1 Vakorintho 1:8 - KITABU KITAKATIFU

⁸ Oyo alamudinyiriza muve ni zinguru mu lisuuvira kuduuka ku keheri, muduuki konyooleka vugira imbara ku Lidiku lie likalagirwa liu Mwami wiitu Yeso Kristo.

1 Vakorintho 1:8 ပူးပေါင်းရင်းမြစ်များ

Zaburi 37:17

kigira Yahova alatuliza zinguru ku avadamanu, navuzwa alanenehiza yavo avaveeye avalungi.

Zaburi 37:28

Yahova ayaanza likalaga lirungi kandi sialekaa avasuuvirifu veve mba. Alavalinda mihiga ni mihiga. Navuzwa avandu vadamanu alavatuliza mu kivala cha avasuuvirifu.

Luka 17:24

Kigira kuli loheni lohemahemaa lovega lulala muvwerefu malwaaka lovega Lundi, nindio Mwana wa Adamu aliva lidiku lilie liu kuuza.

Luka 17:30

Nindio galiva kandi lidiku liu Mwana wa Adamu aliloleka mu vukumi.

Varumi 14:4

Ivi nivwaha uluviliraa kukalagira vatumikiri vu mundu wundi? Nivasingira anoho nivagwa, gaveeye ku Mwami wavo mwene. Valasingira vudinyu, kigira Mwami aveeye ni zinguru kuvakola vasingiri.

Varumi 16:25

Leki kuhaane vukumi ku Nyasaye! Anyala kudinyiriza munyi mu lisuuvira lienyu, kolondekana makuva malahi ga nzilwazaa kigira na makuva ga Yeso Kristo kandi kolondekana ni livuulwa lia giligali, gimbisu agaali nigaviikwa makiriri mu zing'inga zie mihiga minyingi jaavita.

Varumi 8:19

Vindu viosi via Nyasaye yalomba vilindilira nuvuha vonene ndi, Nyasaye avuri avana veve.

1 Vakorintho 3:13

Uvulahi nuvuduukiru vwi miyinzi ja vuli mundu, vulaloleka lwi Lidiku lia Kristo liliduuka Lidiku yilio muliru gulakavuuli miyinzi ja vuli mundu; kandi muliru gulakagerizi vulahi vwi miyinzi ja vuli mulala yakola.

1 Vakorintho 5:5

gamudukira muhaane mundu uyu ku Setani. Na ndio iliiva lilie liu vwoni liduuki kwononywa, kandi umwoyo gwigwe guduuki kohonywa ku Lidiku lie likalagirwa liu Mwami wiitu Yeso.

2 Vakorintho 1:13

Kunyi kumung'oderaa vindu via munyala kosooma kandi kumanyiriza; mbeeye ni lisuuvira ndi mulamanyiriza ivindu yivi vulahi ligali

2 Vakorintho 1:14

kuli mumali kumanyiriza kunyi hakekeke vuzwa, ndi munyala kwekonya kigira kunyi kuli kunyi kunyala kwekonya kigira munyi, ku Lidiku lie liza liu Mwami wiitu Yeso.

2 Vakorintho 1:21

Ni Nyasaye mwene okolaa kunyi harara ni munyi kusingira vudinyu mu lihambanywa harara na Kristo; ni Nyasaye mwene wakuviika halovega ukuvakaa maguta;

Vafeso 5:27

aduuki kwenyolera likanisa liu vukumi litaveeye nimbara anoho makunya anoho kindu kidamanu kuli yivi.

Vafilipi 1:10

kunangwa muve avanyala kotovola ivindu viveeye ivilahi ligali. Maku mulava vavoholore kandi avataveeye nimbara yoosi ku Lidiku lia Kristo.

Vafilipi 1:6

Mbeeye ni lisuuvira ligali ndi Nyasaye watanga miyinzi milahi yiji mu munyi, alazizagilira najo kuduuka ajitwekizi ku Lidiku lia Kristo Yeso.

Vakolosai 1:22

Navuzwa kalunu umali kumuhambanyia kuvitira mu likuza liu Mwana mu muviri gwinyama ya Kristo, kigira likuza lio Mwana weve aduuki kumuleeta imbiri weve avatakatifu, avataveeye nelihiolo kandi avatali nimbara kuye.

Vakolosai 2:7

musingiri vudinyu, kandi mwumbakwe muye, nu kuvikwa zinguru mu lisuuvira lienyu, kuli mwigizwa. Muve kandi ni lisandiza linyingi.

1 Vatesalonike 3:13

Munzira yiyi alamudinyiriza na munyi mulava avadukiru vatakatifu imbiri wa Nyasaye wiitu kandi Baba wiitu lwu Mwami wiitu Yeso yaza harara na vandu veve valungi vosi.

1 Vatesalonike 5:2

Munyi aveene mumanya vulahi ndi Lidiku liu Mwami lilakaze kuli mwivi yaazaa vudiku.

2 Vatesalonike 2:2

muvuli kogoyaanywa vwangu muziganagani anoho kohendizwa umwoyo ni livoora lia vandu ndi Lidiku liu Mwami limali kuduuka. Hawundi gaganaganwa ndi kwavoola yaga lwa kwilwazaa anoho kwaporofetaa; anoho lwa kwaling'oda mu ibarwa.

2 Vatesalonike 3:3

Navuzwa Mwami aveeye musuuvirifu kandi alamuha izingulu nu kumulinda vulahi ku Mudamanu oyo.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

2 Petro 3:10

Lidiku liu Mwami lilakaze kuli umwivi. Ku Lidiku yilio, ligulu lilatulizwa ho nu mufuumu munene. Ni miviri josi ju mwigulu jilasaambwa nu kudivizirwa mu muliru munene; lirova ni vindu vialio viosi vilasambwa.

2 Petro 3:14

Kunangwa, avalina vange, lwa mukilindilira Lidiku yilio, mukore zinguru ligali muve avasereze, vugira imbara imbiri wa Nyasaye kandi muve ni mirembe naye Nyasaye.