1 Vakorintho 11:17 - KITABU KITAKATIFU

¹⁷ Mu miigizu galonda ku yaga, inzi sinzizominyaa munyi mba, kigira lwa mwaganaa harara mu mavugana ginyu kusigamira Nyasaye, mumeedaa kokora vudamanu ligali kuvita kokora vugasu.

1 Vakorintho 11:17 ပူးပေါင်းရင်းမြစ်များ

Tsing'ano 27:5

Ni vulahi kugaya mundu havulavu kuvita koleka aganagane ndi siumuhendera mba.

Kyavalevi 19:17

“Mutadunyiri avamwavo vinyu mumwoyo mba, navuzwa mugaye havulavu kunangwa muvuli kokora uvwoni kigira oyo.

Varumi 13:3

Avamihi sivaleeta litihiza ku vandu valahi mba navuzwa vatihiza vandu vadamanu. Wakayaanzi uvuli kuva nuvuti nayavo vamiiha? Maku okole gaveeye malahi, navo valakwizominya,

1 Vakorintho 11:2

Kalunu nzizominyaa munyi kigira munzizulizaa kazozo mu vindu viosi, kandi mulonda ligali amigizu ga ndaamuha.

1 Vakorintho 11:20

Lwa muvuganaa harara kuli muganda, siliveeye ni lilia liu Mwami lia mu liza mba!

1 Vakorintho 11:22

Kigira ki? Simuveeye ni zinyumba zienyu zia muduukana kulia mu nu kunwa? Anoho muloraa ni vulahi ku munyi kolegeriza likanisa lia Nyasaye kandi koleganyia avataveeye navio? Kunangwa mwenya inzi muvoolere ndi? Nzizominyi munyi? Awa! Sindavugilira yaga mba.

1 Vakorintho 11:34

Na niiva umundu woosi aveeye ninzara, gamudukira alie yengo weve gase livugana lienyu liladuuka ku likalagirwa na Nyasaye. Navuzwa kolondekana na makuva gandi gatigaye, ndakamwigizi lwa ndakaaze yaho.

1 Vakorintho 14:23

Niiva likanisa liosi lilavugana harara, maku vandu vosi vatange komoloma mu zinimi zing'eni; kandi niiva vandu vageni valaza kutura ichova, anoho vandu vatasuuvira, valavoora ndi munyi vosi muveeye avalalu.

1 Vakorintho 14:26

Kunangwa avaamitu vange, yaga nigo gamboolaa. Lwa muvugana harara kusaala, mulala yimbi ulwimbu, wundi ave ni kindu cha yigiza, wundi ave ni likuva kutura ku Nyasaye, wundi atumikiri kihaanwa cho komoloma mu zinimi zing'eni, na wundi agirung'anyie gavoolwa mu zinimi. Ivindu yivi viosi kuduuka vikoonye mu liumbaka likanisa.

Vahebraina 10:25

Kutaleka mwimwa yigwo gwu kuvugana harara aveene naveene, kuli vandi vakora. Navuzwa mugende kudinyirizane mulala nuwache ligali, kigira kuli muloraa ndi Lidiku liu Mwami liveeye ahimbi.

1 Petro 2:14

Mwegehizi kandi ku vamiihi avatovolwa nu Mwami kuhaana amageri ku yavo avakolaa uvudamanu, kandi mwizominye yavo avakolaa uvulahi.