1 Vakorintho 10:11 - KITABU KITAKATIFU

¹¹ Kunangwa vindu yivi viosi viekoleka kuvo niviva kuli chukwiganihiza ku kunyi. Kunyi komenyi mu ing'inga lwi keheri keveeye ahimbi kuduuka.

1 Vakorintho 10:11 ပူးပေါင်းရင်းမြစ်များ

Litanga 19:35

Kunangwa vudiku vwene yivwo, vamuha iwaini ma nahambika ligali. Mukaana muke yaali harara naye, navuzwa yaali muhambiku ligali na si yamanyiriza cha yakola mba.

Zaburi 102:18

Ong'odere amakura gaaza cha Yahova amali kokora kunangwa avandu vakikiri kwivulwa valakamwizominye.

Ezekieli 5:15

“Munyi mulava mu manyego kandi mu likolerwa kehenyahenye, mu lieganihizwa kandi kindu chukutiihiza ku zihiiri ziveeye ahimbi na munyi lwa mbana amageri ku munyi mu vutima vwange kandi nu muligondoka.

Matayo 13:39

Musigu wamiiza mavanze ni Setani. Ligesa liveeye keheri chi lirova, na avagesi ni zingelosi.

Matayo 13:40

Kuli mavanze gavungizangwa harara ma gasambwa nu muliru, galava ndio mu keheri chi ing'inga yiyi.

Varumi 13:11

Kuduuka mukore ndio, kigira mu manya ndi ing'inga imali kuduuka ya munyi muvuuka mu zindoolo zienyu. Ovohonyi vwitu voveeye ahimbi ligali ku kunyi kuvita lwa kwatanga kusuuvira.

Varumi 13:12

Uvudiku vufezaa ligali, nu muvasu goveeye ahimbi. Kunangwa leki kuviiki ihale vikolwa vie kisundi, na kuvuguli viuma viu kulwaana mu vulavu.

Varumi 15:4

Vindu viosi iviang'odwa mu Mang'oda Matakatifu viang'odwa kwigiza kunyi, kuduuki kuva nilisuuvirizwa kuvitira mu liekuzira ni lizuvwa lia Mang'oda Matakatifu gakoheezaa.

Varumi 4:23

Navuzwa amakuva, “Yaavugilirwa kuva mulungi” si gang'odwa kigira oyo yenyine mba.

1 Vakorintho 10:6

Yaga goosi gaveeye ekelolero ku kunyi kukwiganihiza kunangwa kuvuli kwegomba kokora uvudamanu kuli yavo vaakora,

1 Vakorintho 7:29

Avaamitu, aganyenyaa kovora ni yaga: keheri keveeye ahimbi. Kutura kalunu yavo avaleetaa vakali vamenye kuli vakikiri koleta.

1 Vakorintho 9:10

Si yaali naganagana kigira kunyi ligali lwa yavoola yaga? Yee, yaga gaang'oderwa kunyi. Uyu ulimaa, kandi uyu ogesaa gavadukiraa vakole imiyinzi jaavo ni lisuuvira ndi valanyora kegero ku viamo vie vitagwa zana.

Vagalatia 4:24

Vindu yivi ni livaala liu musi ligali. Avakali vaviri yava vaveeye chokololera ku ichaagwa malagano gaviri. Oyo uwa avana veve viivulwa mu vutugwa ni Hagari, na aveeye mu vogono vwi lilagana lialombwa ha kiguru cha Sinai.

Vafilipi 4:5

Leki ovohocha vwinyu vumanyikane ku avandu vosi. Mwami yaazaa vwangu.

Vahebraina 10:25

Kutaleka mwimwa yigwo gwu kuvugana harara aveene naveene, kuli vandi vakora. Navuzwa mugende kudinyirizane mulala nuwache ligali, kigira kuli muloraa ndi Lidiku liu Mwami liveeye ahimbi.

Vahebraina 10:37

Mang'oda Matakatifu gavoora, “Itigaaye ing'inga engekeeke vuzwa, kandi uyu uzaa alaza kandi sialalindagilira mba.

1 Yohana 2:18

Avana vange, ing'inga ye keheri eveeye himbi; kandi kuli mwahulira umusigu wa Kristo yaazaa; kali kalunu avasigu va Kristo avanyingi vamali kololeka, ku yaga kumanya ni ing'inga ye keheri eveeye himbi.