1 Vakorintho 1:7 - KITABU KITAKATIFU

⁷ kunangwa muvuli kogehera kihanwa cha Roho lwa muva nimulindiliraa liloreka liu Mwami wiitu Yeso Kristo.

1 Vakorintho 1:7 ပူးပေါင်းရင်းမြစ်များ

Litanga 49:18

“Inzi nindiliraa ovohonyi vuvwo O, Yahova.

Matayo 25:1

“Ku ing'inga yeyo Uvwami vwu mwigulu vulakave kuli vakana avagima likomi avaavugura zitaya ziavo nivazia kwaganira oyo osereraa umwiha.

Luka 12:36

Muve kuli avatugwa valinda Mwami wavo kutura mu kiselero, kunangwa lwa yirana ma yigulizi, valamwigulira vwangu.

Luka 17:30

Nindio galiva kandi lidiku liu Mwana wa Adamu aliloleka mu vukumi.

Varumi 8:19

Vindu viosi via Nyasaye yalomba vilindilira nuvuha vonene ndi, Nyasaye avuri avana veve.

Varumi 8:23

Si viveeye vindu viosi vienyine ivikenyaa nilizunwa; navuzwa kali kunyi ava koveeye na Roho oveeye kuli vihaanwa via Nyasaye viukutanga. Kokenya aveene musi, nikulindirira Nyasaye akokole avana veve, kandi akovoholore mu liiva lietu liosi.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Vakorintho 12:13

Ni kindiki cha mwagehera ligali kuvita amakanisa gandi nitali vuzwa inzi mwene sindamukubiza kivi kumuteeva mabese? Nimuyaanza mumbeere zimbavasi ku vudamanu yivu!

Vagalatia 5:5

Navuzwa, ku lisuuvira, kulindilira nu vuha kuvitira mu roho, vulungi vwi lisuuvirizwa.

Vafilipi 3:20

Nitali, kunyi, koveeye avuluhia lwu mwigulu, kandi kulindiliraa Umuhonyi wiitu, Mwami Yeso Kristo, ni liegomba linene yaaze kutura mwigulu.

Vakolosai 3:4

Kristo aveeye livamwoyo lienyu liagiligali, kandi lwa liloleka, ahene yaho munyi mulakaloleke harara naye, mu uvukumi vwivwe.

1 Vatesalonike 1:10

kandi kulindilira Mwana weve kutura mwigulu naye ni Yeso, wa yasimugukiza kutura mu vakuzu, ohonyia kunyi kutura mu vutima vwa Nyasaye vuzaa.

2 Vatesalonike 1:7

navuzwa munyi avakubizangwa ikivi mulanyola ovososi ni lielemereriza, kandi ku kunyi ndio. Alakola ndio lwu Umwami wiitu Yeso alolekaa kutura mwigulu harara ni zingelosi veve avizingulu,

Tito 2:13

lwa kulindiliraa lidiku liu uvugasu, lia kwasuuvirizwa liu vukumi vwa Nyasaye munene kandi Muhonyi wiitu Yeso Kristo liliduuka.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

1 Petro 1:13

Kunangwa mwetegeke mu zing'anagani zienyu ku vikolwa mwilindi vulahi; kandi muviiki lisuuvira lienyu ku zimbavasi zia muliheevwa ulwa Yeso Kristo aliloleka.

1 Petro 4:13

Nitali musangare kulwo kuva avasangi mu vusaliri vwa Kristo kunangwa muduuki kwizura uvusangari kuvita kegero, lwu uvukumi vwivwe vu liloreka.

1 Petro 5:4

Mwayi mwene aliloleka, mulakanyoole itaji yu vukumi ilivula kogotiza vwaku vwayo.

2 Petro 3:12

nimulindiliraa Lidiku lia Nyasaye kandi mukore vulahi kulilomba liduuki vwangu. Ku Lidiku yilio, ligulu lilakasambwe nu kudivizwa, ni vindu vialio viosi vilasaluluki no lomemo lonene.

1 Yohana 3:2

Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.

Yudasi 1:21

Mumenye mu vuyanzi vwa Nyasaye, ni mulindiliraa liu Mwami wiitu Yeso Kristo muzimbavasi amuhe ilivamwoyo lie mihiga ni mihiga.