1 Vakorintho 10:32 - KITABU KITAKATIFU

³² Mu liiva lienyu liosi, mutikigitalizi mundu woosi mba. Kali vave Avayuda anoho vandu vizihiiri anoho vaveeye mu likanisa lia Nyasaye.

1 Vakorintho 10:32 ပူးပေါင်းရင်းမြစ်များ

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Vikolwa 24:16

Ku yaga, nzidinyirizaa kazozo mbula nduuki kuva numwoyo kandi ni zing'anagani zitali nimbala imbiri wa Nyasaye kandi imbiri wa avandu.

Varumi 14:13

Kunangwa, kutakalagira vandu vandi mba. Navuzwa mu vogono yivwo, kuduuka mutovole kuvula kokora kindu kinyala kolomba amwavo woovo yikigitali anoho agwi muvwoni mba.

1 Vakorintho 1:2

Kong'oderaa munyi avaveeye likanisa lia Nyasaye mu lidaala lia Korinzo, kandi ku vosi avalangwa kuva avandu vatakatifu va Nyasaye, avaveeye veeve mu lihambanywa harara na Kristo Yeso, harara na vandu vosi hoosi havundu hoosi vasigamira Mwami wiitu Yeso Kristo, Mwami wavo kandi mwami wiitu:

1 Vakorintho 10:33

Mukore kuli inzi ngolaa. Ngerizaa kuyaanziza avandu vosi mu vindu viosi vaangora vugira kweyenyera lizominywa, navuzwa lizominya lia vosi, kunangwa vosi vanyoore ovohonyi kuli inzi.

1 Vakorintho 11:22

Kigira ki? Simuveeye ni zinyumba zienyu zia muduukana kulia mu nu kunwa? Anoho muloraa ni vulahi ku munyi kolegeriza likanisa lia Nyasaye kandi koleganyia avataveeye navio? Kunangwa mwenya inzi muvoolere ndi? Nzizominyi munyi? Awa! Sindavugilira yaga mba.

1 Vakorintho 12:28

Nyasaye yatovola mundu sa mulala mu likanisa mu vwiyangu vwivwe. Mu vwiyangu vwukutanga, yatovola avatumwa, mu vwiyangu vwakaviri na vaporofeti vakavaga na avigizi; maku nalondiza ku vayinziri vi kihanwa chu kokora vilolekizu; kandi yalondiza ku yavo vahevwa izingulu zio kohonyia, anoho kokoonya vandi na viimiliri, kandi yavo vamoloma mu zinimi zing'eni.

1 Vakorintho 15:9

Inzi mbeeye mukekeke ligali ku vatumwa utadukanaa kulangwa mutumwa, kigira ndadambiza likanisa lia Nyasaye.

1 Vakorintho 7:17

Gaduukanaa vuli mundu amenye kolondekana ni kihanwa chu Mwami Yeso Kristo yamuha kandi kuli yaali lwa Nyasaye yamulanga. Yili nilio lilago liange lia nzigiza mu makanisa goosi.

1 Vakorintho 8:13

Kulwa yaga, niiva chukulia nicho kelombaa amwavo wange kokora vwoni, sindalia inyama kandi mba, gase ndakora amiitu kokora vwoni.

2 Vakorintho 1:1

Inzi Paolo, mutumwa wa Kristo Yeso mu vulaliri vwa Nyasaye, na amiitu wiitu Timateo, kong'oderaa munyi likanisa lia Nyasaye mu Korinzo, kandi ku Vakrisitayo vosi avaveeye mu kivala choosi cha Akaya.

2 Vakorintho 6:3

Kunyi sikwenyaa mundu woosi anyoore mahiolo mu miyinzi jietu mba; sikwenyaa kuviika ikindu chu kwikigitariza mundu woosi mba.

Vagalatia 1:13

Munyi mwamala kovolerwa kuli ndamenya kale lwa ndaali nindagumira lisuuvira lia Vayuda, kandi kuli ndavambaliza likanisa lia Nyasaye vugira ku livererera, kandi ningora goosi aga ndaanyaliza kulidiviza ligali.

Vafilipi 1:10

kunangwa muve avanyala kotovola ivindu viveeye ivilahi ligali. Maku mulava vavoholore kandi avataveeye nimbara yoosi ku Lidiku lia Kristo.

Vafilipi 3:6

kandi ndaali nu uvugulu mu lidambiza likanisa ligali neembodoka. Kolondekana ni imiima ju vulungi vwi Lilaga, inzi sindanyoolwa ku nimbala kali hakuzu mba.

1 Vatesalonike 2:14

Avaamitu viitu, vindu vilala viele viekoleka ku munyi kuli viekoleka ku makanisa ga Nyasaye agaveeye mu Vuyuda, ku avandu vaveeye yo avaveeye va Kristo Yeso. Munyi kandi mwadambizwa lidambizwa lilala liere kutura ku vandu vi kivala chiinyu aveene, kuli vadambizwa kutura ku Vayuda;

Ruth 3:14

Kunangwa Ruzi yagona havirenge via Boazi kuduuka mugamba. Navuzwa yavuka mugambazuri vulavu ni vukikiri kuvaho vwu mundu atamanyira wundi mba, kigira Boazi siyenya mundu woosi amanye ndi, mukali uyu yaali koloze mba.