1 Vakorintho 10:13 - KITABU KITAKATIFU

¹³ Magerizu ga mwanyoola gaveeye ga kazozo ku vandu. Navuzwa Nyasaye aveeye umusuuvirifu kulinda lisuuviriza lilie, naye sialamuleka mugerizwe kuvita zinguru zie liekuzira lienyu mba; ing'inga ya magerizu, alamuha vunyali vwu kwikuzira kugo, kandi inzira yukwilukira mu.

1 Vakorintho 10:13 ပူးပေါင်းရင်းမြစ်များ

Zaburi 124:7

Kunyi kohoni kuli linyonyi kutura mu vuginga vwu mutegi; mutego guvuniki na kunyi koohoni.

Zaburi 125:3

Avachamu sivalaamiiha kazozo kivala chavalungi mba, niiva vakakoli ndio, avalungi zana vanyara kokora uvudamanu.

Zaburi 36:5

O, Yahova, vuyanzi vuvwo vutaveeye nekeheri vuduuka mwigulu, na uvusuuvirifu vuvwo vuduuka ku malesi.

Zaburi 89:33

Navuzwa inzi sindaleka kuvula kuyaanza Daudi anoho kuvula kuduukiza lisuuviriza liange kuye mba.

Kutwula 3:17

Mali kotovola ndi ndamuleeta kutura mu kivala cha Egebeti wavadambizirwa, nukuvahila mu kivala keveeye kitugi kandi kenoru, kivala cha vandu va Kanaani, Hiti, Hivi, Vajebusi, Amori, na Perizi.

Isaya 11:5

Alamiiha avandu veve nuvulungi kandi nu vusuuvirifu.

Isaya 25:1

O, Yahova, Ivi oveeye Nyasaye wange; Ndakuha uluyali nukukwizominya. Ivi umali kokora vindu viokogenyia; ivi musuuvirifu umali kuduukiza lilohiza liilio liawalomba kale.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Jeremia 12:5

Yahova yavoola, “Jeremia, niiva uluha kunyagula na vandu vizimbiru, unyala ndi kunyagula nizibarasi? Niiva siunyala kusingila mukivala kilahi, nunyalizindi mumulitu gwa Jorodani?

Jeremia 29:11

Inzi manyirizi ligali lilohiza liange ku munyi, lilohiza lie zing'anagani zindahi, zitaveeye zindamanu mba; lilohiza liu kuhaana ligasizwa kandi lisuuvirizwa mu ing'inga yizaa.

Lisyoma lya Jeremia 3:23

voveeye vuhia vuli mugamba; vusuvirifu vwivwe voveeye vonene ligali.

Danyeli 3:17

Niiva Nyasaye wakusaala aveeye nu vunyali kokohonyia kutura mu kisambiru cho lomemo lwu muliru kandi kutura ku vunyali vuvwo, maku alakola ndio.

Hosea 2:20

Ndamukora muve avandu vange mu vusuuvirifu kandi mulamanya ndi Inzi mbeeye Yahova.

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Luka 11:4

Ukusamihi vwoni vwitu uli kusamiiha avakwoneraa. Utakuhila mumagerizwu mba ...’ ”

Luka 16:26

Komeeda ku yaga goosi, olohongo lonene loveeye hagati hiitu ni munyi, kunangwa yavo vosi avenyaa kuuza winyu kutura yinu sivanyala, kandi avu winyu sianyala kuza wiitu yinu mba.’

Luka 22:46

Yavateva, “Kigira ki mugonaa? Vuki musaale, ndi, muvuli kwingira mu ligerizwa mba.”

Vikolwa 27:44

na avandi valonde ku nivagumiyi ku zimbaho anoho ku vidonye viemeri yaali nivunikani. Nandio kunyi kwosi kwaduka vulahi ku lujinga.

1 Vakorintho 1:9

Nyasaye aveeye musuuvirifu, wamulanga muve mu lisanga liu Mwana weve Yeso Kristo, Mwami wiitu.

2 Vakorintho 1:10

Nyasaye yakohonyia kutura mu vuhimwa vonene ligali vwi likuza, kandi alakohonyia; kunyi kumali kuviika lisuuvirizwa lietu muye ndi alahonyia kunyi kandi,

Kwidzulitsa 7:9

Kunangwa mwizurizi ndi Yahova Nyasaye winyu aveeye Nyasaye; Nyasaye oveeye, musuuvirifu; udukiza lilagana lilie nukuhaana zimbavasi zitaveeye nekeheri ku vandu vamuyanzaa kandi avahulira. Amakuva geege gakuduukaa ku makura zielefu.

1 Vatesalonike 5:24

Uyu ulangaa munyi aveeye musuuvirifu alakola ndio kigira aveeye musuuvirifu.

2 Vatesalonike 3:3

Navuzwa Mwami aveeye musuuvirifu kandi alamuha izingulu nu kumulinda vulahi ku Mudamanu oyo.

Vahebraina 10:23

Gendi kugumiri vudinyu lisuuvira lietu vugira lihayahaya, kigira Nyasaye walomba lilagana yili aveeye musuuvirifu.

Vahebraina 11:11

Kigira lisuuvira Sara yanyoora zinguru zio kovereka mwana kali niyaali wi mihiga minyingi; kigira yasuuvira ndi Nyasaye, wamusuuviriza, aveeye musuuvirifu kutwekiza indagano yeeye.

Vahebraina 12:4

Mu lihandalala kuguuta vwoni, mukikiri kulwaana nukuhingira vwoni kuduuka ku kika chu kwitwa;

Vahebraina 6:18

Kunangwa koveeye ni vindu viviri; lisuuvirizwa ni liesuuha ivitanyala kugirung'ana, kandi Nyasaye avula kovora vovehi kulio. Kunangwa kunyi avakumali konyoora mirembe naye kuzuvwa ligali kugumiri vudinyu lisuuvirizwa liviikiywi imbiri wiitu.

1 Petro 4:19

Yavo avasaaliraa kigira uvulariri vwa Nyasaye, gavadukiraa vihaane ku mulombi wavo musuuvirifu kandi vazizagiliri kokora vulahi.

2 Petro 2:9

Kulwayago, Mwami amanya kuli anyala kohonyia avandu valungi kutura mu ligerizwa liavo, nu kuhaana mageri ku vandu, vachamu kuduuka Lidiku lie Likalaga,

1 Yohana 1:9

Niiva kuliyama uvwoni vwitu, Nyasaye aveeye musuuvirifu kandi mulungi, na alakusamiiha uvwoni vwitu kandi alakutakasa kutura ku vuchamu vwosi.

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 3:10

Kigira walinda lilaga liange nuwikuzira ndakulinda mu ing'inga yo kogerizwa yiza ku lirova liosi kogeriza yavo avamenyaa mulio.

1 Samweli 29:10

Kunangwa, Daudi, mugambazuri, munyi mwosi avamwaleka Saolo nu kuuza ku inzi kuduuka muvuki mumavwevwe kandi muturi muzie lwa isi ilava.”