1 Vakorintho 10:22 - KITABU KITAKATIFU

²² Anoho ilienya lietu liveeye ndi kokole mwami akendeke, kunyi si koveeye ni zinguru kumuvita mba.

1 Vakorintho 10:22 ပူးပေါင်းရင်းမြစ်များ

1 Avami 14:22

Avandu vi Ivuyuda vaakora vwoni vunyingi ligali kandi nivavuukiza vutima vwa Yahova kuvita avaguuga vosi vaali nivakora.

Ayubu 9:4

Nyasaye aveeye mugeri kandi aveeye wi zinguru. Nivwaha unyala kuhing'ana na Nyasaye ma aguuti?

Zaburi 78:58

Vaavihiliriza Nyasaye nuvwaali vwavo vwu kusigamira misambwa, kandi vamukendekiza nivifananyi viavazwa viavo.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Kutwula 34:14

“Mutasigamiri umunyasaye wundi mba kigira Inzi, Yahova, mbeeye Nyasaye wokokendeka.

Kohelethu 6:10

Vuli kindu choosi chekoleka chaali ni chalohizwa kale, kandi kumanyi vulahi ndi mundu sianyala kuhangala nu mundu oveeye ni zinguru kumuvita mba.

Isaya 45:9

Yahova avoora, “O, kivi keveeye ku uyu uhing'anaa nu mulombi weve! Aveeye kuli lidohi lio kolonga inyingu mu makono gwu mulongi! Lidohi linyala koteeva mulongi, ‘Olomba kindiki?’ Anoho inyingu inyala kovoolera mulongi ndi, ‘Miyinzi jije sijiveeye milahi mba?’ ”

Jeremia 44:8

Kigira ki mungolaa nimba nu vutima ku Lisigamira vifananyi kandi ku lihaana visiuviliru ku avanyasaye vandi mukivala cha Egebeti, havundu ha muuzi komenya? Mukoraa yaga kunangwa muduuki kwidiviza munyi aveene, kandi vuli ihiiri ku lirova iduuki kumukolera kehenyahenye kandi kutumikira lieta lienyu kuli kilaamo?

Jeremia 7:19

Navuzwa inzi niyee wavasinyikizaa? Awa, visinyikizaa aveene kandi vivikaa aveene muzisoni.

Ezekieli 22:14

Na musuuviraa mulazizagilira kuva nuvuluviliri anoho mulava ni zinguru mulidiku lia namudivizi? Inzi Yahova mali kovora kandi ndakakole ndio.

Zefania 1:18

Ku lidiku yilio lwa Yahova alakamanye vutima vwivwe vululu, kali zifeza ni zizahabu ziavo ziosi sizilakavahonye mba. Muliru gwu vutima vwivwe gu lakadivizi kivala choosi. Nonoho alakaleete keheri ku vuli mundu woosi omenyi ku lirova.

Kwidzulitsa 32:16

Lisigamira vanyasaye vandi liakendekiza Yahova, vudamanu vwavo vwakola Nyasaye kuva nu vutima.

Kwidzulitsa 32:21

Harara nifananyi viavo, vamali kongola mbe nu vutima, vamali kungola kokendekela vanyasaye vaavo vanyasaye vataveeye vagiligali kunangwa, ndatumikira ihiiri kuvakola vave nu vutima, Ndavakora vandekele ihiiri yavandu vasiru.

Kwidzulitsa 4:24

kigira Yahova Nyasaye winyu aveeye kuli muliru gusambaa. Aveeye Nyasaye we likendeka.

Kwidzulitsa 6:15

Nimusigamira avanyasaye vandi, uvutima vwa Yahova vulaaka ku munyi kuli muliru na gulamudiviza ligali, kigira Yahova Nyasaye winyu oveeye hagati hinyu siavugiliraa vandu vahing'ana naye mba.

Vahebraina 10:31

Keveeye kindu chu kutihiza ligali kugwa mu makono ga Nyasaye oveeye mwoyo.

Joshua 24:19

Joshua yavolera avandu zana, “Navuzwa mutaganagani ndi voveeye vodoto kutumikira Yahova mba. Aveeye Nyasaye Mutakatifu. Yenya mumusigamiri yeng'ine. Niiva musigamira avanyasaye vandi, sialamusamiiha uvwoni vwinyu mba.