1 Vakorintho 1:6 - KITABU KITAKATIFU

⁶ Lilolekiza lie likuva lia Kristo limali kudinyirizwa ligali mu kunyi

1 Vakorintho 1:6 ပူးပေါင်းရင်းမြစ်များ

Marko 16:20

Aviigi vazia kwilwaza muvivala viosi. Mwami yayinzira harara navo, nadinyiriza amakuva gaavo ni vilolekizu vialondekana navo.]

Vikolwa 11:17

Niiva Nyasaye umali kuhaana ku avandu vi Zihiiri zindi kihanwa yicho cha yahaana ku kunyi lwa kwasuuvira ku Mwami Yeso Kristo, inzi nivwaha uhing'ana na Nyasaye?”

Vikolwa 11:21

Zinguru ziu Mwami Nyasaye ziali harara navo, na avandu vanyingi vasuuvira nivagirung'ana kuzia ku Mwami Yeso.

Vikolwa 18:5

Lwa Sila na Timateo virana kutura Makedonia, Paolo yatumikira vwiyangu vwivwe vwosi ku lilwaza, niyivaalira Avayuda ndi Yeso niyie Mesia.

Vikolwa 20:21

Ndiganihiza avandu vosi Vayuda, na vandu vi zihiiri, viganiri ma viirane ku Nyasaye, nu kusuuvira Mwami wiitu Yeso Kristo.

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vikolwa 22:18

Ndaalora Mwami niyambolera, ‘Kola vwangu! Tula mu Jerusalemi zimbiru, kigira avandu va hano sivalavugilira lilolekiza liilio ku inzi mba.’

Vikolwa 23:11

Uvudiku vwalonda ku; Mwami Yeso yasingira himbi na Paolo navoora, “Uleme mwoyo, kandi uluviliri; kigira kuli ulolekizi inzi mu Jerusalemi ulandolekiza kandi mu Rumi.”

Vikolwa 28:23

Kunangwa valagana naye lidiku liu kuvugana, na avandu avanyingi ligali vaduuka kuye aha yamenya. Kutura mugamba kuduuka mugolova, Paolo yavivaalira nu kuvavuulira amakuva gu Vwami vwa Nyasaye, nageriza kuvakola vavugiliri amakuva ga Yeso ku litumikira Lilaga lia Musa na amang'oda ga avaporofeti.

Varumi 15:19

kuzinguru zie vilolekizu ni viokogenyia, harara ni zinguru zia Roho Mutakatifu. Kunangwa, mu ligenda hoosi, kutura Jerusalemi kuduuka Iliriku, mali kwilwaza makuva malahi goosi ga Kristo.

2 Vakorintho 12:12

Vilolekizu vinyingi kandi agokogenyia manyingi ga havulavu galolekizaa ndi inzi mbeeye mutumwa wagiligali, viekoleka hagati hinyu nu vwikuziri vunyingi.

Vagalatia 3:5

Nyasaye ohezaa munyi Roho, kandi okolaa vilolekizu hagati hinyu, akolaa vindu yivi viosi kigira mulonda agi Lilaga lienyaa, anoho kigira muhulira Ivangeri nu kugasuuvira?

2 Vatesalonike 1:10

Lwa aliiza ku Lidiku yilio konyoora uvukumi kutura ku vatakatifu veve, harara nu luyali kutura ku yavo vosi avasuuviraa, munyi kandi mulakave harara naye kigira mwamala kusuuvira amakuva ga kwamuvolera.

Likunula 1:2

Yohana yilwaza likuva lia Nyasaye, kandi lilolekiza lia Yeso Kristo yavula, kandi umali kovora ivindu viosi via yalora.

Likunula 1:9

Inzi Yohana, amwavo winyu kandi kuli umulondi wa Yeso, mbeeye umusangi harara ni munyi, muliekuzira ku uvusaliri vuduuka ku yavo vosi avaveeye mu vwami vwa Nyasaye. Inzi ndaavoherwa mu kisulu cha Patimo kigira ndilwaza likuva lia Nyasaye kandi agiligali ga Yeso yambulira.

Likunula 12:11

Avaamitu vamali kuguuta Setani kuvitira mu amasahi gu Mwana wi Ligondi, kandi ni likuva lie ligali lie Ivangeri yaavalandiza, kandi vavugilira kuhaana livamwoyo liavo kukuza kigira lisuuvira liavo mu Yeso Kristo.

Likunula 12:17

Ogoyoka gonene yigwo gwavihilirwa mukali uyu ligali niguzia kulwaana ni ivisukulurwi viu mukali viatigala, yavo avagumira amalago ga Nyasaye, kandi vaveeye avasuuvirifu ku lilolekiza lia agiligali agavuulwa na Yeso. Ogoyoka yigwo gwasingira ku lujinga lwi inyanza.

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.

Likunula 6:9

Maku Mwana wi Ligondi yaavoholora umuhuri gwakatano, ndaalora hasi hu vwali, imioyo ja yavo aviitwa ni kivavi kigira vilwaza likuva lia Nyasaye kandi kigira vaali avasuuvirifu mu lilolekiza liavo.